Mumbai: ભિવંડીમાં 2 માળની બિલ્ડીંગ ધરાશાયી, 2ના મોત

મહારાષ્ટ્રના થાણે જિલ્લામાં ગઈકાલે મોડીરાત્રે બે માળની બિલ્ડીંગ ધરાશાયી થઇ ગઈ હતી. આ અકસ્માતમાં એક નવજાત બાળક સહિત એક મહિલાનું મૃત્યુ થયું હતું અને ઘણાં લોકો ગંભીર રીતે ઘાયલ થયા હતા. બિલ્ડીંગના કાટમાળ હેઠળ ફસાયેલા ઘણાં લોકોને બચાવવા માટે રેસ્ક્યુ ટીમ ખુબ જ સખત મહેનત કરી રહી છે. કાટમાળમાં 6 લોકો ફસાયેલા હતા જેમાંથી ચાર લોકોને રેસ્ક્યુ કરી લેવામાં આવ્યા છે.

થાણે મ્યુનિસિપલ કોર્પોરેશનના ડિઝાસ્ટર મેનેજમેન્ટ સેલના પ્રમુખે જણાવ્યું હતું કે ભિવંડી શહેરના ધોબી તળાવ વિસ્તારમાં દુર્ગા રોડ પર આવેલી 6 ફ્લેટ વાળી ઈમારત ગઈકાલે મોડીરાત્રે ધરાશાયી થઇ  હતી. આ અંગે માહિતી મળ્યા બાદ અમારી ટીમ અને ફાયર બ્રિગેડની ટીમ ઘટના સ્થળે પહોંચી અને તરત જ સર્ચ ઓપરેશન હાથ ધરવામાં આવ્યો અને કાટમાળમાંથી 7 લોકોને નીકાળવામાં આવ્યા હતા. આ અકસ્માતમાં 8 મહિનાની એક બાળકી અને એક મહિલાનો મોત થયો હતો જયારે અન્ય 5 લોકો ગંભીર રીતે ઘાયલ થયા હતા. ઘાયલ થયેલા લોકોને તરત જ નજીકના હોસ્પિટલમાં સારવાર માટે ખસેડવામાં આવ્યા હતા.

થાણે મ્યુનિસિપલ કોર્પોરેશનના ડિઝાસ્ટર મેનેજમેન્ટ સેલ અધિકારીએ જણાવ્યું કે સર્ચ એન્ડ રેસ્ક્યુ ઓપરેશન અને કાટમાળ હટાવવાનું કાર્ય સવારે 3:30 વાગ્યે પૂરું થયું હતું. તેણે વધુમાં જણાવ્યું કે અત્યાર સુધી એ જાણવા નથી મળ્યું કે ઈમારત કેટલી જૂની હતી અને શું આ ઈમારત ખતરનાક બાંધકામોની લિસ્ટમાં હતી. આ તમામ પાસાઓ અંગે તપાસ ચાલી રહી છે.

આ પણ  વાંચો-સોનિયા ગાંધીની તબિયત બગડી, દિલ્હીની સર ગંગારામ હોસ્પિટલમાં સારવાર હેઠળ