હુબલી હંગામો: ભાજપની મહિલા કાર્યકર્તાએ પોલીસ પર લગાવ્યો કપડાં ફાડવાનો આરોપ
. ભાજપની મહિલા કાર્યકર્તાને એરેસ્ટ કરતી વખતે હંગામો
. પોલીસ પર મહિલાના કપડાં ફાડવાનો લગાવાયો આરોપ
. પોલીસે મહિલા દ્વારા લગાવાયેલા આરોપોને નકાર્યા
હુબલી: કર્ણાટકના હુબલીમાં ભાજપની એક મહિલા કાર્યકર્તાએ પોલીસ પર શોષણ અને કપડાં ફાડવાનો આરોપ લગાવ્યો છે. હુબલીના કેશવુર પોલીસ સ્ટેશનમાં મહિલાની વિરુદ્ધ ફરિયાદ નોંધાવાય હતી. તેના પછી પોલીસકર્મીઓએ મહિલાને એરેસ્ટ કરી છે. મહિલાનો આરોપ છે કે જ્યારે તે આનો વિરોધ કરી રહી હતી, ત્યારે તેની સાથે ગેરવર્તન થયું. ઘટનાનો એક વીડિયો પણ સામે આવ્યો છે.જેમાં તેને એક બસમાં પુરુષ અને મહિલા પોલીસકર્મી મહિલાને ઘેરીને ઉભા છે.
કૉંગ્રેસ કોર્પોરેટરની ફરિયાદ હતી
એક ન્યૂઝચેનલના અહેવાલ મુજબ, ભાજપના કાર્યકર્તા સુજાતા ઉર્ફે વિજયલક્ષ્મી હંડી અને કૉંગ્રેસના કોર્પોરેટર સુવર્ણા કલાકુંતલા વચ્ચે પહેલેથી જ મતભેદ હતો. કોંગ્રેસ કોર્પોરેટરે મહિલા કાર્યકર્તા વિરુદ્ધ એક ફરિયાદ નોંધવામાં આવી હતી. આ ફરિયાદ પર કાર્યવાહી કરતા પોલીસે સુજાતાને એરેસ્ટ કરી લીધી હતી. રિપોર્ટ મુજબ, સુજાતા પણ પહેલા કોંગ્રેસમાં હતી અને તાજેતરમાં તે ભાજપમાં સામેલ થઈ છે.
વીડિયોમાં ભાજપના કાર્યકર્તા સુજાતા સાથે કેટલાક પોલીસકર્મીઓ ઉભા છે. એક મહિલા પોલીસકર્મી તેને પકડવાની કોશિસ કરી રહી છે. મહિલા જોરજોરથી બૂમો પાડી રહી છે. એક પુરુષ પોલીસકર્મી પણ મહિલાને શાંત કરાવતો દેખાય રહ્યો છે.
એક મીડિયા અહેવાલ મુજબ, હુબલી-ધારવાડ પોલીસ કમિશનર શશી કુમારે કહ્યુ કે ઘટના ચાલુક્ય નગરમાં બની. કમિશનરે મહિલા દ્વારા લગાવવામાં આવેલા આરોપોને નકાર્યા છે અને કહ્યું કે એરેસ્ટ દરમિયાન સુજાતાએ પોલીસને રોકવાની ઘણી કોશિશ કરી હતી. જ્યારે તેને ગાડીમાં લઈ જવાઈ, ત્યારે તેણે કપડાં પહેરેલા હતા. પરંતુ ગાડીની અંદર જતાં જ તેણે પોતાના કપડાં જાતે ઉતાર્યા અને કપડાં બહાર ફેંકી દીધા. પછી અમારા સ્ટાફે તેને કપડાં લાવીને પહેરાવ્યા.
