PM Modi Foreign Visit: PM મોદીનો 6 દિવસીય વિદેશ પ્રવાસ, ઈન્ડોનેશિયાથી ન્યૂઝીલેન્ડ સુધી ભારતનો દબદબો

PM Modi Foreign Visit: ઈન્ડોનેશિયા સાથે મજબૂતીની નવી શરૂઆત

વડાપ્રધાન મોદીની મુલાકાતનો પ્રથમ પડાવ ઈન્ડોનેશિયા છે. રાષ્ટ્રપતિ પ્રબોવો સુબિયાંતોના આમંત્રણ પર તેઓ 6 થી 8 જુલાઈ સુધી જકાર્તા અને યોગ્યાકાર્તામાં રહેશે. વર્ષ 2018માં બંને દેશોએ પોતાના સંબંધોને કોમ્પ્રીહેન્સિવ સ્ટ્રેટેજિક પાર્ટનરશીપનો દરજ્જો આપ્યો હતો. આ યાત્રામાં રક્ષા સહયોગ, સમુદ્રી સુરક્ષા અને રોકાણ જેવા મુદ્દાઓ મુખ્ય રહેશે. વડાપ્રધાન મોદી યોગ્યાકાર્તાના પ્રખ્યાત પ્રમ્બાનન મંદિરની મુલાકાત લેશે, જે ભારત અને ઈન્ડોનેશિયાની સભ્યતાને જોડે છે.

PM Modi Foreign Visit: ઓસ્ટ્રેલિયામાં વ્યૂહાત્મક સમજૂતી

ઈન્ડોનેશિયા બાદ પીએમ મોદી મેલબોર્ન પહોંચશે અને ઓસ્ટ્રેલિયાના પ્રધાનમંત્રી એન્થની અલ્બેનીઝ સાથે મુલાકાત કરશે. બંને દેશો વચ્ચે રક્ષા, સુરક્ષા, ટેકનોલોજી અને શિક્ષણ જેવા ક્ષેત્રોમાં ઊંડો સહકાર જોવા મળે છે. ક્વાડ (QUAD) જૂથના સભ્ય તરીકે બંને રાષ્ટ્રો ઈન્ડો-પેસિફિક ક્ષેત્રમાં મહત્વની ભૂમિકા ભજવે છે. મેલબોર્નમાં પ્રધાનમંત્રી ભારતીય સમુદાયના વિશાળ કાર્યક્રમને સંબોધન કરશે. આ મુલાકાત રક્ષા અને ટેકનોલોજીના સહયોગને નવી ગતિ આપશે.

ન્યુઝીલેન્ડ સાથે આર્થિક સહયોગ

યાત્રાના છેલ્લા ચરણમાં વડાપ્રધાન મોદી ઓકલેન્ડ પહોંચશે. જ્યાં તેઓ ન્યુઝીલેન્ડના પીએમ ક્રિસ્ટોફર લક્સન સાથે દ્વિપક્ષીય વાર્તા કરશે. આ બેઠકમાં વ્યાપાર, રોકાણ અને આર્થિક સહયોગ વધારવા પર ખાસ ભાર મૂકવામાં આવશે. બંને દેશો વચ્ચે થયેલા મુક્ત વ્યાપાર કરાર (FTA) ના અમલીકરણ પર પણ ચર્ચા થશે. પીએમ મોદીની આ મુલાકાત ન્યુઝીલેન્ડમાં વસતા ભારતીય સમુદાયને પણ નવી ઉર્જા આપશે.

ભારતનું વૈશ્વિક વિઝન

વડાપ્રધાન મોદીની આ યાત્રા ભારતની મહાસાગર (MAHASAGAR) વિઝન અને મુક્ત તથા નિયમ-આધારિત ઈન્ડો-પેસિફિક ક્ષેત્ર માટેની પ્રતિબદ્ધતા દર્શાવે છે. આ ત્રણેય દેશો સાથેના સંબંધો ભારતની વધતી જતી આંતરરાષ્ટ્રીય સક્રિયતાનું પ્રતીક છે. આ પ્રવાસ દ્વારા ભારત વૈશ્વિક મંચ પર ક્ષેત્રીય સ્થિરતાના પ્રણેતા તરીકે પોતાની સ્થિતિ મજબૂત કરશે. આ તમામ દેશો સાથેની ભાગીદારી આર્થિક અને સુરક્ષાના મોરચે ભારતને નવી તાકાત પૂરી પાડશે.

આ પણ વાંચો---- Mumbai Rain Alert: ભારે વરસાદના કારણે મુંબઈની રફ્તાર થંભી, રેડ એલર્ટ વચ્ચે તંત્ર સતર્ક