RSS શતાબ્દી: મોહન ભાગવતનો સંદેશ - સુરક્ષા, સમાજ અને 'વિવિધતા જ શક્તિ'

• રાષ્ટ્રીય સ્વયંસેવક સંઘની સ્થાપનાના 100 વર્ષ પૂર્ણ (Mohan Bhagwat Vijyadashmi Speech)
• નાગપુરના રેશમબાગમાં RSSનો શતાબ્દી સમારોહ
• RSSના સંસ્થાપક ડૉ.હેડગેવારને આપી શ્રદ્ધાંજલિ
• સંઘ પ્રમુખ મોહન ભાગવતની ઉપસ્થિતિમાં શસ્ત્રપૂજન
• પૂર્વ રાષ્ટ્રપતિ રામનાથ કોવિંદ સમારોહમાં મુખ્ય અતિથિ
• 21 હજારથી વધુ સ્વયંસેવક કાર્યક્રમમાં રહ્યાં ઉપસ્થિત

Mohan Bhagwat Vijyadashmi Speech : રાષ્ટ્રીય સ્વયંસેવક સંઘ (RSS) તેની સ્થાપનાના 100 વર્ષ પૂરા થવાનો ઉત્સવ મનાવી રહ્યું છે. નાગપુરમાં વિજયાદશમી ઉત્સવ નિમિત્તે RSSના વડા મોહન ભાગવતે દેશની સુરક્ષા, વૈશ્વિક પરિદૃશ્ય અને સામાજિક જવાબદારીઓ પર ખુલ્લીને વાત કરી હતી. તેમણે સ્પષ્ટ કર્યું કે ભારત હંમેશા મિત્રતાના માર્ગ પર ચાલશે, પરંતુ સુરક્ષાના મામલે સંપૂર્ણપણે સતર્ક રહેવું જરૂરી છે.

નાગપુરના રેશમ બાગ મેદાનમાં આયોજિત સંઘના શતાબ્દી સમારોહમાં પૂર્વ રાષ્ટ્રપતિ રામનાથ કોવિંદ પણ ઉપસ્થિત રહ્યા હતા. કાર્યક્રમની શરૂઆત શસ્ત્ર પૂજનથી થઈ હતી અને લગભગ 21,000 સ્વયંસેવકોએ ભાગ લીધો હતો.

પહેલગામ હુમલો અને નેતૃત્વની દૃઢતા (Mohan Bhagwat Vijyadashmi Speech)

મોહન ભાગવતે પહેલગામમાં થયેલી દુઃખદ ઘટનાનો ઉલ્લેખ કર્યો, જ્યાં ધર્મના આધારે લોકોની હત્યા કરવામાં આવી હતી. તેમણે જણાવ્યું કે સેના અને સરકારે આ હુમલાનો જવાબ સંપૂર્ણ તૈયારી અને મજબૂતી સાથે આપ્યો, જેણે આપણા નેતૃત્વની દૃઢ ઇચ્છાશક્તિને ઉજાગર કરી. ભાગવતે ભારપૂર્વક કહ્યું કે, "આપણે બધા સાથે મૈત્રીપૂર્ણ સંબંધો જાળવવા જોઈએ, પરંતુ આપણી સુરક્ષાના મામલે હંમેશા સતર્ક રહેવું જરૂરી છે."

વિશ્વને ભારત પાસેથી આશા (Mohan Bhagwat Vijyadashmi Speech)

ભાગવતે કહ્યું કે આજે જ્યારે સમગ્ર વિશ્વ અસ્થિરતા અને ઉથલપાથલમાંથી પસાર થઈ રહ્યું છે, ત્યારે સૌની નજર ભારત તરફ છે. દુનિયા અપેક્ષા રાખી રહી છે કે ભારત વિશ્વને નવી દિશા આપશે. તેમણે સમજાવ્યું કે કોઈપણ વ્યવસ્થાને અચાનક ઉથલાવી દેવાને બદલે ધીમે ધીમે ફેરફાર લાવવો જરૂરી છે, તો જ વૈશ્વિક તંત્ર યોગ્ય રીતે કામ કરી શકશે.