પોલીસે ક્હ્યું કે એરેસ્ટ દરમિયાન સુજાતાએ પોલીસકર્મીઓ પર હુમલો કર્યો. તેમણે જણાવ્યું કે એક સબ ઈન્સ્પેક્ટરને ગંભીર ઈજાઓ થઈ છે. તેમણે એ પણ કહ્યું કે મહિલા વિરુદ્ધ 9 મામલા પહેલેથી જ નોંધાયેલા છે. જેમાં 5 ગત વર્ષે જ નોંધાયા છે.
#WATCH | दिल्ली: भाजपा नेता शहजाद पूनावाला ने हुबली में प्रदर्शन के दौरान भाजपा की एक महिला कार्यकर्ता के साथ कथित बदसलूकी के मामले पर कहा, "ये सच्चाई है कांग्रेस पार्टी के 'लड़की हूं लड़ सकती हूं' वाले खोखले नारे की... सोचिए यदि पुलिस ही ऐसा व्यवहार करेगी, किसी महिला के साथ… pic.twitter.com/FlNjLV3X7A
— ANI_HindiNews (@AHindinews) January 7, 2026
રાજકીય વિવાદ
કર્ણાટકના ધારાસભ્ય અને પૂર્વ ડેપ્યુટી સીએમ આર. અશોકે ટ્વિટ કરીને આખી ઘટનાને વખોડી છે. તેમણે પોસ્ટમાં લખ્યું છે કે કર્ણાટકના હુબલીમાં એક મહિલા કાર્યકર્તાને નિર્વસ્ત્ર કરવામાં આવી. તેની વિરુદ્ધ કોંગ્રેસ કોર્પોરેટરે ફરિયાદ નોંધાવી હતી. આ દર્શાવે છે કે રાજ્ય સરકાર કોઈ પ્રકારે નફરત ફેલાવવામાં લાગેલી છે. જે પ્રકારે દિવસેને દિવસે આ પ્રકારના મામલા વધી રહ્યા છે, તેનાથી સરકારને શરમ આવવી જોઈએ. કર્ણાટકમાં વિપક્ષી કાર્યકર્તાઓ પર હુમલા વધી રહ્યા છે. મુખ્યમંત્રી સિદ્ધારમૈયાના નેતૃત્વવાળી કોંગ્રેસ સરકારે રાજ્યમાં અઘોષિત ઈમરજન્સી લાગુ કરી દીધી છે.
ಕಾಂಗ್ರೆಸ್ ಪಕ್ಷದ ನಗರ ಪಾಲಿಕೆ ಸದಸ್ಯ ನೀಡಿದ ದೂರಿನ ಮೇರೆಗೆ ಹುಬ್ಬಳ್ಳಿಯ ಕೇಶ್ವಾಪುರ ಪೊಲೀಸರು ಬಿಜೆಪಿಯ ಮಹಿಳಾ ಕಾರ್ಯಕರ್ತೆಯೊಬ್ಬರನ್ನು ವಿವಸ್ತ್ರಗೊಳಿಸಿ ಥಳಿಸಿರುವ ಅಮಾನುಷ ಘಟನೆ ನಡೆದಿದ್ದು, ಈ ಲಜ್ಜೆಗೆಟ್ಟ ರಾಜ್ಯ ಕಾಂಗ್ರೆಸ್ ಸರ್ಕಾರ ಬಂದಾಗಿನಿಂದ ಎಗ್ಗಿಲ್ಲದೆ ನಡೆಯುತ್ತಿರುವ ದ್ವೇಷ ರಾಜಕಾರಣಕ್ಕೆ ಮತ್ತೊಂದು ಉದಾಹರಣೆಯಾಗಿದೆ.… pic.twitter.com/49OkcrhzYD
— R. Ashoka (@RAshokaBJP) January 7, 2026
આ ઘટના બાદથી જ રાજકીય વિવાદ તીવ્ર બન્યો છે. ભાજપના નેતાઓએ પોલીસ દ્વારા કરવામાં આવેલી કાર્યવાહીની આલોચના કરી અને મામલા પર કડકાઈથી કાર્યવાહી કરવાની માગણી કરી છે.