Bengal માં ભાજપના ઐતિહાસિક વિજય બાદ PM Modi ની ગર્જના, કહ્યું- "ગંગોત્રીથી ગંગાસાગર સુધી કમળ ખીલ્યું"

• બંગાળમાં ભાજપની ઐતિહાસિક જીત, પીએમ મોદીનું સંબોધન!
• "ગંગોત્રીથી ગંગાસાગર સુધી હવે ખીલ્યું છે કમળ"
• લોકશાહી અને બંધારણનો વિજય થયો છે: PM મોદી
• અસમમાં ભાજપની હેટ્રિક, જનતાએ અતૂટ વિશ્વાસ મૂક્યો
• વિભાજનકારી રાજનીતિ કરનારાઓને જનતાએ આપ્યો જવાબ

પશ્ચિમ બંગાળ (West Bengal), તમિલનાડુ, અસમ, કેરળ અને પુડુચેરીના વિધાનસભા ચૂંટણી પરિણામો જાહેર થયા બાદ દેશનું રાજકીય ચિત્ર બદલાયું છે. ખાસ કરીને પશ્ચિમ બંગાળમાં સત્તાધારી પક્ષનો ગઢ તૂટ્યો છે અને ભારતીય જનતા પાર્ટીએ પ્રથમ વખત પૂર્ણ બહુમતી સાથે સરકાર બનાવી ઇતિહાસ રચ્યો છે. આ ભવ્ય વિજય બાદ પ્રધાનમંત્રી નરેન્દ્ર મોદીએ (PM Narendra Modi Speech) દિલ્હી સ્થિત ભાજપ મુખ્યાલયથી જનતાને સંબોધિત કર્યા હતા.

#WATCH | दिल्ली | प्रधानमंत्री नरेंद्र मोदी ने कहा, "...आज का ये दिन ऐतिहासिक है, अभूतपूर्व है। जब वर्षों की साधना सिद्धी में बदलती है तो चेहरे पर जो खुशी होती है वो खुशी आज मैं देश भर के भाजपा के कार्यकर्ताओं के चेहरे पर देख रहा हूं..." pic.twitter.com/CRnHn0arqa

— ANI_HindiNews (@AHindinews) May 4, 2026

ભારત લોકશાહીની જનની છે

પીએમ મોદીએ પોતાના સંબોધનમાં જણાવ્યું હતું કે, "આ પાંચ રાજ્યોની જનતાએ દુનિયાને બતાવી દીધું છે કે આપણું ભારત લોકશાહીની જનની (Mother of Democracy) કેમ છે. આજે માત્ર લોકશાહી જ નહીં, પરંતુ ભારતનું બંધારણ પણ જીત્યું છે. પશ્ચિમ બંગાળમાં થયેલું અંદાજે 93% મતદાન પોતે જ એક ઐતિહાસિક ઘટના છે." તેમણે વધુમાં ઉમેર્યું કે બંધારણીય સંસ્થાઓ અને લોકશાહી પ્રક્રિયાઓની આ જીત છે.

ગંગોત્રીથી ગંગાસાગર સુધી ભગવો

પીએમ મોદીએ ભૂતકાળને યાદ કરતા કહ્યું કે, "ગયા વર્ષે જ્યારે બિહારના પરિણામો આવ્યા હતા, ત્યારે મેં કહ્યું હતું કે ગંગા બિહારથી આગળ ગંગાસાગર સુધી વહે છે. આજે બંગાળની જીત સાથે ગંગોત્રીથી ગંગાસાગર સુધી કમળ ખીલી ગયું છે. ઉત્તરાખંડ, ઉત્તર પ્રદેશ, બિહાર અને હવે પશ્ચિમ બંગાળ - ગંગા કિનારે વસેલા આ તમામ રાજ્યોમાં ભાજપ અને NDA સત્તામાં છે." તેમણે અસમમાં થયેલી જીતની હેટ્રિક (Hatrick in Assam) બદલ જનતાનો આભાર માન્યો અને કહ્યું કે માં કામાખ્યાના આશીર્વાદથી જનતાએ સતત ત્રીજી વાર વિશ્વાસ વ્યક્ત કર્યો છે.

#WATCH | दिल्ली: प्रधानमंत्री नरेंद्र मोदी ने कहा, "भाजपा के लिए भारत और भारतीयता के भाव से बड़ा और कुछ नहीं है। हमारे लिए भारत सब कुछ है, भारतीयता सब कुछ है। भाजपा क्षेत्रीय आकांक्षाओं से राष्ट्रीय महत्वाकांक्षा को पूरा करने वाली पार्टी है। इसलिए भाजपा देश की पसंद बन रही है,… pic.twitter.com/VxgGXAzjed

— ANI_HindiNews (@AHindinews) May 4, 2026

કોંગ્રેસ પર આકરા પ્રહાર

કોંગ્રેસની સ્થિતિ પર ટિપ્પણી કરતા પીએમ મોદીએ (PM Modi on Congress) કહ્યું કે કોંગ્રેસ હવે જનતાનો વિશ્વાસ ગુમાવી ચૂકી છે. તે લોકોની નબઝ અને આકાંક્ષાઓની રાજનીતિ સમજવામાં નિષ્ફળ રહી છે. તમિલનાડુ, બંગાળ અને કેરળમાં લોકોએ વિભાજનકારી રાજનીતિ (Divisive Politics) કરનારાઓને સત્તાની બહારનો રસ્તો બતાવી દીધો છે.

આ પણ વાંચો : Bengal માં ભાજપના વિજય બાદ PM MODI ની સામે આવી પ્રથમ પ્રતિક્રિયા, જાણો કાર્યકર્તાઓને શું કહ્યું ?