LoC પર ફરી પાકિસ્તાની ડ્રોન દેખાતા ભારતીય સેનાએ કર્યું ફાયરિંગ, સુરક્ષા એજન્સીઓ 'હાઈ એલર્ટ' પર!
જમ્મુ-કાશ્મીરના પૂંચ અને સામ્બા સેક્ટરમાં પાકિસ્તાન દ્વારા ડ્રોન ઘૂસણખોરીની નાપાક હરકત સામે આવી છે. ૧૫ જાન્યુઆરીની રાત્રે સરહદ પર શંકાસ્પદ ડ્રોન દેખાતા ભારતીય જવાનોએ તાત્કાલિક ફાયરિંગ કરીને પલટવાર કર્યો હતો, જેના કારણે ડ્રોન પરત ભાગી ગયા હતા. આ ઘટના બાદ સુરક્ષા એજન્સીઓ હાઈ એલર્ટ પર છે અને વિસ્તારમાં સર્ચ ઓપરેશન તેજ કરવામાં આવ્યું છે. પાકિસ્તાન હવે આમને-સામને લડવાને બદલે ડ્રોન દ્વારા હથિયારો અને નશીલા પદાર્થો મોકલવાની સાજિશ કરી રહ્યું છે.
Advertisement
- પાકિસ્તાનની ફરી એકવાર LoC પર નાપાક હરકત (LoC Drone Infiltration)
- LoC પર જોવા મળ્યા પાકિસ્તાની ડ્રોન
- ભારતીય જવાનો પલટવાર કરતા કર્યું ફાયરિંગ
જમ્મુ અને કાશ્મીરના સરહદી વિસ્તારોમાં પાકિસ્તાનની નાપાક પ્રવૃત્તિઓ ફરી એકવાર તેજ થઈ છે. 15 જાન્યુઆરી, ગુરુવારે મોડી સાંજે પૂંચ જિલ્લામાં નિયંત્રણ રેખા (LoC) અને સામ્બા જિલ્લામાં ભારત-પાકિસ્તાન આંતરરાષ્ટ્રીય સરહદ પર પાકિસ્તાની ડ્રોન જોવા મળતા ખળભળાટ મચી ગયો છે. ભારતીય સુરક્ષા દળોએ આ શંકાસ્પદ હિલચાલ જોતા જ તાત્કાલિક જવાબી કાર્યવાહી કરી હતી.