PM નરેન્દ્ર મોદી એ રચ્યો ઈતિહાસ: ઈઝરાયલ અને પેલેસ્ટાઈન દેશનું સર્વોચ્ચ સન્માન મેળવનાર પ્રથમ વિશ્વ નેતા
- ઈઝરાયલી સંસદ 'નેસેટ' એ પીએમ મોદીને સર્વોચ્ચ મેડલથી નવાજ્યા (PM Modi Israel Visit)
- આ પ્રતિષ્ઠિત સન્માન મેળવનારા વિશ્વના પ્રથમ નેતા બન્યા પીએમ મોદી
- ઈઝરાયલ અને પેલેસ્ટાઈન બંનેના સર્વોચ્ચ સન્માન મેળવનાર દુર્લભ નેતા
- સંબોધન બાદ ઈઝરાયલી સાંસદોમાં પીએમ મોદી સાથે સેલ્ફી લેવાની હોડ જામી
ભારતની રાજદ્વારી શક્તિનો ડંકો સમગ્ર વિશ્વમાં વાગી રહ્યો છે. વડાપ્રધાન નરેન્દ્ર મોદી (PM Narendra Modi) એ વિશ્વના એવા પસંદગીના નેતાઓની યાદીમાં સ્થાન મેળવ્યું છે જેમને પરસ્પર વિરોધી મનાતા દેશો ઈઝરાયલ (Israel) અને પેલેસ્ટાઈન (Palestine) બંને તરફથી સર્વોચ્ચ નાગરિક સન્માન પ્રાપ્ત થયું હોય. બુધવારે ઈઝરાયલી સંસદ 'નેસેટ' (Knesset) ખાતે તેમના ઐતિહાસિક સંબોધન બાદ, પીએમ મોદીને પ્રતિષ્ઠિત 'સ્પીકર ઓફ ધ નેસેટ મેડલ' (Speaker of the Knesset Medal) થી નવાજવામાં આવ્યા હતા.
PM Modi Israel Visit: નેસેટનું સર્વોચ્ચ સન્માન મેળવનાર પ્રથમ ભારતીય
ઈઝરાયલી સંસદના સ્પીકર અમીર ઓહાના (Amir Ohana) એ પીએમ મોદીને આ ખાસ મેડલ અર્પણ કર્યો હતો. ભારત-ઈઝરાયલ વ્યૂહાત્મક સંબંધો (India-Israel Strategic Ties) ને નવી ઊંચાઈ પર લઈ જવા અને બંને દેશો વચ્ચેના લોકશાહી મૂલ્યોને મજબૂત કરવા બદલ આ સન્માન આપવામાં આવ્યું છે. પીએમ મોદી આ મેડલ મેળવનારા વિશ્વના પ્રથમ નેતા બન્યા છે, જે ભારત માટે ગૌરવની ક્ષણ છે.
પેલેસ્ટાઈન અને ઈઝરાયલ વચ્ચે સંતુલિત ડિપ્લોમસી
પીએમ મોદીની આ સિદ્ધિ એટલે ખાસ છે કારણ કે 2018માં તેમને પેલેસ્ટાઈનનું સર્વોચ્ચ સન્માન 'ગ્રાન્ડ કોલર ઓફ ધ સ્ટેટ ઓફ પેલેસ્ટાઈન' (Grand Collar of the State of Palestine) પણ મળી ચૂક્યું છે. મધ્ય પૂર્વના બે પરસ્પર વિરોધી પક્ષો પાસેથી સર્વોચ્ચ સન્માન મેળવવું એ મોદીની 'ડી-હાઈફનેશન' વિદેશ નીતિની સફળતા દર્શાવે છે.
ભારત અને યહૂદી સંસ્કૃતિના 2000 વર્ષ જૂના સંબંધો
નેસેટમાં પોતાના પ્રભાવશાળી ભાષણ દરમિયાન પીએમ મોદીએ ભારત અને યહૂદીઓ વચ્ચેના પ્રાચીન સંબંધોનો ઉલ્લેખ કર્યો હતો. તેમણે જણાવ્યું કે, "બાઈબલના 'બુક ઓફ એસ્થર' (Book of Esther) માં ભારતનો 'હોડુ' (Hodu) તરીકે ઉલ્લેખ છે. ભારતે સદીઓથી યહૂદી સમુદાયને ભેદભાવ વિના આવકાર્યા છે અને તેઓ આપણા સમાજનું અભિન્ન અંગ રહ્યા છે."