Nishikant Dubey: નિશિકાંત દુબેએ કુવૈતમાં ઇઝરાયલ-પેલેસ્ટાઇને લઈ કહી આ વાત

Nishikant Dubey : આતંકવાદ સામે ભારતનો સ્ટેન્ડ દુનિયા સમક્ષ રજૂ કરતી વખતે, ભાજપના સાંસદ નિશિકાંત દુબેએ કુવૈત(Kuwait)માં પાકિસ્તાન પર જોરદાર નિશાન સાધ્યું. તેમણે કહ્યું કે જો પાકિસ્તાનનો આતંકવાદ ચાલુ રહેશે તો તેને કચડી નાખવામાં આવશે અને તે મુજબ તેને ખતમ કરવામાં આવશે. આ દરમિયાન તેમણે ઇઝરાયલ (ISRAEL)અને પેલેસ્ટાઇન(Palestine) વિશે એવું નિવેદન આપ્યું છે જે ચર્ચાનો વિષય બની ગયો છે.

ભારત પેલેસ્ટાઇનના લોકોને ખોરાક મોકલી રહ્યું છે

એક એજન્સી સાથે વાત કરતા ભાજપના નેતા સાંસદ નિશિકાંત દુબેએ કુવૈતમાં બેઠક દરમિયાન કયા મુદ્દા રજૂ કર્યા તે જણાવ્યું. તેમણે કહ્યું, "આજે આતંકવાદને કારણે પાકિસ્તાનનું અર્થતંત્ર સંપૂર્ણપણે પડી ભાંગ્યું છે. સૌથી મોટી વાત એ હતી કે જો આખી દુનિયામાં પેલેસ્ટાઇન સાથે કંઈક ખોટું થઈ રહ્યું છે, તો અમે કહ્યું છે કે 1974 માં અમે PLO ને માન્યતા આપનાર પ્રથમ દેશ હતા. 1988 માં, અમે પેલેસ્ટાઇનને એક દેશ તરીકે માન્યતા આપનાર પ્રથમ દેશ હતા. આજે પણ અમે પેલેસ્ટાઇનના લોકોને ખોરાક મોકલી રહ્યા છીએ.

'ઇઝરાયલ કોઈનું સાંભળતું નથી'

નિશિકાંત દુબેએ કહ્યું, કે દુબેએ ઇઝરાયલને નિશાન બનાવતા જણાવ્યું કે “ઇઝરાયલ એક એવો રાષ્ટ્ર છે જે કોઈનું સાંભળતું નથી,અને ભારત બે રાષ્ટ્ર સિદ્ધાંતમાં માન્ય છે, જે મુજબ ઇઝરાયલ અને પેલેસ્ટાઇન બંને અલગ અલગ દેશો હોવા જોઈએ.

#WATCH | Kuwait: BJP MP Nishikant Dubey, a member of all-party delegation led by BJP MP Baijayant Panda, says, "There are two important things which we told them (in meetings) - the condition of minorities in our country which was being propagated by Pakistan. We said that when… pic.twitter.com/yBFWo18nmX

— ANI (@ANI) May 27, 2025

આ પણ  વાંચો -UNITED NATIONS : બે ભારતીય સૈનિકોને એનાયત કરાશે 'મરણોત્તર' આંતરરાષ્ટ્રીય સન્માન

પાકિસ્તાનમાં લઘુમતીઓની સ્થિતિ ખરાબ છે

પાકિસ્તાન પર નિશાન સાધતા ભાજપના સાંસદ નિશિકાંત દુબેએ કહ્યું, આપણા દેશમાં લઘુમતીઓની સ્થિતિ અંગે પાકિસ્તાન દ્વારા પ્રચાર કરવામાં આવી રહ્યો છે. જ્યારે ભારતને આઝાદી મળી ત્યારે લઘુમતીઓની વસ્તી, ખાસ કરીને મુસ્લિમોની વસ્તી 8-9 ટકા હતી. આજે ભારતમાં મુસ્લિમોની વસ્તી લગભગ 17-18 ટકા છે. સ્વતંત્રતા સમયે, પાકિસ્તાનમાં લઘુમતીઓની વસ્તી 13-14 ટકા હતી અને આજે તે ભાગ્યે જ 1 ટકા છે. અર્થતંત્રની વાત કરીએ તો પાકિસ્તાન અને આપણે બંનેએ 1947 માં એક જ બિંદુથી શરૂઆત કરી હતી.આજે આપણે વિશ્વની ચોથી સૌથી મોટી અર્થવ્યવસ્થા છીએ અને તેઓ આપણાથી 11 ગણા પાછળ છે."નિશિકાંત દુબેએ પોતાના નિવેદનો દ્વારા ભારતની આંતરરાષ્ટ્રીય નીતિ અને પાકિસ્તાનની પ્રવૃત્તિઓ અંગે સ્પષ્ટ અભિપ્રાય વ્યક્ત કર્યો છે, જે ભારતની વૈશ્વિક ભૂમિકા અને નીતિ પર પ્રકાશ પાડે છે.