ટાઈગર રિઝર્વ અને નેશનલ પાર્કના મુખ્ય વિસ્તારમાં બાંધકામ પર પ્રતિબંધ

સુપ્રીમ કોર્ટ (Supreme Court)કોર્બેટ નેશનલ પાર્ક (Corbett National Park)માં ગેરકાયદે બાંધકામ અને બફર વિસ્તારમાં ટાઇગર સફારીની સ્થાપના સાથે સંબંધિત કેસની સુનાવણી કરી રહી હતી. બેન્ચે પર્યાવરણ અને વન મંત્રાલય, નેશનલ ટાઈગર કન્ઝર્વેશન ઓથોરિટી (NTCA)ને નોટિસ પાઠવીને પૂછ્યું કે, રાષ્ટ્રીય ઉદ્યાનોમાં સફારી બનાવવાની શું જરૂર છે. તેઓએ આગળની સુનાવણી સુધીમાં જવાબ આપવાનો રહેશે.

સુપ્રીમ કોર્ટે વાઘ અને વન્યજીવ અભયારણ્યો અને રાષ્ટ્રીય ઉદ્યાનોના મુખ્ય વિસ્તારમાં કોઈપણ બાંધકામ પર પ્રતિબંધ મૂક્યો છે. સર્વોચ્ચ અદાલતે બુધવારે કહ્યું કે, આ સ્થાનો પર પ્રાણી સંગ્રહાલય અથવા સફારી બનાવવાનું કોઈ કારણ નથી. તેનો પ્રચાર કરી શકતા નથી. જસ્ટિસ બીઆર ગવઈ અને જસ્ટિસ વિક્રમ નાથની બેંચ કોર્બેટ નેશનલ પાર્કમાં ગેરકાયદે બાંધકામ અને બફર વિસ્તારમાં ટાઈગર સફારીની સ્થાપના સાથે સંબંધિત મામલાની સુનાવણી કરી હતી. બેન્ચે પર્યાવરણ અને વન મંત્રાલય, નેશનલ ટાઈગર કન્ઝર્વેશન ઓથોરિટી (NTCA)ને નોટિસ પાઠવીને પૂછ્યું કે, રાષ્ટ્રીય ઉદ્યાનોમાં સફારી બનાવવાની શું જરૂર છે. તેઓએ આ મુદ્દે જવાબ આપવાનો રહેશે. આ બેન્ચ ગુર્જર સોટ, પખરુ બ્લોક, સોનાનદી રેન્જ, કલાગઢ ડિવિઝન, કોર્બેટ ટાઈગર રિઝર્વમાં ટાઈગર સફારીની સ્થાપનાના નામે ગેરકાયદેસર રીતે વૃક્ષો કાપવા સંબંધિત અરજીઓની સુનાવણી કરી રહી હતી.

સુનાવણી દરમિયાન ખંડપીઠને જણાવવામાં આવ્યું હતું કે બાંધકામના કામ માટે ટાઈગર રિઝર્વમાં 6,093 વૃક્ષો કાપવામાં આવ્યા હતા. આના પર નારાજગી વ્યક્ત કરતા ખંડપીઠે પૂછ્યું કે કયા અધિકારીએ આ કર્યું. પર્યાવરણ અને વન મંત્રાલય તરફથી હાજર થયેલા વધારાના સોલિસિટર જનરલ બલબીર સિંહે કહ્યું કે તેઓ ટાઈગર અભ્યારણ્યની તપાસ કરશે અને કોર્ટને જાણ કરશે.

સુપ્રીમ કોર્ટ દ્વારા રચાયેલી સેન્ટ્રલ એમ્પાવર્ડ કમિટી (CEC) એ તેના અહેવાલમાં કેન્દ્રીય પર્યાવરણ મંત્રાલયને વાઘ અને વન્યજીવ અભયારણ્યમાં પ્રાણીસંગ્રહાલય અને સફારી સ્થાપવા અંગેની માર્ગદર્શિકામાં સુધારો કરવા અથવા પાછી ખેંચી લેવાનું પણ સૂચન કર્યું હતું. સમિતિનું માનવું હતું કે આ સ્થળોનો પ્રવાસી પ્રવૃત્તિઓ માટે ઉપયોગ થવો જોઈએ નહીં.

સીઈસીએ તેના અહેવાલમાં જણાવ્યું હતું કે સફારી અને પ્રાણીસંગ્રહાલયની સ્થાપના એ વન્યજીવ પર્યટનને પ્રોત્સાહન આપવા અને લુપ્ત થતી પ્રજાતિઓ વિશે લોકોને શિક્ષિત કરવા માટે એક મહત્વપૂર્ણ ઘટક છે, પરંતુ તેમને મુખ્ય વિસ્તારોમાં ખોલવાથી જીવન અને ઇકોસિસ્ટમ જોખમમાં આવી શકે છે. વાઇલ્ડલાઇફ એજ્યુકેશન લુપ્તપ્રાય પ્રજાતિઓના જીવનની કિંમત પર ન હોવું જોઇએ.

આ પણ વાંચો--લોકસભામાં PM મોદીએ શાયરાના અંદાજમાં વિપક્ષ પર સાધ્યું નિશાન, વાંચો વડાપ્રધાનના સંબોધનના અંશો