RSS Mohan Bhagwat : મોહન ભાગવતે આપ્યું મોટું નિવેદન, 'ભારત હિન્દુ રાષ્ટ્ર બનીને જ રહેશે, કોઇ રોકી શકશે નહીં'

RSS Mohan Bhagwat : સુદામા કુટી આશ્રમના શતાબ્દી સમારોહમાં આપ્યું નિવેદન

નોંધનીય છે કે વૃંદાવનમાં સુદામા કુટી આશ્રમના શતાબ્દી સમારોહમાં મુખ્ય અતિથિ તરીકે હાજર રહેલા મોહન ભાગવતે વિવિધ સંતોની હાજરીમાં દીપ પ્રગટાવી કાર્યક્રમનું ઉદ્ઘાટન કર્યું હતું. આ પ્રસંગે તેમણે ભક્તિને રાષ્ટ્રની સાચી શક્તિ ગણાવી હતી. પશ્ચિમી વિચારધારા પર કટાક્ષ કરતા તેમણે કહ્યું કે પશ્ચિમ જગત પોતાને બ્રહ્માંડનો સ્વામી માને છે, જ્યારે ભારતીય સંસ્કૃતિમાં આપણે આપણી જાતને બ્રહ્માંડનો એક અભિન્ન ભાગ માનીએ છીએ. તેમણે ભારતમાં રહેતા તમામ લોકોને હિન્દુ ગણાવ્યા હતા અને અફસોસ વ્યક્ત કર્યો હતો કે બહારના લોકો આપણને અલગ-અલગ જાતિઓમાં વહેંચાયેલા જુએ છે.

RSS Mohan Bhagwat : હિન્દુ એકતા પર મૂક્યો વિશેષ ભાર

હિન્દુ એકતા પર વિશેષ ભાર મૂકતા RSS પ્રમુખે 'કુટુમ્બ પ્રબોધન'નો મંત્ર આપ્યો હતો. તેમણે આહવાન કર્યું હતું કે તમામ હિન્દુઓએ જાતિવાદના ભેદભાવ ભૂલીને એક થવું જોઈએ, સાથે બેસવું જોઈએ અને રાષ્ટ્રના ઉત્થાન માટે કામ કરવું જોઈએ. તેમણે જણાવ્યું કે સનાતન ધર્મને બચાવવા માટે આપણા પૂર્વજોએ અનેક બલિદાનો આપ્યા છે, અને આજે જ્યારે વિશ્વભરમાં સનાતન ધર્મની પ્રશંસા થઈ રહી છે, ત્યારે આપણે આપણી શક્તિને જાગૃત કરવાની જરૂર છે.

#WATCH | Mathura, UP | RSS chief Mohan Bhagwat says, "There should be no discrimination of any kind... We consider the society in which we live as one; we believe the entire Hindu society is one, but the world sees many divisions in it, such as language, caste, sect, community...… pic.twitter.com/hUXHSfrdGr

— ANI (@ANI) January 10, 2026

ભારત સામે કોઇપણ વિદેશી તાકાત ટકી શકશે નહીં

મોહન ભાગવતે અંતમાં જણાવ્યું હતું કે જો હિન્દુ સમાજ એક થઈને ઊભો રહેશે, તો દુનિયાની કોઈ પણ તાકાત ભારત સામે ટકી શકશે નહીં. કટોકટી ગમે તેવી હોય, પરંતુ ધીરજ અને એકતાથી તેનો સામનો કરનાર વિજયી બને છે. તેમણે સંતોના ઉપદેશોને અનુસરવા અને સંઘના કાર્ય દ્વારા ભક્તિભાવથી રાષ્ટ્રની સેવા કરવા પર ભાર મૂક્યો હતો. મંચ પર સાધ્વી ઋતંભરા, જ્ઞાનાનંદ મહારાજ અને રાજેન્દ્ર દાસ મહારાજ જેવા અનેક પ્રતિષ્ઠિત સંતોની હાજરીએ આ કાર્યક્રમને આધ્યાત્મિક ગરિમા પ્રદાન કરી હતી.

આ પણ વાંચો:  I-PAC કેસ મામલે ED પહોંચી સુપ્રીમ કોર્ટના શરણે, મમતા સરકારે પણ કેવિએટ અરજી કરી દાખલ!