પટનામાં કોચિંગ સેન્ટરો વચ્ચે વર્ચસ્વની લડાઈ લોહિયાળ બની, ગાર્ડ્સે કર્યું ફાયરિંગ
પટનાના મુસલ્લહપુર વિસ્તારમાં આવેલી ખાન ગ્લોબલ સ્ટડીઝ સંસ્થા પર ગત મંગળવારે રાત્રે 15 થી 20 અજાણ્યા લોકોના ટોળાએ હુમલો કર્યો હતો. આ હુમલા દરમિયાન સંસ્થાના પોસ્ટરો ફાડી નાખવામાં આવ્યા અને પથરાવ કરવામાં આવ્યો હતો. આ હંગામાનો એક વીડિયો સોશિયલ મીડિયા પર વાયરલ થયો છે, જેમાં ખાન સરના બે ખાનગી સુરક્ષા ગાર્ડ ભીડ પર રાયફલથી ફાયરિંગ કરતા જોવા મળી રહ્યા છે. પોલીસે બંને ગાર્ડની ધરપકડ કરી લીધી છે અને તેમની રાયફલો પણ જપ્ત કરી લીધી છે. ખાન સર પર આરોપ છે કે તેમના કહેવા પર જ ગાર્ડ્સે ગોળીબાર કર્યો હતો, જેના કારણે કદમકુઆં પોલીસ સ્ટેશનમાં તેમની સામે ગંભીર કલમો હેઠળ ગુનો નોંધવામાં આવ્યો છે.
ફાયર સેફ્ટીના નિયમોની અનદેખી: 15 દિવસમાં કોચિંગ પર તાળું લટકશે?
"બિહાર અગ્નિશમન સેવા દ્વારા કરવામાં આવેલી તપાસમાં ખાન ગ્લોબલ સ્ટડીઝમાં સુરક્ષાના માપદંડોમાં ભારે ખામીઓ જોવા મળી છે. જો ૧૫ દિવસમાં આ સુધારો નહીં થાય તો કોચિંગ સેન્ટર સીલ કરવામાં આવશે." - મનોજ કુમાર નટ, ડીઆઈજી, બિહાર ફાયર સર્વિસ
એક તરફ ધરપકડની તલવાર લટકી રહી છે, તો બીજી તરફ વહીવટીતંત્રે ફાયર સેફ્ટીના માપદંડોનું પાલન ન કરવા બદલ સંસ્થાને અલ્ટીમેટમ આપ્યું છે.
સરન્ડરની અફવા વચ્ચે ખાન સરે કોર્ટમાં આગોતરા જામીન માટે લગાવી અરજી
શનિવારે પટના સિવિલ કોર્ટની બહાર મીડિયા અને પોલીસનો ભારે જમાવડો જોવા મળ્યો હતો, કારણ કે એવી અફવા ઉડી હતી કે ખાન સર આત્મસમર્પણ કરવાના છે. જોકે, તેમના વકીલોએ સ્પષ્ટ કર્યું કે સરન્ડર કરવાનો કોઈ ઈરાદો નથી. ખાન સરે વકીલ મારફતે અનુરાગ વર્માની કોર્ટમાં આગોતરા જામીન (Anticipatory Bell) ની અરજી દાખલ કરી છે. આ અરજીમાં તેમણે પોતાના સિવાય બંને ગાર્ડ માટે પણ જામીનની માંગ કરી છે.
ખાન સર કરશે સરેન્ડર?
કાનૂની નિષ્ણાતોના મતે, જ્યાં સુધી અદાલત આ અરજી પર કોઈ નિર્ણય ન લે ત્યાં સુધી ખાન સર પોલીસ સમક્ષ હાજર થાય તેવી શક્યતા નહિવત છે. પટના એસએસપી કાર્તિકેય શર્માએ વિદ્યાર્થીઓને અપીલ કરી છે કે તેઓ કોચિંગ ઓપરેટરોની આપસી લડાઈમાં ઢાલ ન બને અને પોતાની ભણતર પર ધ્યાન આપે.
આ પણ વાંચો : Pune Rave Party Raid : મહારાષ્ટ્રના પુણેમાં રેવ પાર્ટીમાં પોલીસની રેડ, 156 લોકો ઝડપાયા; ₹85 લાખનો મુદ્દામાલ જપ્ત
