Jammu-Kashmir : કેન્દ્રશાસિત જમ્મુ-કાશ્મીરના ડોડા (Doda) જિલ્લામાં એક ગામના લોકોએ 11 હજાર ફૂટની ઊંચાઈએ ફસાયેલા સેનાના જવાનોની મદદ કરીને એક નવું ઉદાહરણ રજૂ કર્યું છે. ગામના લોકોએ લગભગ પાંચ કલાક સુધી સતત પહાડોની કઠિન ચઢાઈ કરી અને બરફમાં ફસાયેલા જવાનોને સુરક્ષિત બહાર કાઢયા.
આ પણ વાંચો: Army Vehicle Accident : જમ્મુ અને કાશ્મીરમાં આર્મી જવાન ભરેલી કૈસ્પર ખાણમાં ખાબકી, 10 જવાન શહીદ
કેવી રીતે ફસાયા હતા જવાનો?
જણાવવામાં આવે છે કે સેનાના જવાનો ઊંચી પહાડીઓ પર એક એન્ટી-ટેરર સર્ચ ઓપરેશન (Anti-Terror Search Operation) ચલાવી રહ્યા છે. અંગ્રેજી અખબારે પોતાના અહેવાલમાં સૂત્રોને ટાંકીને જણાવ્યું છે કે 23 જાન્યુઆરીએ સૈનિકોએ આતંકીઓ વિરુદ્ધ સર્ચ ઓપરેશન શરૂ કર્યું હતું. એક એન્કાઉન્ટરમાં સેનાના હવાલદાર ગજેન્દ્ર સિંહ શહીદ થયા હતા અને અન્ય સાત જવાનો ઘાયલ થયા હતા, તેના પછી ભારતીય સેનાએ સર્ચ ઓપરેશન હાથ ધર્યું હતું.
જો કે ખરાબ હવામાનના કારણે સેનાના જવાનો દુર્ગમ વિસ્તારમાં ફસાઈ ગયા હતા. તેવામાં જવાનો તરફથી ગુંદના આર્મી પોસ્ટને સંદેશ મોકલવામાં આવ્યો. તેના પછી 24 જાન્યુઆરીએ ગામનાસ્થાનિકોની મદદ માંગવામાં આવી.
આ પણ વાંચો: જમ્મુ-કાશ્મીરના હિમાચ્છાદિત ક્ષેત્રમાં 30થી 35 આતંકી સક્રિય, એલર્ટ બાદ સેનાનું ઓપરેશન શરૂ
ગ્રામીણો દ્વારા રેસ્ક્યૂ
અંગ્રેજી અખબાર સાથેની વાતચીતમાં એક ગ્રામીણે કહ્યુ કે અમે 25 જાન્યુઆરીની સવારે લગભગ 8.30 કલાકે રેસ્ક્યૂ ઓપરેશન શરૂ કર્યું. સેનાએ અમને બૂટ અને ભોજન સામગ્રીના કેટલાક પેકેટ આપ્યા હતા, જ્યારે અમે પોતાની સાથે ખુદની શૉલ લઈને ચાલ્યા હતા. બપોરે લગભગ 1.30 કલાકે અમે સેનાના જવાનો સુધી પહોંચ્યા અને તમામને સુરક્ષિત નીચે લઈ ગયા.
સંરક્ષણ મંત્રાલયના પ્રવક્તા લેફ્ટિનેન્ટ કર્નલ સુનીલ ભારતવાલે કહ્યુ કે સામાન્ય નાગરિકોએ સેના સાથે મળીને એક સુરક્ષિત માર્ગ બનાવ્યો. તેના સિવાય બોર્ડર રોડ ઓર્ગેનાઈઝેશન (BRO) એ પણ ચિત્રગાલ વિસ્તારમાં રેસ્ક્યૂ ઓપરેશન હાથ ધર્યું. 26 જાન્યુઆરીએ BRO અને ગ્રામીણોની મદદથી લગભગ 40 સેનાના જવાનો અને 20 સામાન્ય નાગરિકોને સુરક્ષિત રેસ્ક્યૂ કરવામાં આવ્યા.
આ પણ વાંચો: Kishtwar Encounter : ભારતીય સેના અને જૈશના આતંકીઓ વચ્ચે સામસામે ગોળીબાર, 7 જવાન ઘાયલ
