One Nation One Election : પ્રિયંકા ગાંધી સહિત 31 સભ્યો સાથે JPC ની રચના

• JPCના અધ્યક્ષ તરીકે પીપી ચૌધરીની નિયુક્તિ
• JPC ના અધ્યક્ષ પીપી ચૌધરી બન્યા
• અનુરાગ ઠાકુર સહિત 31 સભ્યો સામેલ

One Nation One Election બિલની વિગતવાર સમીક્ષા માટે રચવામાં આવેલ JPC ના સભ્યો કોણ હશે? આ અંગે સભ્યોના નામ બહાર આવ્યા છે. પીપી ચૌધરી JPC ના અધ્યક્ષ રહેશે. આ ઉપરાંત પ્રિયંકા ગાંધી, અનુરાગ ઠાકુર સહિત 31 સભ્યો પણ બનાવવામાં આવ્યા છે, જેમાં રાજ્યસભાના સાંસદો પણ સામેલ છે. ચાલો જાણીએ JPC માં કોના નામ સામેલ છે?

One Nation One Election બિલને લઈને લોકસભામાં ભારે હોબાળો થયો હતો. આ પછી મોદી સરકારે આ બિલને જોઈન્ટ પાર્લામેન્ટરી કમિટી (JPC)ને મોકલી દીધું. સરકારની ભલામણ પર JPC ની રચના કરવામાં આવી હતી, જેની કમાન ભાજપના સાંસદ પીપી ચૌધરીને સોંપવામાં આવી હતી. પીપી ચૌધરીને JPC ના અધ્યક્ષ તરીકે નિયુક્ત કરવામાં આવ્યા હતા.

આ પણ વાંચો : Mumbai Boat Accident : બોટ માલિકના ગંભીર આરોપો, નૌકાદળની લાપરવાહી..., શું દુર્ઘટના ટાળી શકાત?

JPC One Nation One Election બિલની સમીક્ષા કરશે...

સંયુક્ત સંસદીય સમિતિમાં લોકસભામાંથી 21 અને રાજ્યસભામાંથી 10 સભ્યો બનાવવામાં આવ્યા હતા. પ્રિયંકા ગાંધી વાડ્રા, મનીષ તિવારી, ધર્મેન્દ્ર યાદવ, કલ્યાણ બેનર્જી, સુપ્રિયા સુલે, શ્રીકાંત એકનાથ શિંદે, સંબિત પાત્રા, અનિલ બલુની, અનુરાગ સિંહ ઠાકુરને JPC સભ્યો તરીકે નિયુક્ત કરવામાં આવ્યા હતા. હવે JPC One Nation One Election બિલ પર વિસ્તૃત ચર્ચા કરશે. તેમજ વિપક્ષ અને નિષ્ણાતો સાથે ચર્ચા કર્યા બાદ સમિતિ પોતાનો અહેવાલ સરકારને સુપરત કરશે.

આ પણ વાંચો : NSA અજીત ડોભાલ અને ચીનના ઉપપ્રમુખ હાન ઝેંગ વચ્ચે બેઠક, જાણો શું થઇ ચર્ચા...