J&K Accident: કાશ્મીરમાં CRPFના જવાનોની ગાડી ખીણમાં ખાબકી, 9થી વધુ સૈનિકો થયા ઘાયલ

• કાશ્મીરમાં CRPFના જવાનોની ગાડીનો અકસ્માત
• રસ્તા પરથી સરકી CRPFના જવાનોની ગાડી ખીણમાં ખાબકી
• અકસ્માતમાં 9થી વધુ સૈનિકો થયા ઘાયલ

Kashmir Accident: મધ્ય કાશ્મીરના બડગામના ખાનસાહિબ જિલ્લાના દૂધપથરીના તંગનાર વિસ્તારમાં CRPF જવાનોનું વાહન અકસ્માતનો (Kashmir Accident)ભોગ બન્યું છે. પેટ્રોલિંગમાં જઈ રહેલ વાહન રસ્તા પરથી સરકીને ઊંડી ખીણમાં ખાબક્યું છે. ગાડીમાં સવાર સ્પેશિયલ ક્યુએટી સાઉથ શ્રીનગર રેન્જના નવ સૈનિકો ઘાયલ થયા છે, જેમાંથી 2 ની હાલત ગંભીર હોવાનું કહેવાય છે. બધા ઘાયલોને શ્રીનગર આર્મી બેઝ હોસ્પિટલ રિફર કરવામાં આવ્યા છે.

અકસ્માતમાં ઘણા CRPF જવાનો ઘાયલ થયા

અધિકારીઓએ જણાવ્યું હતું કે મંગળવારે મધ્ય કાશ્મીરના બડગામ જિલ્લાના ખાનસાહિબ તહસીલમાં દૂધપથરીના તંગનાર વિસ્તારમાં CRPFનું એક વાહન અકસ્માતમાં ઊંડી ખીણમાં પડી ગયું હતું. તેમણે કહ્યું કે વાહન અચાનક સંતુલન ગુમાવી દીધું, રસ્તા પરથી સરકી ગયું અને ઊંડી ખાડામાં પડી ગયું. એક અધિકારીએ જણાવ્યું હતું કે, "આ અકસ્માતમાં ઘણા CRPF જવાનો ઘાયલ થયા છે." તેમણે કહ્યું કે ઘટના પછી તરત જ બચાવ કામગીરી શરૂ કરવામાં આવી હતી. તેમણે કહ્યું કે ઘાયલ સૈનિકોની ચોક્કસ સંખ્યા અને તેમની સ્થિતિ હજુ સુધી જાણી શકાઈ નથી.

આ પણ  વાંચો -Pahalgam attack: સિંધુ જળસંધિ બાદ પાકને લાગશે વધુ એક ઝટકો,ભારતે તૈયાર કર્યો આ પ્લાન

ઘાયલોને આર્મી હોસ્પિટલમાં દાખલ કરવામાં આવ્યા

અકસ્માત બાદ ઘાયલોને તાત્કાલિક સારવાર માટે આર્મી બેઝ હોસ્પિટલ શ્રીનગર લઈ જવામાં આવ્યા હતા. ઘાયલ સૈનિકોમાંથી 2 સૈનિકોની હાલત ખૂબ જ ગંભીર છે અને તેમની સારવાર ચાલી રહી છે. બધા સૈનિકોની સારવાર સેનાના નિષ્ણાત ડોકટરો દ્વારા કરવામાં આવી રહી છે. CRPF વાહનનો રજીસ્ટ્રેશન નંબર હજુ સુધી જાણી શકાયો નથી. પોલીસ અને સંબંધિત અધિકારીઓએ ઘટનાની તપાસ શરૂ કરી દીધી છે અને અકસ્માતનું કારણ શોધવાનો પ્રયાસ કરી રહ્યા છે.