આધ્યાત્મિક દૃષ્ટિની જરૂર (Mohan Bhagwat Vijyadashmi Speech)

સંઘ પ્રમુખે કહ્યું કે દુનિયાને ધર્મ અને આધ્યાત્મિક દૃષ્ટિકોણની જરૂર છે, અને આ માર્ગ ફક્ત ભારત જ બતાવી શકે છે. પરંતુ આ માટે સમાજે પોતામાં પરિવર્તન લાવવું પડશે, કારણ કે "જેવો સમાજ બને છે, તેના આધારે જ વ્યવસ્થા પણ બદલાય છે."

પડોશી દેશોની સ્થિતિ પર ચિંતા (Mohan Bhagwat Vijyadashmi Speech)

તેમણે પાડોશી રાષ્ટ્રોમાં થઈ રહેલા હિંસક પરિવર્તનો અંગે ચિંતા વ્યક્ત કરી. તેમણે કહ્યું કે જ્યારે શાસન લોકોની ભાવનાઓ અનુસાર નીતિ નથી બનાવતું ત્યારે અસંતોષ વધે છે, પરંતુ પરિવર્તનનો રસ્તો હિંસા નહીં પણ લોકશાહી પ્રક્રિયા હોવો જોઈએ.

પરિવારોમાં અંતર:

ભાગવતે કહ્યું કે ભૌતિક સુખ-સુવિધાઓ વધવા છતાં અને રાષ્ટ્ર તેમજ સમાજ એકબીજાની નજીક આવવા છતાં, સંબંધોમાં કડવાશ અને પરિવારોમાં તૂટન જોવા મળી રહી છે, જે ચિંતાનો વિષય છે.

સંઘનો સિદ્ધાંત:

મોહન ભાગવતે સ્પષ્ટ કર્યું કે નેતૃત્વ અને સમાજની જવાબદારી માત્ર ભાષણ આપવાથી પૂર્ણ થતી નથી, પરંતુ જીવનમાં ઉદાહરણ પેશ કરવું પડે છે. તેમણે સંઘનો સિદ્ધાંત જણાવ્યો: "સંઘનો અનુભવ એ જ કહે છે - જ્યારે વ્યક્તિમાં પરિવર્તન આવે છે, ત્યારે સમાજ બદલાય છે, અને સમાજ બદલાવાથી સમગ્ર વ્યવસ્થામાં સુધારો થાય છે." તેમણે કહ્યું, "જો દેશને નવું સ્વરૂપ આપવું હોય તો સૌથી પહેલા આપણી આદતો બદલવી પડશે. 'જેવો દેશ જોઈએ, તેવા પોતાને બનાવવા પડશે.'" તેમણે ઉમેર્યું કે સંઘની શાખા આ જ આદતોના નિર્માણનું સાધન છે અને સંઘે હંમેશા પોતાને રાજકારણથી દૂર રાખ્યો છે.

વિવિધતા જ ભારતની શક્તિ

ભાગવતે ભારપૂર્વક જણાવ્યું કે સંઘની શાખા સ્વયંસેવકોમાં રાષ્ટ્ર પ્રત્યે ભક્તિ અને સમર્પણની ભાવના પેદા કરે છે. તેમણે કહ્યું કે ભારતની તાકાત તેની વિવિધતા છે, પરંતુ આજે તે જ વિવિધતાને ભેદભાવમાં બદલવાનો પ્રયાસ થઈ રહ્યો છે. તેમણે યાદ અપાવ્યું કે ભારતે સદીઓથી વિદેશી પરંપરાઓ અને સંસ્કૃતિઓનું સ્વાગત કર્યું છે, અને આપણે તેમને પરાયા માનતા નથી. સમાજમાં દરેકના પૂજા સ્થળ અને પરંપરાઓનું સન્માન થવું જોઈએ, કારણ કે ભારતની સાચી ઓળખ બધાનું એકસાથે રહેવું છે. ભાગવતે શાસન-પ્રશાસનને નિષ્પક્ષતાથી કામ કરવાની સલાહ આપી અને યુવાનોને ચેતવણી આપી કે તેઓએ અરાજકતા સામે સતર્ક રહેવું પડશે

આ પણ વાંચો :   દેશભરમાં Vijayadashami ની ધાર્મિક ઉત્સાહ સાથે ઉજવણી! PM મોદી સહિત મુખ્યમંત્રીઓએ દેશવાસીઓને પાઠવી શુભકામનાઓ