માટુંગામાં મેયરનું નિરીક્ષણ

શહેરમાં વરસાદી પાણીના નિકાલ અને ગટરોની કથળેલી સ્થિતિનું પ્રત્યક્ષ મૂલ્યાંકન કરવા માટે બુધવારે મુંબઈના મેયર (Mayor) રીતુ તાવડે માટુંગા વિસ્તારમાં નિરીક્ષણ (Inspection) કરવા પહોંચ્યા હતા. તેમની સાથે બૃહન્મુંબઈ મ્યુનિસિપલ કોર્પોરેશનના અનેક અધિકારીઓ અને કર્મચારીઓ પણ જોડાયા હતા. જ્યારે મેયર અધિકારીઓ સાથે મોનસૂન માસ્ટર પ્લાન પર ગંભીર ચર્ચા કરી રહ્યા હતા, ત્યારે જ એક હચમચાવી દે તેવી ઘટના બની. એક બીએમસી કર્મચારી (BMC Employee) અચાનક પોતાનું સંતુલન ગુમાવી બેઠો અને સીધો જ ખુલ્લી ગટર એટલે કે મેનહોલ (Open Manhole) માં ખાબક્યો.

આ ઘટનાથી ત્યાં ભારે અફરાતફરી અને અરાજકતાનો માહોલ સર્જાયો હતો. જોકે, હાજર પોલીસ અધિકારીઓ અને અન્ય સ્ટાફે ત્વરિત કાર્યવાહી કરીને કર્મચારીને મહામહેનતે બહાર કાઢી લીધો હતો. આ દુર્ઘટનામાં તેને કોઈ ઈજા થઈ છે કે નહીં તેની સ્પષ્ટતા હજુ થઈ શકી નથી. આ સમગ્ર ઘટના કેમેરામાં કેદ થઈ ગઈ હતી અને હાલ તે સોશિયલ મીડિયા (Social Media) પર ખૂબ વાયરલ (Viral Video) થઈ રહી છે, જેણે કોર્પોરેશનની નબળી વ્યવસ્થાની પોલ ખોલી નાખી છે.

સલામતી અંગે ઉઠ્યા ગંભીર સવાલો

આ બેદરકારીભરી ઘટના બાદ સ્થાનિક રહેવાસીઓ અને BMC સ્ટાફની સલામતી (Safety) ને લઈને મોટા પ્રશ્નો ઉભા થયા છે. વરસાદની સિઝનમાં પોતાનો જીવ જોખમમાં મૂકીને કામ કરતા કામદારોની સુરક્ષા માટે યોગ્ય અને કડક પગલાં લેવામાં આવે તેવી લોકો માંગ કરી રહ્યા છે. લોકો ઈચ્છી રહ્યા છે કે દુર્ઘટનાઓ ટાળવા તમામ ખુલ્લી ગટરો તાત્કાલિક ઢાંકવામાં આવે.

આ પણ વાંચો : Mumbai Rain : મુંબઈમાં ચોમાસાની ધમાકેદાર એન્ટ્રી, ભારે વરસાદ ખાબક્તા અનેક વિસ્તારો પાણીમાં ગરકાવ, જુઓ Video