PM Modi Seychelles Visit: પીએમ મોદીના 'ગ્રીન વિઝન' ને વિશ્વનું સલામ, સેશેલ્સે સર્વોચ્ચ એવોર્ડ 'ગાર્ડિયન ઓફ ધ બ્લુ હોરાઈઝન' એનાયત

PM Modi Seychelles Visit: પીએમ મોદીના ગ્રીન વિઝનને વૈશ્વિક માન્યતા

સેશેલ્સ સરકારનું આ સર્વોચ્ચ સન્માન પીએમ મોદીની પર્યાવરણ અનુકૂળ નીતિઓ અને હરિત વિકાસ પ્રત્યેના અભિગમને મજબૂત સ્વીકૃતિ આપે છે. આ અગાઉ મે 2026 માં સંયુક્ત રાષ્ટ્રના ખાદ્ય અને કૃષિ સંગઠને (FAO) પણ પીએમ મોદીને કૃષિ ક્ષેત્રમાં સુધારા અને ખાદ્ય સુરક્ષા માટે 'એગ્રિકોલા મેડલ' આપ્યો હતો. પીએમ મોદીનું ગ્રીન વિઝન વિશ્વભરમાં સતત પ્રશંસા મેળવી રહ્યું છે અને સેશેલ્સનું આ સન્માન તે દિશામાં વધુ એક મોટું પગલું છે.

PM Modi Seychelles Visit: રાષ્ટ્રપતિ પેટ્રિક હર્મિની સાથે મહત્વપૂર્ણ બેઠક

શનિવારે સેશેલ્સ પહોંચેલા પીએમ મોદીનું રવિવારે સ્ટેટ હાઉસમાં ભવ્ય સ્વાગત કરાયું હતું. અહીં તેમને ગાર્ડ ઓફ ઓનર આપવામાં આવ્યું હતું. ત્યારબાદ પીએમ મોદી અને રાષ્ટ્રપતિ પેટ્રિક હર્મિની વચ્ચે ઉચ્ચ સ્તરીય દ્વિપક્ષીય બેઠક યોજાઈ હતી. આ બેઠકમાં પ્રાદેશિક અને આંતરરાષ્ટ્રીય હિતોના વિવિધ મુદ્દાઓ પર ગંભીર ચર્ચા થઈ હતી. આ મહત્વની મંત્રણામાં વિદેશ મંત્રી એસ. જયશંકર અને રાષ્ટ્રીય સુરક્ષા સલાહકાર (NSA) અજીત ડોભાલ સહિતના વરિષ્ઠ અધિકારીઓ હાજર રહ્યા હતા.

પીએમ મોદીએ સોશિયલ મીડિયા પ્લેટફોર્મ એક્સ પર આ ઐતિહાસિક ક્ષણ વિશે ખુશી વ્યક્ત કરી હતી. તેમણે આ તકને બંને દેશો વચ્ચેના મજબૂત લોકતાંત્રિક મૂલ્યો અને સંસદીય પરંપરાઓનું પ્રતીક ગણાવી છે. વડાપ્રધાન મોદીના કાર્યક્રમની વાત કરીએ તો, તેઓ રાત્રે 10:30 વાગ્યા સુધી રોશે કેમેન ખાતે રાષ્ટ્રીય દિવસની ઉજવણીમાં ભાગ લેશે.

આ પણ વાંચો------ Mann Ki Baat: સમુદ્રથી લઈને આકાશ સુધી ભારત સુરક્ષિત અને આત્મનિર્ભર, PM મોદીએ ‘મન કી બાત’માં દેશને આપ્યો સંદેશ