Earthquake : જમ્મુ- કાશ્મીરના ડોડામાં વહેલી સવારે 4.6 ની તીવ્રતાનો ભૂકંપ, લોકોમાં ફફડાટ
- Earthquake : જમ્મુ-કાશ્મીરના ડોડામાં વહેલી સવારે 4.6ની તીવ્રતાનો ભૂકંપ અનુભવાયો.
- મહારાષ્ટ્રના હિંગોલીમાં 4.7ની તીવ્રતાના આંચકા સાથે મકાનોમાં પડી તિરાડો
- નેશનલ સેન્ટર ફોર સિસ્મોલોજી દ્વારા કાશ્મીર અને મહારાષ્ટ્રમાં ભૂકંપની પુષ્ટિ.
- ડોડા જિલ્લામાં એક મહિનામાં બીજી વાર ભૂકંપ આવતા સ્થાનિકોમાં ફફડાટ.
- હિંગોલી અને આસપાસના જિલ્લાઓમાં ભૂકંપના આંચકાથી લોકો ઘરની બહાર દોડી આવ્યા
Earthquake : ભારતના વિવિધ રાજ્યોમાં છેલ્લા કેટલાક દિવસોથી ભૂકંપ (Earthquake) આવવાનો સિલસિલો યથાવત રહ્યો છે. રવિવારે વહેલી સવારે જમ્મુ અને કાશ્મીર (Jammu and Kashmir)ના ડોડા (Doda) જિલ્લામાં ભૂકંપના તીવ્ર આંચકા અનુભવાયા હતા, જેના કારણે ઊંઘી રહેલા લોકો ગભરાટના માર્યા ઘરની બહાર દોડી આવ્યા હતા.
Earthquake : ડોડામાં વહેલી સવારે 4.6 ની તીવ્રતાનો ભૂકંપ
નેશનલ સેન્ટર ફોર સિસ્મોલોજી (National Center for Seismology - NCS)ના જણાવ્યા અનુસાર, રવિવારે સવારે 4:32 વાગ્યે જમ્મુ-કાશ્મીરના પર્વતીય વિસ્તાર ડોડામાં ભૂકંપ નોંધાયો હતો. રિક્ટર સ્કેલ (Richter Scale) પર તેની તીવ્રતા 4.6 માપવામાં આવી હતી. જોકે, રાહતની વાત એ છે કે આ કુદરતી આપત્તિમાં હજુ સુધી કોઈ જાનહાનિ કે મોટા માલસામાનના નુકસાનના અહેવાલ પ્રાપ્ત થયા નથી. સ્થાનિક વહીવટીતંત્ર (Local Administration) અને પોલીસ હાલ પરિસ્થિતિ પર બારીકાઈથી નજર રાખી રહ્યા છે.
મહારાષ્ટ્રના હિંગોલીમાં પણ ધરા ધ્રૂજી
માત્ર કાશ્મીર જ નહીં, પરંતુ પશ્ચિમ ભારતના મહારાષ્ટ્ર (Maharashtra) માં પણ ભૂકંપે દસ્તક દીધી છે. શનિવાર, 11 એપ્રિલ 2026 ના રોજ મરાઠવાડાના હિંગોલી (Hingoli) જિલ્લામાં 4.7 ની તીવ્રતાનો ભૂકંપ અનુભવાયો હતો. પ્રાપ્તથતી માહિતી અનુસાર ભૂકંપનું કેન્દ્રબિંદુ હિંગોલીના વસમત તાલુકાના શિરલી ગામ પહોંચ્યું છે. તેમજ નાંદેડ અને પરભણી જિલ્લામાં પણ આંચકા અનુભવાયા છે. સૂત્રો પાસેથી મળતી માહિતી અનુસાર પાંગરા શિંદે ગામમાં કેટલીક ઇમારતો અને મકાનોમાં તિરાડો (Cracks in buildings) પડી હોવાના અહેવાલ છે.
An earthquake of magnitude 4.6 on the Richter scale occured in Doda in Jammu and Kashmir, at 04.32 hours today: National Centre for Seismology pic.twitter.com/AA2fHkwc1O
— ANI (@ANI) April 11, 2026
વારંવાર આવતા આંચકા ચિંતાનો વિષય
નોંધનીય છે કે આ અગાઉ માર્ચ મહિનામાં પણ ડોડા (Doda Earthquake)માં 4.2 ની તીવ્રતાનો ભૂકંપ આવ્યો હતો. આ સિવાય ફેબ્રુઆરીના અંતમાં પશ્ચિમ બંગાળના કોલકાતા અને હાવડામાં પણ જમીન ધ્રૂજી હતી. દિલ્હી-NCR (Delhi-NCR) સહિતના ઉત્તર ભારતના વિસ્તારોમાં પણ સમયાંતરે આવતા આ આંચકાઓએ ભૂસ્તરશાસ્ત્રીઓની ચિંતા વધારી દીધી છે. વહીવટીતંત્ર દ્વારા લોકોને ભૂકંપ સમયે સતર્ક રહેવા અને સાવચેતીના પગલાં લેવા અપીલ કરવામાં આવી છે.
આ પણ વાંચો: Begusarai Bomb Blast: બિહારમાં સર્ચ ઓપરેશન દરમિયાન બોમ્બ વિસ્ફોટ