Mamata Banerjee નો રાજીનામું આપવા સ્પષ્ટ ઈનકાર, કહ્યું- "બરતરફ કરવી હોય તો કરી દો!"
- ચૂંટણી પરિણામો બાદ પશ્ચિમ બંગાળમાં બંધારણીય કટોકટી જેવી સ્થિતિ
- મમતા બેનર્જીએ ભાજપ પર લગાવ્યા ચૂંટણીમાં ગેરરીતિ અને 'સીટ ચોરી'ના આરોપ
- ચૂંટણી પંચ ભાજપના એજન્ટ તરીકે કામ કરતું હોવાનો મમતાનો ગંભીર દાવો
- ટીએમસી હવે ચૂંટણી જનાદેશને સુપ્રીમ કોર્ટમાં આપશે પડકાર
- અભિષેક બેનર્જીએ પણ સમર્થન આપતા કહ્યું- "હોદ્દા પર રહીને જ વિરોધ કરીશું"
પશ્ચિમ બંગાળના રાજકારણમાં (West Bengal Politics) અત્યારે જે વળાંક આવ્યો છે, તેણે દેશના દિગ્ગજ કાયદાવિદો અને રાજકીય વિશ્લેષકોને પણ વિચારતા કરી દીધા છે. તૃણમૂલ કોંગ્રેસ (Trinamool Congress) (TMC) ના સુપ્રીમો મમતા બેનર્જીએ સ્પષ્ટ કરી દીધું છે કે તેઓ સ્વેચ્છાએ રાજીનામું આપશે નહીં. ચૂંટણીમાં પરાજય બાદ સામાન્ય રીતે મુખ્યમંત્રી પદ છોડવાની પરંપરા રહી છે, પરંતુ મમતા બેનર્જીએ આ પરંપરાને પડકારીને એક નવો જ મોરચો ખોલ્યો છે.
"બરતરફ કરો પણ નમીશ નહીં"
પોતાના કાલીઘાટ સ્થિત નિવાસસ્થાને ટીએમસીના નવા ચૂંટાયેલા ધારાસભ્યો સાથેની બેઠકમાં મમતા બેનર્જીએ અત્યંત આક્રમક તેવર બતાવ્યા હતા. તેમણે ભાજપ (BJP) પર ગંભીર આરોપ લગાવતા કહ્યું કે, આ જનાદેશ જનતાનો નથી પણ 'સીટ ચોરી' અને ગેરરીતિનો છે. તેમણે ભાજપને પડકાર ફેંકતા કહ્યું, "જો લોકશાહીને ખતમ જ કરવી હોય તો મને બરતરફ (Dismiss) કરી દો, પણ હું રાજીનામું આપીને ભાજપની ગેરરીતિને સ્વીકારીશ નહીં." મમતાએ આ દિવસને લોકશાહી માટે 'કાળો દિવસ' ગણાવ્યો હતો.
સુપ્રીમ કોર્ટમાં કાયદાકીય લડાઈની તૈયારી
મમતા બેનર્જી માત્ર નિવેદનોથી અટક્યા નથી, તેમણે આ ચૂંટણી પરિણામોને સુપ્રીમ કોર્ટ (Supreme Court) માં પડકારવાની જાહેરાત કરી છે. તેમની દલીલ છે કે ચૂંટણી પંચે (Election Commission) નિષ્પક્ષ રીતે કામ કર્યું નથી અને કેન્દ્રીય એજન્સીઓનો દુરુપયોગ કરીને ચૂંટણી જીતવામાં આવી છે. ટીએમસીના મહાસચિવ અભિષેક બેનર્જીએ પણ પક્ષના નેતાઓને સૂચના આપી છે કે કોઈએ પણ પોતપોતાના હોદ્દા પરથી રાજીનામું આપવું નહીં. આ એક પ્રકારનો 'બંધારણીય વિરોધ' (Constitutional Protest) છે, જેના દ્વારા ટીએમસી કેન્દ્ર સરકાર અને રાજ્યપાલને દબાણમાં લાવવા માંગે છે.
Our Chairperson Smt. @MamataOfficial and National General Secretary Shri @abhishekaitc addressed a meeting with our leaders in Kalighat, instilling in them clarity, confidence, conviction, and a renewed sense of purpose to continue the good fight.
Whether in power or not, our… pic.twitter.com/S3lXIkB2zF
— All India Trinamool Congress (@AITCofficial) May 6, 2026
રાજ્યપાલની ભૂમિકા અને બંધારણીય ગૂંચ
હવે સૌની નજર પશ્ચિમ બંગાળના રાજ્યપાલ પર છે. ભારતીય બંધારણ મુજબ, જો કોઈ મુખ્યમંત્રી બહુમતી ગુમાવે અથવા ચૂંટણી હારી જાય, તો રાજ્યપાલ પાસે તેમને પદ પરથી હટાવવાની સત્તા છે. જો મમતા બેનર્જી પોતાની જીદ પર અડગ રહે, તો રાજ્યપાલ આર્ટિકલ 356 હેઠળ રાષ્ટ્રપતિ શાસન (President's Rule) લાદવાની ભલામણ કરી શકે છે.
દિલ્હીના રાજકારણ પર પડશે અસર
મમતા બેનર્જીનો આ નિર્ણય માત્ર બંગાળ પૂરતો સીમિત નથી, પરંતુ તેની અસર દિલ્હીના રાજકારણ પર પણ પડશે. વિપક્ષી ગઠબંધન 'INDIA' ને મજબૂત કરવાની વાતો વચ્ચે દીદીનો આ આરપારનો જંગ દેશમાં એક નવો દાખલો બેસાડી શકે છે. શું બંગાળમાં લોકશાહીની જીત થશે કે બંધારણીય કટોકટી વધુ ઘેરી બનશે, તે આવનારા થોડા દિવસોમાં સ્પષ્ટ થઈ જશે.
આ પણ વાંચો : Tamil Nadu Politics Update : તમિલનાડુમાં વિજયની સરકાર પર લટકતી તલવાર, રાજ્યપાલે ફગાવ્યો દાવો !