Nitish Kumar Rajya Sabha Nomination : 'સુશાસન બાબુ' હવે રાજ્યસભામાં જશે, ગૃહમંત્રી અમિતભાઈ શાહની હાજરીમાં નીતિશ કુમારે ભર્યું ફોર્મ
- બિહારના સીએમ નીતિશ કુમારે રાજ્યસભા માટે નોંધાવી ઉમેદવારી!
- અમિત શાહની હાજરીમાં નીતિશ કુમારે રાજ્યસભા ચૂંટણી માટે નામાંકન ભર્યું
- 20 વર્ષના શાસન બાદ નીતિશ કુમાર હવે બિહારનું સીએમ પદ છોડશે
- બિહારમાં પ્રથમવાર ભાજપનો મુખ્યમંત્રી બને તેવી પ્રબળ શક્યતાઓ
- નીતિશ કુમારે સોશિયલ મીડિયા પર ભાવુક પોસ્ટ કરી જનતાનો માન્યો આભાર
Nitish Kumar Rajya Sabha Nomination : બિહારના રાજકારણના (Bihar Politics) ચાણક્ય ગણાતા અને 10 વખત મુખ્યમંત્રી તરીકે શપથ લેનાર નીતિશ કુમારે (Nitish Kumar) એક ચોંકાવનારો નિર્ણય લઈને સૌને આશ્ચર્યમાં મૂકી દીધા છે. ગુરુવારે (5 માર્ચ) ના રોજ નીતિશ કુમારે રાજ્યસભા ચૂંટણી 2026 (Rajya Sabha Election 2026) માટે પોતાનું નામાંકન પત્ર દાખલ કર્યું છે. આ પ્રસંગે કેન્દ્રીય ગૃહમંત્રી અમિત શાહ (Amit Shah) સહિત એનડીએ (NDA) ના અનેક દિગ્ગજ નેતાઓ હાજર રહ્યા હતા.
पिछले दो दशक से भी अधिक समय से आपने अपना विश्वास एवं समर्थन मेरे साथ लगातार बनाए रखा है, तथा उसी के बल पर हमने बिहार की और आप सब लोगों की पूरी निष्ठा से सेवा की है। आपके विश्वास और समर्थन की ही ताकत थी कि बिहार आज विकास और सम्मान का नया आयाम प्रस्तुत कर रहा है। इसके लिए पूर्व में…
— Nitish Kumar (@NitishKumar) March 5, 2026
10 મી વખત CM તરીકે લીધા હતા શપથ
વર્ષ 2005 થી સતત બિહારના મુખ્યમંત્રી તરીકે સેવા આપનાર નીતિશ કુમારે ફેબ્રુઆરી 2026 માં જ 10મી વખત સીએમ પદના શપથ લીધા હતા. જોકે, હવે તેમણે સક્રિય મુખ્યમંત્રી પદ છોડીને સંસદના ઉચ્ચ સદનમાં જવાનો નિર્ણય કર્યો છે. સોશિયલ મીડિયા પ્લેટફોર્મ 'X' પર તેમણે ભાવુક પોસ્ટ લખતા જણાવ્યું કે, "બે દાયકાથી વધુ સમય સુધી તમે મારા પર વિશ્વાસ મૂક્યો છે. મારી ઈચ્છા હતી કે હું બિહાર વિધાનમંડળના બંને સદનોની સાથે સંસદના પણ બંને સદનોનો સભ્ય બનું. આ આકાંક્ષા પૂરી કરવા હું રાજ્યસભામાં જવા માંગુ છું."
રાજકીય સમીકરણો બદલાશે
નીતિશ કુમારના આ નિર્ણય બાદ બિહારના રાજકીય સમીકરણો તેજીથી બદલાયા છે. વર્ષ 2025 ની વિધાનસભા ચૂંટણીમાં એનડીએના ભવ્ય વિજય બાદ હવે નીતિશ કુમાર માર્ગદર્શકની ભૂમિકામાં રહેશે. ચર્ચાઓ મુજબ, બિહારના ઈતિહાસમાં પ્રથમવાર ભારતીય જનતા પાર્ટીનો (BJP) કોઈ નેતા મુખ્યમંત્રી પદે (New CM of Bihar) બિરાજશે. અત્યાર સુધી હિન્દી ભાષી રાજ્યોમાં બિહાર જ એવું રાજ્ય હતું જ્યાં ભાજપનો મુખ્યમંત્રી નહોતો. આગામી 16 માર્ચે રાજ્યસભાની 5 બેઠકો માટે મતદાન થવાનું છે, જેમાં નીતિશ કુમારનું ચૂંટાવું લગભગ નક્કી મનાય છે.
આ પણ વાંચો : Rajya Sabha Election: કોંગ્રેસે 5 રાજ્યો માટે 6 ઉમેદવારોના નામ જાહેર કર્યા, અભિષેક મનુ સિંઘવીને તેલંગાણાથી ટિકિટ