NIFT Final Result 2026 : NIFT પ્રવેશ પરીક્ષા સ્ટેજ-2નું ફાઈનલ પરિણામ જાહેર
NIFT Final Result 2026 : ફેશન ટેકનોલોજી અને ડિઝાઇનમાં કારકિર્દી બનાવવા માંગતા હજારો વિદ્યાર્થીઓ માટે રાહ જોવાનો અંત આવ્યો છે. નેશનલ ટેસ્ટિંગ એજન્સી [NTA] દ્વારા આજે 3 જૂન, 2026 ના રોજ નેશનલ ઇન્સ્ટિટ્યૂટ ઓફ ફેશન ટેકનોલોજી [NIFT] પ્રવેશ પરીક્ષાનું અંતિમ પરિણામ સત્તાવાર રીતે જાહેર કરવામાં આવ્યું છે. જે ઉમેદવારોએ પરીક્ષાના વિવિધ તબક્કા પૂર્ણ કર્યા છે, તેઓ હવે NTA ની સત્તાવાર વેબસાઇટ, exams.nta.nic.in/niftee પર જઈને તેમના પરિણામો ડાઉનલોડ કરી શકે છે.
આ પ્રવેશ પ્રક્રિયામાં પરીક્ષાના વિવિધ તબક્કાઓ નિર્ધારિત તારીખો મુજબ સંપન્ન થયા હતા, જેમાં 8 ફેબ્રુઆરી, 2026 ના રોજ લેખિત પરીક્ષા લેવામાં આવી હતી, ત્યારબાદ 20 માર્ચ, 2026 ના રોજ સ્ટેજ-1 નું પરિણામ જાહેર થયું હતું. PG અભ્યાસક્રમો માટે વ્યક્તિગત ઇન્ટરવ્યુ 6 એપ્રિલ થી 11 એપ્રિલ, 2026 દરમિયાન યોજાયા હતા, જ્યારે BDes ના વિદ્યાર્થીઓ માટે પરિસ્થિતિ પરીક્ષણ 26 એપ્રિલ, 2026 ના રોજ લેવામાં આવ્યું હતું, જેના અંતે હવે 3 જૂન, 2026 ના રોજ ફાઈનલ પરિણામ જાહેર કરવામાં આવ્યું છે.
NIFT Final Result 2026 : મેરિટ અને કાઉન્સેલિંગ પ્રક્રિયાનું મહત્વ
નોંધનીય છે કે NIFT 2026 નું આ ફાઈનલ પરિણામ ઉમેદવારોની લેખિત પરીક્ષા, ઇન્ટરવ્યુ અને પરિસ્થિતિ પરીક્ષણ [Situation Test] માં મેળવેલા સંયુક્ત ગુણના આધારે તૈયાર કરવામાં આવ્યું છે. આ પરિણામના આધારે વિદ્યાર્થીઓને દેશભરના વિવિધ NIFT કેમ્પસમાં BDes, BFTech, MDes, MFTech અને MFM જેવા પ્રતિષ્ઠિત અભ્યાસક્રમોમાં પ્રવેશ આપવામાં આવશે. જે વિદ્યાર્થીઓ શોર્ટલિસ્ટ થયા છે, તેઓ હવે આગામી કાઉન્સેલિંગ [Counselling] પ્રક્રિયામાં ભાગ લેવા માટે સત્તાવાર રીતે પાત્ર ઠર્યા છે.
પરિણામ આ રીતે કરો ચેક ?
વિદ્યાર્થીઓ નીચે મુજબના સરળ સ્ટેપ્સ અનુસરીને પોતાનું પરિણામ જોઈ શકે છે:
સત્તાવાર વેબસાઇટ exams.nta.nic.in/niftee ની મુલાકાત લો.
હોમપેજ પર આપેલ "NIFT Final Result" લિંક પર ક્લિક કરો.
લોગિન વિગતો દાખલ કરીને સબમિટ કરો.
પરિણામ સ્ક્રીન પર દેખાશે, જેની પ્રિન્ટઆઉટ ભવિષ્યની પ્રક્રિયા માટે સાચવી રાખો.
આ પણ વાંચો : એરલાઇન સેક્ટર માટે મોટી રાહત, મોદી સરકારે ATF ના ભાવ ઘટાડવા ફાળવ્યા ₹10,000 કરોડ