US-Israeal Attacks Iran: ઈરાન-ઈઝરાયલ વચ્ચે PM મોદીએ નેતન્યાહૂ અને UAEના પ્રમુખ સાથે કરી વાતચીત
- US-Israeal Attacks Iran: વડાપ્રધાન મોદીએ ઇઝરાયલના PM સાથે કરી વાત
- બેન્જામિન નેતન્યાહૂ સાથે PM મોદીએ કરી વાતચીત
- યુદ્ધની સ્થિતિ મામલે વડાપ્રધાન મોદીએ કરી ચર્ચા
- મિડલ ઇસ્ટમાં યુદ્ધની સ્થિતિ પર ચિંતા વ્યક્ત કરી
- ઇરાન-ઇઝરાયલ યુદ્ધ પૂર્ણ થવાની આશા વ્યક્ત કરી
US-Israeal Attacks Iran: મધ્ય પૂર્વમાં વધતા તણાવ વચ્ચે, વડાપ્રધાન નરેન્દ્રભાઈ મોદીએ બેન્જામિન નેતન્યાહૂ સાથે ફોન પર વાત કરી. વાતચીત દરમિયાન, તેમણે પ્રદેશમાં વહેલી તકે યુદ્ધવિરામની જરૂરિયાત પર ભાર મૂક્યો. PM મોદીએ સોશિયલ મીડિયા પ્લેટફોર્મ X પર લખ્યું કે તેઓએ વર્તમાન પરિસ્થિતિ પર ચર્ચા કરી અને નાગરિકોની સુરક્ષા માટે સર્વોચ્ચ પ્રાથમિકતાનો પુનરોચ્ચાર કર્યો. તેમણે કહ્યું કે ભારત વહેલી શાંતિ અને હિંસાનો અંત લાવવાની અપીલ કરે છે.
US-Israeal Attacks Iran: PM મોદીએ નેતન્યાહૂ અને UAE પ્રમુખ સાથે કરી વાતચીત
આ જ સંદર્ભમાં, PM મોદીએ સંયુક્ત આરબ અમીરાત (UAE) ના રાષ્ટ્રપતિ મોહમ્મદ બિન ઝાયેદ અલ નાહ્યાન સાથે પણ વાત કરી. તેમણે UAE પરના હુમલાઓની સખત નિંદા કરી અને જાનમાલના નુકસાન માટે સંવેદના વ્યક્ત કરી. PM મોદીએ કહ્યું કે ભારત આ મુશ્કેલ સમયમાં UAE સાથે ઉભું છે અને ત્યાં રહેતા ભારતીયોની સુરક્ષા સુનિશ્ચિત કરવા બદલ આભારી છે.
Had a telephone call with PM Benjamin Netanyahu to discuss the current regional situation. Conveyed India's concerns over recent developments and emphasised the safety of civilians as a priority. India reiterates the need for an early cessation of hostilities.@netanyahu
— Narendra Modi (@narendramodi) March 1, 2026
મધ્ય પૂર્વમાં બગડતી પરિસ્થિતિ
યુએસ અને ઇઝરાયલે સંયુક્ત રીતે ઈરાનને નિશાન બનાવ્યા ત્યારે મધ્ય પૂર્વમાં પરિસ્થિતિ વધુ ખરાબ થઈ. ઈરાનના રાજ્ય મીડિયા અનુસાર, આ ઘટનામાં ઈરાનના સર્વોચ્ચ નેતા આયાતુલ્લાહ અલી ખામેનીનું મોત થયું હતું. સંરક્ષણ પ્રધાન સહિત અન્ય ઘણા નેતાઓના પણ મોત થયાના અહેવાલ છે. ઈરાને ઈઝરાયલ અને અન્ય ઘણા ખાડી દેશો પર મિસાઈલ છોડીને બદલો લીધો. ઈરાનની આ કાર્યવાહીથી સમગ્ર ખાડી ક્ષેત્રમાં મોટા યુદ્ધની શક્યતા વધી ગઈ છે. આંતરરાષ્ટ્રીય સમુદાય પરિસ્થિતિ પર નજીકથી નજર રાખી રહ્યો છે. ભારતે આ સંવેદનશીલ સમયે સંતુલિત અભિગમ અપનાવ્યો છે, શાંતિ, સંવાદ અને પ્રાદેશિક સ્થિરતાને સમર્થન આપ્યું છે.
આ પણ વાંચો ------- ટ્રમ્પનો સનસનાટીભર્યો ખુલાસો: ઈરાન વિરુદ્ધ 'ઓપરેશન એપિક ફ્યુરી' સફળ, 48 નેતાઓ સાફ