Delhi BJP CM Face : નવી દિલ્હી બેઠક પરથી અરવિંદ કેજરીવાલને હરાવ્યા બાદ, પ્રવેશ વર્માએ X પર જય શ્રી રામ લખ્યું. વર્મા ભાજપનો મુખ્ય પ્રધાનપદનો ચહેરો છે અને તેઓ મુખ્યમંત્રી બને તેની મહત્તમ શક્યતા છે.

Delhi CM Name : દિલ્હી વિધાનસભા ચૂંટણીના પરિણામો ચોંકાવનારા છે. AAP ના રાષ્ટ્રીય કન્વીનર અરવિંદ કેજરીવાલ અને તેમના નજીકના સહાયક મનીષ સિસોદિયાને હારનો સામનો કરવો પડ્યો છે. આ સાથે, AAP ને 23 બેઠકો મળતી જોવા મળી રહી છે. હવે ભાજપ અહીં સરકાર બનાવવા જઈ રહી છે. વલણોમાં ભાજપને 47 બેઠકો મળતી જોવા મળી રહી છે. આ પછી, પ્રશ્ન એ છે કે ભાજપનો અંતિમ મુખ્યમંત્રી ચહેરો કોણ હશે?

આ પણ વાંચો : Surat : એમ્બ્રોઇડરી ખાતામાં કામ કરી રહ્યો હતો યુવક, ચાલુ મશીને ઊભો થયો અને..!

કેજરીવાલને હરાવી જાયન્ટ કિલરની છબી

દિલ્હીના પૂર્વ મુખ્યમંત્રી કેજરીવાલને ભાજપના ઉમેદવાર પ્રવેશ વર્માએ હરાવ્યા છે. આવી સ્થિતિમાં, એવું માનવામાં આવે છે કે પ્રવેશ વર્મા મુખ્યમંત્રી પદ માટે મુખ્ય દાવેદાર છે. જોકે અત્યાર સુધી તે તેનો ઇનકાર કરતો આવ્યો છે.

સીટોનો કિસ્સો

રસપ્રદ વાત એ છે કે, છેલ્લી કેટલીક ચૂંટણીઓમાં નવી દિલ્હી બેઠક જીતનાર નેતા મુખ્યમંત્રી બન્યા છે. અરવિંદ કેજરીવાલ 2013, 2015 અને 2020 માં આ બેઠક પરથી જીત્યા અને મુખ્યમંત્રી બન્યા. તેમણે 2013માં શીલા દીક્ષિતને હરાવ્યા હતા.

શીલા દીક્ષિત આ બેઠક પરથી એક વખત ચૂંટાયા હતા. આ પહેલા, તે ગોલ માર્કેટ બેઠક પરથી બે વાર ચૂંટાઈ આવી હતી. પછી તે મુખ્યમંત્રી બન્યા. 2008 માં સીમાંકન પછી ગોલ માર્કેટ બેઠક બદલાઈ ગઈ અને તેનું નામ બદલીને નવી દિલ્હી રાખવામાં આવ્યું.

આ પણ વાંચો : સ્વાતિ માલીવાલે દ્રૌપદી વસ્ત્રહરણનો ફોટો શેર કરી AAP ની ઉડાવી મજાક

પ્રવેશ વર્મા અમિત શાહને મળ્યા

શનિવારે ચૂંટણી જીત્યા બાદ, પ્રવેશ વર્માએ કેન્દ્રીય ગૃહમંત્રી અમિત શાહને મળવા પહોંચી ગયા. એવું માનવામાં આવે છે કે, અહીં મુખ્યમંત્રીના ચહેરાની ચર્ચા થઈ હતી. અરવિંદ કેજરીવાલે ચૂંટણી પ્રચાર દરમિયાન વર્મા પર પૈસા વહેંચવાનો આરોપ લગાવ્યો હતો અને પૂછ્યું હતું કે શું ભાજપનો મુખ્યમંત્રી ચહેરો પ્રવેશ વર્મા હશે?

પ્રવેશ વર્માના ટ્વીટ બાદ સ્થિતિ સ્પષ્ટ

આજે અરવિંદ કેજરીવાલ સામે જીત મેળવ્યા પછી, પ્રવેશ વર્માએ X પર જય શ્રી રામ લખ્યું. તેમણે એમ પણ કહ્યું, "આ જે સરકાર બની રહી છે તે વડા પ્રધાનના વિઝન સાથે દિલ્હીમાં આવશે. હું દિલ્હીના લોકોનો આભાર માનું છું. આ વડા પ્રધાન નરેન્દ્ર મોદી અને દિલ્હીના લોકોની જીત છે." આ ટ્વીટ તેમનું ખુબ જ સુચક છે કારણ કે જ્યારે હેડ ઓફ ધ સ્ટેટ હોય છે તે જ સામાન્ય રીતે હાર કે જીત બાદ જવાબદારી સ્વિકારી જનતાનો આભાર વ્યક્ત કરતો હોય છે.

આ પણ વાંચો : Delhi Election Result 2025 : ઈસુદાન ગઢવીના BJP પર આક્ષેપ, કહ્યું-અરવિંદ કેજરીવાલ વિરુદ્ધ ..!