LPG Price Today: સપ્ટેમ્બરના પહેલા જ દિવસે ખુશખબર, LPG સિલિન્ડરના ભાવમાં ઘટાડો

• સપ્ટેમ્બરના પહેલા જ દિવસે LPGના ભાવમાં ઘટાડો (LPG Price Today)
• કોમર્શિયલ સિલિન્ડરના ભાવમાં 51.50નો ઘટાડો
• દિલ્હીમાં સિલિન્ડરનો ભાવ રુ.1580  થયો
• ઘરેલુ સિલિન્ડરના ભાવમાં કોઈ ઘટાડો નહીં

LPG Price Today : સપ્ટેમ્બર મહિનાની શરૂઆત સામાન્ય લોકો માટે સારા સમાચાર સાથે થઈ છે. ઓઇલ માર્કેટિંગ કંપનીઓએ (OMCs) કોમર્શિયલ LPG સિલિન્ડરની કિંમતોમાં મોટો ઘટાડો કર્યો છે. 19 કિલોના કોમર્શિયલ સિલિન્ડરનો ભાવ રુ.51.50 ઓછો થયો છે. આ ઘટાડા બાદ દિલ્હીમાં તેની કિંમત રુ.1,631 થી ઘટીને રુ.1,580 થઈ ગઈ છે.

નોંધનીય છે કે આ રાહત માત્ર કોમર્શિયલ સિલિન્ડરો માટે જ છે. ઘરેલુ LPG સિલિન્ડરના ભાવમાં કોઈ ફેરફાર કરવામાં આવ્યો નથી. ઉલ્લેખનીય છે કે ઓગસ્ટ અને જુલાઈ મહિનામાં પણ કોમર્શિયલ સિલિન્ડરના ભાવ અનુક્રમે રુ.33.50 અને રુ.60 ઘટ્યા હતા.

આજના કોમર્શિયલ LPG સિલિન્ડરના ભાવ (19 કિલો) (LPG Price Today)

ચાર મુખ્ય મહાનગરોમાં 19 કિલોના કોમર્શિયલ LPG સિલિન્ડરના નવા ભાવ નીચે મુજબ છે:

• દિલ્હી: રુ.1,580
• મુંબઈ: રુ.1,531.50
• કોલકાતા: રુ.1,684
• ચેન્નાઈ: રુ.1,738

ઘરેલુ LPG સિલિન્ડરના ભાવ (14.2 કિલો) (LPG Price Today)

1 સપ્ટેમ્બર, 2025ના રોજ 14.2 કિલોના ઘરેલુ LPG સિલિન્ડરના ભાવમાં કોઈ ફેરફાર થયો નથી. વિવિધ શહેરોમાં ભાવ આ પ્રમાણે છે:

• દિલ્હી: રુ.853.00
• અમદાવાદ: રુ.860.00
• મુંબઈ: રુ.852.50
• બેંગલુરુ: રુ.855.50
• લખનૌ: રુ.890.50
• પટના: રુ.942.50

કોમર્શિયલ અને ઘરેલુ સિલિન્ડરના ઉપયોગો

1. ઘરેલુ LPG સિલિન્ડર (14.2 કિલો): આ સિલિન્ડર મુખ્યત્વે ઘરમાં રસોઈ બનાવવા માટે, હીટર અને ગીઝર ચલાવવા માટે ઉપયોગમાં લેવાય છે.
2. કોમર્શિયલ LPG સિલિન્ડર (19 કિલો/47.5 કિલો): તેનો ઉપયોગ મુખ્યત્વે હોટલ, રેસ્ટોરન્ટ, કેન્ટીન, મીઠાઈની દુકાનો અને બેકરી જેવી જગ્યાએ મોટા પાયે રસોઈ બનાવવા માટે થાય છે. આ ઉપરાંત, હોસ્પિટલ અને ફેક્ટરીમાં પણ તેનો ઉપયોગ થાય છે.