UP માં સાત વર્ષથી શિક્ષકોની ભરતી નથી થઈ, ઉમેદવારોમાં ગુસ્સો, પ્રયાગરાજમાં ધરણા પ્રદર્શન

• UP સરકારે શિક્ષકોની ભરતીની જાહેરાત કર્યા પછી પીછેહઠ કર કરી
• શિક્ષક ઉમેદવારોએ ધરણા પ્રદર્શનનું એલાન કર્યું
• શિક્ષણ સેવા પસંદગી આયોગની બહાર વિરોધ ચાલુ છે

UP Teacher Protest: યુપીના પ્રયાગરાજમાં શિક્ષણ સેવા પસંદગી આયોગના કાર્યાલય ખાતે શિક્ષક ઉમેદવારોએ ધરણાનું એલાન કર્યું છે. જેના માટે રાજ્યના વિવિધ વિસ્તારોમાંથી ઉમેદવારો પહોંચી રહ્યા છે. ઉમેદવારોનો આ વિરોધ સોશિયલ મીડિયા પરથી નવી પ્રાથમિક શિક્ષકની ભરતીની જાહેરાત હટાવવા અને ભરતી પ્રક્રિયામાં વિલંબ સામે છે. ઉમેદવારોનું કહેવું છે કે સોશિયલ મીડિયા પર શિક્ષક ભરતીની જાહેરાત બહાર પાડવી અને પછી તેને કાઢી નાખવી એ બેરોજગાર યુવાનો સાથે મજાક છે અને જ્યાં સુધી સરકાર શિક્ષક ભરતી પ્રક્રિયા શરૂ નહીં કરે ત્યાં સુધી તેમનું આંદોલન ચાલુ રહેશે.

છેલ્લા 7 વર્ષથી શિક્ષકોની ભરતી નથી થઈ

ઉત્તર પ્રદેશ શિક્ષણ સેવા પસંદગી આયોગની બહાર વિરોધ ચાલુ છે. એવો આરોપ છે કે છેલ્લા 7 વર્ષથી પ્રાથમિક શિક્ષકોની ભરતી કરવામાં આવી નથી. એવો દાવો કરવામાં આવી રહ્યો છે કે ભરતી પ્રક્રિયા શરૂ ન થાય ત્યાં સુધી આંદોલન ચાલુ રહેશે. સરકારે તાજેતરમાં જ સોશિયલ મીડિયા પર ભરતીની જાહેરાત કરી હતી. યુપી સરકારે 2 લાખ શિક્ષકોની ભરતીની જાહેરાત કરી હતી પરંતુ બાદમાં સોશિયલ મીડિયા પરથી આ પોસ્ટને ડિલીટ કરી દેવામાં આવી હતી. જે બાદ D.El.Ed તાલીમ પામેલા યુવાનો વિરોધ કરી રહ્યા છે.

આ પણ વાંચો : IMD Weather Updates : દેશભરમાં 2 જૂન સુધી ભારે વરસાદની સંભાવના

ઉમેદવારોનો દાવો શું છે?

ઉમેદવારો કહે છે કે તેઓ યોગી સરકાર પાસેથી જાહેરાતો ઇચ્છે છે, ખાતરીઓ નહીં. વિદ્યાર્થીઓની માંગ છે કે શિક્ષકો સતત નિવૃત્ત થઈ રહ્યા છે પરંતુ સાત વર્ષથી વધુ સમય થઈ ગયો છે છતાં શિક્ષકોની ભરતી થઈ રહી નથી અને ભરતીની જાહેરાત સોશિયલ મીડિયા પરથી પણ કાઢી નાખવામાં આવી છે. હવે આ નહીં ચાલે, જ્યાં સુધી શિક્ષક ભરતીની જાહેરાત બહાર નહીં આવે ત્યાં સુધી અમારો વિરોધ ચાલુ રહેશે.

વિરોધ કરી રહેલા ઉમેદવારોનો દાવો છે કે દર વર્ષે 2.35 લાખ ઉમેદવારો D.El.Ed તાલીમમાં ભાગ લે છે અને તાલીમ પછી પણ ઉમેદવારોને રોજગારી મળી રહી નથી. છેલ્લા 7 વર્ષથી પ્રાથમિક શિક્ષકોની કોઈ ભરતી થઈ નથી. તાલીમ બાદ પણ નોકરી ન મળવાથી ઉમેદવારોમાં તણાવ છે.  '

આ પણ વાંચો :  તેજ પ્રતાપ બિહાર છોડશે તો તેજસ્વી CM નહીં બની શકે- આકાશ યાદવનો દાવો