Mumbai Rain News : રાતોરાત ધોધમાર વરસાદ ખાબકતા મુંબઈના હાલ બેહાલ! રસ્તાઓ બેટમાં ફેરવાયા

પશ્ચિમ એક્સપ્રેસ હાઇવે પર ટ્રાફિકની સમસ્યા સર્જાઈ

માહિતી અનુસાર, રાતોરાત પડેલા ધોધમાર વરસાદથી અંધેરી, બાંદ્રા, મલાડ, ખાર, જુહુ, ગોરેગાંવ અને વર્સોવા જેવા વિસ્તારો સૌથી વધુ પ્રભાવિત થયા છે. ભારે વરસાદને કારણે પશ્ચિમ એક્સપ્રેસ હાઇવે પર ટ્રાફિકની સમસ્યા સર્જાઈ છે. બૃહન્મુંબઈ મ્યુનિસિપલ કોર્પોરેશન (BMC) ના જણાવ્યા અનુસાર, અંધેરી સબવેમાં પાણી ભરાઈ જતા તેને બંધ કરવો પડ્યો છે.

Mumbai Rains : મુંબઈમાં ભારે વરસાદના પગલે જનજીવન અસ્તવ્યસ્ત | Gujarat First

અંધેરી સબ-વે પાણીમાં ગરક થયો વાહનવ્યવહાર ઠપ્પ#MumbaiRains #MumbaiTraffic #AndheriSubway #MumbaiMonsoon #Waterlogging #IMDAlert #MaharashtraWeather #GujaratFirst pic.twitter.com/JWUnT0xlR0

— Gujarat First (@GujaratFirst) June 29, 2026

અંધેરી સબવે સવારના 1:45 વાગ્યાથી સંપૂર્ણપણે બંધ!

જણાવી દઈએ કે, અંધેરી સબવે મુંબઈનો એક મુખ્ય માર્ગ છે જે પૂર્વ અને પશ્ચિમને જોડે છે. દરરોજ હજારો વાહનો અને લોકો અહીંથી પસાર થતા હોય છે. વરસાદ દરમિયાન અંધેરી સબવેમાં પાણી ભરાઈ જવું એ એક ગંભીર સમસ્યા છે. શહેરના નીચાણવાળા વિસ્તારોમાં ઘણી જગ્યાએ વરસાદી પાણી ભરાઈ ગયાના દ્રશ્યો પણ સામે આવ્યા છે. સાવચેતીના ભાગરૂપે અંધેરી સબવેને સવારના 1:45 વાગ્યાથી સંપૂર્ણપણે ટ્રાફિક માટે બંધ કરી દેવામાં આવ્યો છે. કોઈપણ અનિચ્છનીય ઘટના કે અકસ્માત ન બને તે માટે સબવેની બહાર પોલીસ તૈનાત કરવામાં આવી છે.

આ પણ વાંચો - Ram Mandir donation theft case: અલ્હાબાદ હાઈકોર્ટમાં આજે મહત્વની સુનાવણી, શું તપાસ સીબીઆઈને સોંપાશે?