વડાપ્રધાનશ્રી નરેન્દ્ર મોદીએ ચીફ જસ્ટીસ ચંદ્રચૂડના કર્યાં વખાણ, Video શેર કરી કહી આ વાત

વડાપ્રધાનશ્રી નરેન્દ્ર મોદીએ (Narendra Modi) રવિવારે ચીફ જસ્ટિસ ડી.વાય. ચંદ્રચુડના સુપ્રીમ કોર્ટના (Supreme Court) ચુકાદાઓને પ્રાદેશિક ભાષાઓમાં ઉપલબ્ધ કરાવવાના આગ્રહની પ્રશંસા કરી હતી. વડાપ્રધાનશ્રીએ ટ્વીટ કર્યું, “તાજેતરમાં એક કાર્યક્રમમાં ચીફ જસ્ટિસ ડી.વાય. ચંદ્રચુડે (D.Y. Chandrachud) સુપ્રીમ કોર્ટના નિર્ણયોને પ્રાદેશિક ભાષાઓમાં ઉપલબ્ધ કરાવવાની દિશામાં કામ કરવાની વાત કરી હતી. તેમણે આ માટે ટેક્નોલોજીનો ઉપયોગ કરવાનું પણ સૂચન કર્યું હતું. તે એક પ્રશંસનીય વિચાર છે, જે ઘણા લોકોને મદદ કરશે.

વડાપ્રધાનશ્રી મોદીએ મુંબઈમાં બાર કાઉન્સિલ ઓફ મહારાષ્ટ્ર અને ગોવા દ્વારા આયોજીત એક કાર્યક્રમમાં ચીફ જસ્ટીસના સંબોધનની વીડિયો ક્લીપ શેર કરી હતી. જણાવી દઈએ કે વડાપ્રધાનશ્રી ન્યાયિક નિર્ણયોને પ્રાદેશિક ભાષાઓમાં ઉપલબ્ધ કરાવીને જન સામાન્ય માટે વધારે અનુકુળ બનાવવાની સતત હિમાયત કરે છે.

વડાપ્રધાનશ્રીએ અન્ય એક ટ્વીટમાં કહ્યું કે, ભારતમાં અનેક ભાષા છે જે આપણી સાંસ્કૃતિક જીવંતતાને વધારે છે. કેન્દ્ર સરકાર ભારતીય ભાષાઓને પ્રોત્સાહિત કરવા માટે અનેક પ્રયાસો કરી રહી છે. જેમાં એન્જીનિયરિંગ અને મેડિકલ જેવા વિષયોને માતૃભાષામાં ભણાવવાનો વિકલ્પ પણ સામેલ છે.

કાર્યક્રમને સંબોધિત કરતા ચીફ જસ્ટીસ ડી.વાય.ચંદ્રચૂડે કહ્યું કે, અમારા મિશનનું આગલું પગલું સુપ્રીમ કોર્ટના દરેક નિર્ણયની અનુવાદ કરેલી કોપીઓ દરેક ભારતીય ભાષામાં ઉપલબ્ધ કરાવવાનું છે. આપણા નાગરિકો જે ભાષા સમજે છે તે ભાષામાં આપણે તેમના સુધી નહી ત્યાં સુધી આપણે જે કામ કરી રહ્યાં થીએ તે 99% લોકો સુધી પહોંચી રહ્યું નથી.

આ પણ વાંચો - ડૂબી રહેલા જોશીમઠનું ભવિષ્ય શું ? નક્કી કરશે આ 8 એજન્સીઓનો અહેવાલ