દેશભરમાં વરસાદની સ્થિતિ

હવામાન વિભાગના નવીનતમ અપડેટ અનુસાર, ઝારખંડમાં આજે અતિ ભારે વરસાદનું એલર્ટ જારી કરાયું છે, જ્યારે મધ્ય ભારત અને ઉત્તર-પૂર્વીય રાજ્યોમાં ભારેથી અતિ ભારે વરસાદની આગાહી છે. હવામાન આગાહી એજન્સી સ્કાયમેટના જણાવ્યા મુજબ, ગુજરાત, કોંકણ, ગોવા, દરિયાકાંઠાના કર્ણાટક, પશ્ચિમ બંગાળ, બિહારના કેટલાક ભાગો, ઝારખંડ, ઓડિશા, પૂર્વ આસામ, અરુણાચલ પ્રદેશ, નાગાલે,ન્ડ, મણીપુર અને મિઝોરમમાં હળવાથી મધ્યમ વરસાદની સંભાવના છે. આ ઉપરાંત, આ રાજ્યોના કેટલાક વિસ્તરોમાં ભારે વરસાદ પણ પડી શકે છે. ચક્રવાતી પવનોના કારણે દિલ્હી, ગુજરાત અને દક્ષિણ ભારતમાં તોફાનની શક્યતા છે, જેના પગલે હવામાન વિભાગે 23 જૂન સુધી દેશભરમાં ભારે વરસાદની ચેતવણી જારી કરી છે.

મુંબઈમાં મુશળધાર વરસાદની આગાહી

મુંબઈમાં મોડી સાંજથી વરસાદનો સિલસિલો શરૂ થયો છે, અને હવામાન વિભાગે આજે મુશળધાર વરસાદની ચેતવણી જારી કરી છે. મહારાષ્ટ્રના રાયગઢ અને રત્નાગિરી જિલ્લાઓ માટે ઓરેન્જ એલર્ટ જારી કરવામાં આવ્યું છે, જે ભારે વરસાદનો સંકેત આપે છે. આ સાથે, મુંબઈ, થાણે અને પાલઘર માટે યેલો એલર્ટ જારી કરાયું, જે હળવાથી મધ્યમ વરસાદની સાથે કેટલાક વિસ્તારોમાં ભારે વરસાદની શક્યતા દર્શાવે છે. મુંબઈમાં વરસાદને કારણે નીચાણવા વિસ્તારોમાં પાણી ભરાવાની સમસ્યા ઉભી થઈ શકે છે.

VIDEO | Navi Mumbai: Heavy rains in Uran caused severe waterlogging at some places in the town.#WeatherUpdate #Monsoon2025

(Full video available on PTI Videos - https://t.co/n147TvrpG7) pic.twitter.com/oiagzcGY0T

— Press Trust of India (@PTI_News) June 19, 2025

દિલ્હીમાં હવામાનની સ્થિતિ

રાજધાની દિલ્હીમાં ચોમાસા પહેલાંના વરસાદે ગરમી અને ઉકળાટથી થોડી રાહત આપી છે. હવામાન વિભાગે આજે દિલ્હીમાં મધ્યમ શ્રેણીના વરસાદની આગાહી કરી છે, અને દિવસભર આકાશ વાદળછાયું રહેવાની શક્યતા છે. IMD અનુસાર, સાંજે દિલ્હીમાં હળવાથી મધ્યમ વરસાદ થઈ શકે છે, જેની સાથે વાવાઝોડું અને ધૂળવાળા જોરદાર પવનો ફૂંકાઈ શકે છે. રાત્રે તોફાનની સાથે ભારે વરસાદની પણ સંભાવના છે. આ વરસાદ દિલ્હીવાસીઓ માટે ગરમીથી રાહત લઈને આવશે, પરંતુ ભારે વરસાદના કારણે ટ્રાફિક અને પાણી ભરાવાની સમસ્યા પણ ઉભી થઈ શકે છે.

આ પણ વાંચો :  ગાંધીનગરમાં મોડી રાત્રે ધોધમાર વરસાદ, મહાત્મા મંદિર અંડરપાસ પાણીમાં ગરકાવ