NCERTના વિવાદાસ્પદ પુસ્તક પર સુપ્રીમ કોર્ટે પ્રકાશન અને ડિજિટલ શેરિંગ પર લગાવી રોક, તપાસના આપ્યા આદેશ!
શિક્ષણ જગતમાં ત્યારે ખળભળાટ મચી ગયો જ્યારે NCERT ના નવા પુસ્તકમાં ન્યાયતંત્રની ગરિમાને ઠેસ પહોંચાડતા પ્રકરણો સામે આવ્યા. આ મામલો સુપ્રીમ કોર્ટમાં પહોંચતા જ મુખ્ય ન્યાયાધીશે એવું આક્રમક વલણ અપનાવ્યું છે કે જવાબદાર લોકોના શ્વાસ અધ્ધર થઈ ગયા છે. શું આ માત્ર પ્રિન્ટિંગ ભૂલ છે કે ન્યાયતંત્ર વિરુદ્ધનું કોઈ મોટું ષડયંત્ર? કોર્ટે કેમ કહ્યું કે ન્યાયતંત્ર આજે લોહીથી લથપથ છે? જાણો આ સનસનાટીભર્યા અહેવાલની અંદરની વાત.
Advertisement
- CJI સૂર્યકાંતે NCERT ની બિનશરતી માફી સ્વીકારવાનો સ્પષ્ટ ઇનકાર કર્યો (NCERT Book Controversy)
- ધોરણ 8 ના સામાજિક વિજ્ઞાનના પુસ્તકની તમામ નકલો જપ્ત કરવા આદેશ
- પુસ્તકનું ડિજિટલ શેરિંગ કરનાર સામે પણ કડક કાનૂની કાર્યવાહીની ચેતવણી
ભારતના મુખ્ય ન્યાયાધીશ (CJI) સૂર્યકાંતે NCERT ના 8મા ધોરણના સામાજિક વિજ્ઞાનના પુસ્તકમાં ન્યાયતંત્ર વિરુદ્ધ કરવામાં આવેલી ટિપ્પણીઓ બદલ ભારે નારાજગી વ્યક્ત કરી છે. ગુરુવારે સુપ્રીમ કોર્ટમાં (Supreme Court) સુનાવણી દરમિયાન સીજેઆઈએ સ્પષ્ટ કર્યું હતું કે તેઓ આ મામલે કોઈ પણ પ્રકારની 'બિનશરતી માફી' સ્વીકારશે નહીં. કોર્ટે આ મામલે ઊંડી તપાસના આદેશ આપતા જણાવ્યું કે આ સંસ્થાની ગરિમાને કલંકિત કરવાનું એક ષડયંત્ર હોઈ શકે છે.