અમે વિરોધ કરવા માંગીએ છીએ, આત્મહત્યા નહીં : સોનમ વાંગચુક

વીડિયો કોલ દરમિયાન સોનમ વાંગચુકે મહતોને સમજાવ્યું કે શાંતિપૂર્ણ વિરોધ (Peaceful Protest) લાંબી લડાઈ છે અને તેમાં સ્વાસ્થ્ય જાળવવું પણ એટલું જ જરૂરી છે. તેમણે કહ્યું, "અમે વિરોધ કરવા માંગીએ છીએ, આત્મહત્યા નહીં." વાંગચુકે મહતોને પાણી પીવાની અપીલ કરી અને જણાવ્યું કે જો વિરોધ શાંતિપૂર્ણ અને સતત રહેશે તો સરકારને એક દિવસ લોકોની માંગ સ્વીકારવી જ પડશે. તેમની આ અપીલ બાદ મહતોએ પાણી પીધું, પરંતુ ઉપવાસ ચાલુ રાખવાનો નિર્ણય યથાવત રાખ્યો.

JPSC પરીક્ષા ગેરરીતિઓ સામે સતત આંદોલન

દેવેન્દ્રનાથ મહતો હાલમાં જયપાલ સિંહ મુંડા સ્ટેડિયમ (Jaipal Singh Munda Stadium) ખાતે અનિશ્ચિત સમયની ભૂખ હડતાળ પર બેઠા છે. તેઓ JPSC, JSSC-CGL (Jharkhand Staff Selection Commission Combined Graduate Level) અને અન્ય ભરતી પરીક્ષાઓમાં કથિત પેપર લીક (Paper Leak) તથા ગેરરીતિઓ સામે લાંબા સમયથી અવાજ ઉઠાવી રહ્યા છે.

#WATCH | Ranchi, Jharkhand: Activist Sonam Wangchuk interacts with the Student leader Devendra Nath Mahato and asks about his health, who is sitting on an indefinite hunger strike at Jaipal Singh Munda Stadium in protest over alleged irregularities in the JPSC, JSSC CGL, and… pic.twitter.com/sDosFybsAW

— ANI (@ANI) August 5, 2026

મહતોએ જણાવ્યું કે તેઓ 25 જુલાઈથી સત્યાગ્રહ (Satyagraha) કરી રહ્યા છે અને 2 ઓગસ્ટથી સંપૂર્ણ ભૂખ હડતાળ શરૂ કરી છે. તેમના જણાવ્યા મુજબ છેલ્લા 26 વર્ષથી પરીક્ષા પ્રણાલીમાં ગેરરીતિઓ થઈ રહી છે. ડૉક્ટરોએ પણ ચેતવણી આપી હતી કે જો તેઓ પાણી નહીં પીવે તો હોસ્પિટલમાં દાખલ કરવાની જરૂર પડી શકે છે. અંતે સોનમ વાંગચુકના આગ્રહને માન આપી તેમણે માત્ર પાણી પીધું, પરંતુ ન્યાયની માંગ સાથે તેમનો વિરોધ હજુ પણ અવિરત ચાલુ છે.

આ પણ વાંચો : Arvind Kejriwal : Gen Z ના રસ્તે કેજરીવાલ? E20 પેટ્રોલ મુદ્દે PM આવાસ તરફ કૂચ, પોલીસે રસ્તામાં રોક્યા!