દિલ્હીની હવામાં ઝેર! લોકો માટે શ્વાસ લેવો મુશ્કેલ બન્યો

Delhi AQI very bad : દિલ્હીમાં સતત વધતા પ્રદૂષણ (Pollution) ને કારણે લોકોની દયનીય સ્થિતિ બની ગઈ છે. બુધવારના રોજ, આ સ્થિતિ એટલી ગંભીર બની ગઈ હતી કે હવાની ગુણવત્તા આ સિઝનમાં પ્રથમ વખત 'ગંભીર' શ્રેણી સુધી પહોંચી ગઈ હતી, જેમાં AQI (Air Quality Index) 418 પર પહોંચી ગયો હતો. મંગળવારે AQI 334 હતો, જે હજુ પણ ખતરનાક સ્તરે હતું. સેન્ટ્રલ પોલ્યુશન કંટ્રોલ બોર્ડ (CPCB)ના ડેટા અનુસાર, દિલ્હી શહેરના 36 મોનિટરિંગ સ્ટેશનોમાંથી 30 મોનિટરિંગ સ્ટેશનો પર 'ગંભીર' હવાની ગુણવત્તાનો અહેવાલ મળ્યો છે.

ગેસ ચેમ્બર બન્યું દિલ્હી!

દિલ્હીની હવામાં પ્રદૂષણ સતત વધી રહ્યું છે. રાજધાની દિવસેને દિવસે ગેસ ચેમ્બર બનતું જઇ રહ્યું હોય તેવું લાગી રહ્યું છે. AQI જ્યારે 0 થી 50 ની વચ્ચે 'સારું', 51 થી 100 'સંતોષકારક', 101 થી 200 'મધ્યમ', 201 થી 300 'ખરાબ', 301 થી 400 'ખૂબ ખરાબ', 401 થી 450 'ગંભીર', અને 450 થી વધુ 'ગંભીર પ્લસ' ગણવામાં આવે છે. બુધવારના દિવસમાં AQI 418 પર પહોંચવા છતાં, દિલ્હીના 36 મોનિટરિંગ સ્ટેશનોમાંથી 30 મોનિટરિંગ સ્ટેશનો પર AQI 'ગંભીર' શ્રેણીમાં નોંધાયો હતો. 9 વાગ્યે, દિલ્હી શહેરની હવાની ગુણવત્તા 'ખૂબ ખરાબ' શ્રેણી (366 AQI) પર હતી.

ગાઢ ધુમ્મસ અને વિઝિબિલિટીમાં ઘટાડો

આ સિઝનમાં પહેલીવાર, બુધવારે, ગાઢ ધુમ્મસે દિલ્હીને ઢાકી દીધું હતું, જેના કારણે વિઝિબિલિટીની સ્થિતિ ખૂબ નબળી બની ગઈ હતી. ઇન્દિરા ગાંધી ઈન્ટરનેશનલ એરપોર્ટ પર વિઝિબિલિટી શૂન્ય મીટર હતી. એક અધિકારીએ જણાવ્યું હતું કે ઓછી વિઝિબિલિટીના કારણે કેટલીક ફ્લાઈટ્સને ડાયવર્ટ કરવામાં આવી હતી. ભારતીય હવામાન વિભાગ (IMD) એ જણાવ્યું હતું કે સવારે 8.30 વાગ્યે ઈન્દિરા ગાંધી ઈન્ટરનેશનલ એરપોર્ટ પર વિઝિબિલિટી શૂન્ય મીટર નોંધાઈ હતી, જ્યારે વિવિધ સ્થળોએ 'રનવે વિઝ્યુઅલ રેન્જ' 125 થી 500 મીટરની વચ્ચે હતી.

હવામાન વિભાગે આપી ચેતવણી

IMDએ જણાવ્યું હતું કે ખૂબ જ ગાઢ ધુમ્મસ સવારે 5.30 વાગ્યાની આસપાસ શરૂ થયું હતું, જેના કારણે રાષ્ટ્રીય રાજધાનીના વિવિધ ભાગોમાં ધુમ્મસ છવાઈ ગયું હતું. IMDના એક અધિકારીએ જણાવ્યું કે, 'સવાર સુધીમાં દિલ્હીમાં ધુમ્મસનું ગાઢ સ્તર છવાયું હતું, જેના કારણે કેટલાક વિસ્તારોમાં વિઝિબિલિટી ઘટીને 125 મીટર થઈ ગઈ હતી. મંગળવારે સવારે શહેરમાં તાપમાન 17.9 ડિગ્રી સેલ્સિયસથી ઘટીને 17 ડિગ્રી સેલ્સિયસ થઈ ગયું હતું.' હવામાન વિભાગે આગામી દિવસોમાં તાપમાનમાં વધુ ઘટાડો થવાની ચેતવણી પણ આપી છે.

ભાજપ નેતાએ પ્રદૂષણ પર શું કહ્યું?

ભાજપ નેતા શહેઝાદ પૂનાવાલા એ હવા પ્રદૂષણને ગંભીર સમસ્યા માનતા ગેસ માસ્ક પહેરેલા દેખાયા હતા. તેમણે કહ્યું, 'આજે દિલ્હી ગેસ ચેમ્બર બની ગયું છે. આમ આદમી પાર્ટીએ આ માટે પંજાબમાં પરાળ સળગાવવાનો આરોપ લગાવ્યો હતો. હવે પંજાબમાં 6000 થી વધુ સ્ટબલ સળગાવવાની ઘટનાઓ બની છે, પરંતુ તેણે તેના પર મૌન જાળવી રાખ્યું છે. તેઓ ક્યારેક દિવાળી, ક્યારેક યુપી તો ક્યારેક હરિયાણાને હવાના પ્રદૂષણમાં વધારા માટે જવાબદાર ઠેરવે છે. પરંતુ તેઓ આ સ્થિતિ માટે દિલ્હીના આંતરિક કારણો પર મૌન છે. યમુના નદીનું પ્રદૂષણ હોય કે દિલ્હીનું વાયુ પ્રદૂષણ, આ બધા માટે AAP જવાબદાર છે. દિલ્હીવાસીઓના જીવ સાથે રમત રમાઈ રહી છે. આમ આદમી પાર્ટીએ દિલ્હીને ગેસ ચેમ્બર બનાવી દીધી છે, પરંતુ તેમ છતાં તેઓ દિવાળી અને હિન્દુઓને દોષ આપે છે.

આ પણ વાંચો:  IMD : Delhi-NCR માં ઠંડીનું આગમન, 10 રાજ્યોમાં ગાઢ ધુમ્મસની ચેતવણી...