New Rules For Bus Operators : બસોમાં પેનિક બટન અને CCTV ફરજિયાત, નોઈડા બસ ગેંગરેપની ઘટના બાદ દિલ્હી સરકાર એકશનમાં

બસમાં સીસીટીવી અને પેનિક બટન ફરજિયાત

ઉલ્લેખનીય છે કે નવા નિયમો અંતર્ગત હવે દિલ્હીમાં દોડતી તમામ બસોમાં લાઈવ સીસીટીવી અને પેનિક બટન હોવા ફરજિયાત બનાવવામાં આવ્યું છે. બસમાં લગાવવામાં આવેલું પેનિક બટન પણ મુસાફરો સરળતાથી પહોંચી શકે તેવી જગ્યા પર લગાવવામાં આવેલું હોવું જોઈએ. તેમજ સીસીટીવી અને પેનિક બટન વર્કિંગ હોવા જોઈએ. જો કોઈ પણ બસમાં આ સુરક્ષા ઉપકરણો નહીં મળે તો ઓપરેટર સામે કાયદાકીય કાર્યવાહી કરવામાં આવશે.

મહત્વનું છે કે મહિલાઓ અને બાળકોની સુરક્ષાને ધ્યાનમાં રાખીને આ નિયમો લાગુ કરવામાં આવ્યા છે. નોઈડા બસ ગેંગ રેપની ઘટનાએ સમગ્ર દેશને હચમચાવી નાખ્યો છે. આવી બીજી કોઈ ઘટના ન બને તે ધ્યાનમાં રાખીને સરકાર દ્વારા કડક નિયમો લાવવામાં આવી રહ્યાં છે.

નિયમોનું ઉલ્લંઘન કરશે તેના પર થશે કડક કાર્યવાહી

સરકાર દ્વારા સ્પષ્ટ કરવામાં આવ્યું છે કે વાહન વ્યવહારમાં સુરક્ષા માપદંડો સાથે કોઈ બાંધછોડ કરવામાં આવશે નહીં. વિભાગીય અધિકારીઓ દ્વારા સતત ઓડિટ કરવામાં આવશે અને નિયમોનું ઉલ્લંઘન કરનાર બસોના પરમિટ રદ કરવાની સાથે મોટો દંડ પણ ફટકારવામાં આવશે.

આ પણ વાંચો : Manipur Violence : મણિપુરમાં ફરી ફાટી નીકળી હિંસા, કાંગપોક્પીમાં 30 ઘર સળગાવ્યા