મુંબઈ પોલીસમાં મહત્વપૂર્ણ ફેરફાર
BMC ચૂંટણી (BMC Elections) પૂર્ણ થયા બાદ મુંબઈ પોલીસના તમામ જોઈન્ટ કમિશનરોની બદલી અંગે ચર્ચાઓ તેજ બની હતી. અંતે લગભગ 4 મહિના બાદ આ પ્રક્રિયા પૂર્ણ કરવામાં આવી છે. નોંધનીય છે કે, મુંબઈ પોલીસના પાંચેય જોઈન્ટ કમિશનરનો કાર્યકાળ 3 વર્ષ પહેલા જ પૂર્ણ થઈ ગયો હતો. આ 5 વરિષ્ઠ અધિકારીઓ—સત્યનારાયણ ચૌધરી (Satyanarayan Chaudhary), જય કુમાર (Jai Kumar), નિશીથ મિશ્રા (Nishith Mishra), લક્ષ્મી ગૌતમ (Lakshmi Gautam) અને અનિલ કુંભારે (Anil Kumbhare) ની હવે બદલી કરવામાં આવી છે. તેમને મુંબઈ અને આસપાસના વિસ્તારોમાં મહત્વપૂર્ણ પદો પર નવી જવાબદારીઓ આપવામાં આવી છે.
![Maharashtra IPS transfer, Mumbai Police reshuffle, Manoj Sharma IPS, 12th Fail IPS officer, Gujarat First]()
આ પણ વાંચો : Indian Railways ની નવી હાઇટેક પહેલ! હવે TTE પહેરશે Body Camera, મુસાફરોની સુરક્ષા અને પારદર્શિતા વધશે
મનોજ શર્મા-અનિલ કુંભારેને મળી મુંબઈ પોલીસમાં મહત્વની કમાન
મુંબઈ જેવા મેટ્રો સિટીમાં સુરક્ષા વ્યવસ્થા સુદ્રઢ કરવા માટે કાયદો અને વ્યવસ્થા (Law and Order) નો વિભાગ સૌથી મહત્વનો માનવામાં આવે છે. 2005 બેચના પ્રખ્યાત IPS અધિકારી મનોજ શર્માને મુંબઈ પોલીસના નવા જોઈન્ટ કમિશનર (કાયદો અને વ્યવસ્થા) તરીકે નિયુક્ત કરવામાં આવ્યા છે. સુપરહિટ ફિલ્મ '12મી ફેલ' ('12th Fail') ના કારણે દેશભરમાં લોકપ્રિય બનેલા મનોજ શર્મા અગાઉ મહારાષ્ટ્રના કાયદો અને વ્યવસ્થા વિભાગના વડા તરીકે કાર્યરત હતા. આ સિવાય તેઓ સીએઆઈએસએફ (CISF) માં ડેપ્યુટેશન પર સેવા આપી ચૂક્યા છે અને અગાઉ મુંબઈ પોલીસના પશ્ચિમ ક્ષેત્રમાં એડિશનલ સીપી તેમજ ઝોન 1 ના ડીસીપી તરીકે પણ કામ કરી ચૂક્યા છે. બીજી તરફ, 2004 બેચના IPS અધિકારી અનિલ કુંભારેને મુંબઈ પોલીસની પ્રતિષ્ઠિત ક્રાઈમ બ્રાન્ચ (Crime Branch) ના નવા જોઈન્ટ સીપી બનાવવામાં આવ્યા છે. અગાઉ ટ્રાફિક વિભાગ સંભાળી ચૂકેલા કુંભારે એટીએસ (ATS) ના આઈજી (IG) અને મુંબઈના વિવિધ ઝોનમાં ડીસીપી તરીકેનો બહોળો અનુભવ ધરાવે છે.
અન્ય વરિષ્ઠ અધિકારીઓની નવી નિમણૂકો અને પ્રમોશન - Maharashtra IPS transfer
મહારાષ્ટ્ર સરકાર દ્વારા કરવામાં આવેલા આ વહીવટી ફેરબદલમાં અન્ય કેટલાય સિનિયર IPS અધિકારીઓને પણ નવી અને મહત્વની જવાબદારીઓ સોંપવામાં આવી છે. આ કડીમાં, છેલ્લા 3 વર્ષથી મુંબઈમાં કાયદો અને વ્યવસ્થાની જવાબદારી સફળતાપૂર્વક સંભાળનારા વરિષ્ઠ અધિકારી સત્યનારાયણ ચૌધરીને હવે મુંબઈ ટ્રાફિક વિભાગ (Traffic Department) ના વડા તરીકે નિયુક્ત કરવામાં આવ્યા છે. તેમની સાથે જ, 2003 બેચના કુશળ IPS અધિકારી રાજેશ પ્રધાનને આર્થિક ગુના શાખા (Economic Offences Wing - EOW) ની કમાન સોંપવામાં આવી છે; તેઓ અગાઉ સીબીઆઈ (CBI) માં ડેપ્યુટેશન પર સેવા આપી ચૂક્યા છે અને મુંબઈના ઉત્તર ક્ષેત્રમાં એડિશનલ સીપી તેમજ ઝોન 7 માં DCP તરીકેનો વહીવટી અનુભવ ધરાવે છે. આ ઉપરાંત, અનુભવી અધિકારી સુવેજ હકને જય કુમારના સ્થાને મુંબઈ પોલીસના નવા વહીવટી અધિકારી (Administrative Officer) તરીકે નિયુક્ત કરાયા છે, જેઓ અગાઉ DGP ઓફિસમાં આયોજન અને સંકલનની કામગીરી જોતા હતા અને CBIમાં પણ પોતાની સેવાઓ આપી ચૂક્યા છે.
![Maharashtra IPS transfer, Gujarat First]()
વસ્તી વધારાને કારણે નવા પદોની મંજૂરી અને પ્રમોશન
મુંબઈની સતત વધતી જતી વસ્તી (Population) અને પોલીસ ફોર્સ પર વધી રહેલા કાર્યભાર (Workload) ને ધ્યાનમાં રાખીને તાજેતરમાં જ મુંબઈ પોલીસમાં 3 DCP અને એક એડિશનલ CPની નવી જગ્યાઓ (New Posts) ઉભી કરવામાં આવી છે. આ ફેરબદલ દરમિયાન, મુંબઈ પોલીસના 2 DCPને એડિશનલ CP તરીકે પ્રમોશન (Promotion) આપવામાં આવ્યું છે, જો કે તેમની નવી પોસ્ટિંગની જાહેરાત ટૂંક સમયમાં કરવામાં આવશે. આ ઉપરાંત, પશ્ચિમ ક્ષેત્રના એડિશનલ CP પરમજીત સિંહ દહિયાને પ્રમોશન આપીને એટીએસ (ATS) માં IG બનાવવામાં આવ્યા છે, જ્યારે કૃષ્ણકાંત ઉપાધ્યાયને પણ એડિશનલ CP તરીકે બઢતી આપવામાં આવી છે.
આ પણ વાંચો : PM મોદીએ વિદેશ યાત્રા પર ટેક્સના દાવાઓને પાયાવિહોણા ગણાવ્યા
