Teejan Bai: અલવિદા પદ્મ વિભૂષણ તીજન બાઈ, પાંડવાનીના અવાજ અને છત્તીસગઢની શાનનું નિધન

પાંડવાની ગાયન શૈલીને વૈશ્વિક ઓળખ અપાવનાર પ્રખ્યાત લોકકલાકાર પદ્મ વિભૂષણ ડૉ. તીજન બાઈનું અવસાન થયું છે. તેઓ લાંબા સમયથી બીમારી સામે ઝઝૂમી રહ્યા હતા. આખરે રાયપુર AIIMS ખાતે તેમણે અંતિમ શ્વાસ લીધા છે. તેમના નિધનથી દેશભરના સાંસ્કૃતિક અને કલા જગતમાં શોકની લહેર પ્રસરી ગઈ છે.

Teejan Bai: પાંડવાનીની દુનિયામાં એક યુગનો અંત

તીજન બાઈનો જન્મ 1956માં છત્તીસગઢના દુર્ગ જિલ્લાના ગનિયારી ગામમાં થયો હતો. તેમનું જીવન સંઘર્ષ અને અદમ્ય ઈચ્છાશક્તિનું પ્રતીક રહ્યું છે. તેમણે પાંડવાનીને માત્ર જીવંત રાખી નથી, પરંતુ તેને નવી ઊંચાઈઓ આપી છે. હાથમાં તંબૂરો લઈને જ્યારે તેઓ મંચ પર ઉતરતા, ત્યારે તેમની કલાના જાદુમાં પ્રેક્ષકો મંત્રમુગ્ધ થઈ જતા. પાંચ દાયકા કરતા પણ વધુ સમય સુધી તેમણે પોતાની કળાનો જાદુ વિદેશી ધરતી પર પણ ફેલાવ્યો હતો.

સામાજિક રૂઢિઓને તોડીને રચ્યો ઇતિહાસ

તીજન બાઈએ તે સમયે પાંડવાનીની કાપાલિક શૈલી અપનાવી હતી, જે પરંપરાગત રીતે માત્ર પુરુષો માટે માનવામાં આવતી હતી. તે દોરમાં તેમણે ભારે સામાજિક વિરોધ અને બંધનોનો સામનો કરવો પડ્યો હતો. તેમણે તમામ અવરોધોને હિંમતપૂર્વક પાર કર્યા અને પોતાની ઓળખ બનાવી હતી. તેમની આ સફર આવનારી પેઢીઓ માટે હંમેશા પ્રેરણારૂપ બની રહેશે. કલા અને લોકસંસ્કૃતિમાં તેમના અમૂલ્ય યોગદાન માટે તેમને ભારત સરકાર દ્વારા પદ્મ શ્રી, પદ્મ ભૂષણ અને પદ્મ વિભૂષણ જેવા સર્વોચ્ચ સન્માન એનાયત કરવામાં આવ્યા હતા.

આ પણ વાંચો--- Ram Mandir Donation Controversy: રામ મંદિર દાન વિવાદ પર દ્વારકા શારદાપીઠના શંકરાચાર્યનું મોટું નિવેદન, જાણો શું કરી માગ?