Anti Paper Leak Bill: સંસદના મોન્સૂન સત્ર (Parliament Monsoon Session) માં વિપક્ષના ભારે હોબાળા વચ્ચે PMO રાજ્યમંત્રી ડો. જિતેન્દ્ર સિંહે લોકસભા (Lok Sabha) માં એન્ટી પેપર લીક બિલ રજૂ કર્યું છે. NEET અને લાઠીચાર્જ મુદ્દે કોંગ્રેસના વિરોધને કારણે રાજ્યસભા 2 વાગ્યા સુધી સ્થગિત કરી દેવામાં આવી છે.
Anti Paper Leak Bill: સંસદ (Parliament) ના ચાલુ મોન્સૂન સત્ર (Monsoon Session) ના બીજા સપ્તાહની શરૂઆત ભારે હંગામા સાથે થઈ છે. નીટ (NEET) પેપર લીક અને વિદ્યાર્થી આંદોલન પર થયેલા લાઠીચાર્જના મુદ્દે પ્રથમ સપ્તાહ ધોવાઈ ગયા બાદ, સરકારે હવે કડક કાનૂની જોગવાઈઓ કરવા માટે મહત્વપૂર્ણ પગલું ભર્યું છે. આ તમામ વિવાદો વચ્ચે આજે લોકસભા (Lok Sabha) માં પેપર લીક વિરોધી બિલ રજૂ કરવામાં આવ્યું છે, જેનાથી કડક કાયદો બનાવવાની દિશામાં કામગીરી આગળ વધશે.
વિપક્ષની સૂત્રોચ્ચાર વચ્ચે લોકસભામાં બિલ પેશ કરાયું
લોકસભાની કાર્યવાહી શરૂ થતાં જ વિપક્ષી સાંસદો દ્વારા જોરદાર હોબાળો અને નારેબાજી કરવામાં આવી હતી. જોકે, વિપક્ષના આ ભારે વિરોધ વચ્ચે પણ પીએમઓ (PMO) ના રાજ્યમંત્રી ડોક્ટર જિતેન્દ્ર સિંહ (Dr. Jitendra Singh) એ 'એન્ટી પેપર લીક બિલ' (Anti Paper Leak Bill) લોકસભામાં રજૂ કરી દીધું હતું. બિલ રજૂ થતાં પહેલાં સત્તાપક્ષ દ્વારા લિસ્ટેડ બિઝનેસના કામકાજ હાથ ધરવામાં આવ્યા હતા અને સરકાર આ બિલ પર ચર્ચા શરૂ કરાવવાની પૂરી તૈયારી કરી રહી છે.
Advertisement ![Navratri Banner]()
રાજ્યસભામાં લાઠીચાર્જના મુદ્દે હંગામો, કાર્યવાહી 2 વાગ્યા સુધી સ્થગિત
બીજી તરફ, સંસદના ઉપલા ગૃહ એટલે કે રાજ્યસભા (Rajya Sabha) માં પણ પરિસ્થિતિ વણસેલી જોવા મળી હતી. કોંગ્રેસ (Congress) ના સાંસદોએ કાર્યવાહી શરૂ થતાં જ વિદ્યાર્થીઓના પ્રોટેસ્ટ દરમિયાન થયેલા લાઠીચાર્જનો મુદ્દો ઉઠાવ્યો હતો. રાજ્યસભામાં કોંગ્રેસના ડેપ્યુટી લીડર પ્રમોદ તિવારી (Pramod Tiwari) એ આ ગંભીર મુદ્દો ઉઠાવતાં કેન્દ્રીય ગૃહ મંત્રી (Home Minister) કક્ષાએથી જવાબદેહી નક્કી કરવાની માંગ કરી હતી. વિપક્ષના સતત હંગામાને પગલે રાજ્યસભાના સભાપતિએ ગૃહની કાર્યવાહી બપોરે 2 વાગ્યા સુધી મુલતવી રાખવાની જાહેરાત કરી હતી.
