રાધિકા અને અનંત અંબાણીના લગ્નનું કાર્ડ સોશિયલ મીડિયા પર લીક

અંબાણી પરિવારના અમીર ઠાઠથી કદાચ કોઈ જ અજાણ હશે. એશિયાના સૌથી અમીર વ્યક્તિ મુકેશ અંબાણીના ઘરે હવે શરણાઈઓ વાગવા જઈ રહી છે. મુકેશ અંબાણીના લાડકા પુત્ર અનંત અંબાણી હવે પ્રભુતામાં પોતાના પગલાં પાળવા જઈ રહ્યા છે. રાધિકા મર્ચન્ટ અંબાણી પરિવારની દુલ્હન બનવાની છે. મળતી માહિતી મુજબ આ લગ્નની ઉજવણી 3 દિવસ સુધી ચાલવાની છે.

લગ્નનું કાર્ડ સોશિયલ મીડિયા પર લીક

ત્યારે અનંત અને રાધિકા મર્ચન્ટના લગ્નની તારીખ સાથે તેમના લગ્નનું કાર્ડ પણ સોશિયલ મીડિયા પર લીક થઈ ગયું છે. આમાં, તેમના લગ્નના કાર્યો સાથે સંબંધિત તમામ મહત્વપૂર્ણ માહિતી જોઈ શકાય છે.

આ વર્ષે આ યુગલના લગ્નની વિધિ જામનગરમાં 1લી, 2જી અને 3જી માર્ચ એટલે કે શુક્રવાર, શનિવાર અને રવિવારના રોજ પૂર્ણ થશે. પરંતુ અનંત અને રાધિકાના લગ્નની તારીખ હજુ સુધી જાહેર કરવામાં આવી નથી. તમને જણાવી દઈએ કે, અંબાણી પરિવાર તેમના પુત્રના લગ્ન તેમના પૂર્વજોના આશીર્વાદ સાથે કરવા માંગે છે, તેથી તેઓ તેમના વતનમાં લગ્ન સમારંભનું આયોજન કરી રહ્યા છે.

વૈભવી હશે રાધિકા - અનંતના લગ્ન 

અંબાણી પરિવારમાં જ્યારે પણ કોઈ નાની ઘટના બને છે ત્યારે આખી દુનિયાની નજર તેમના પર જ કેન્દ્રિત રહે છે. આવી સ્થિતિમાં હવે અનંત અંબાણી અને રાધિકા મર્ચન્ટના લગ્નનો સમય આવી ગયો છે.

આ સમાચાર વાંચીને દરેક લોકો ઉત્સાહિત દેખાય છે. આ લગ્નમાં શું થવાનું છે તે જાણવા માટે દરેકની ઉત્તેજના સ્પષ્ટ દેખાઈ રહી છે. કોણ શું પહેરશે થી લઈને લગ્નમાં કોણ હાજર રહી શકશે ? આ અંગે હજુ પણ સસ્પેન્સ છે. કોઈપણ રીતે, લોકોને અંબાણી પરિવારના લગ્નમાં ખૂબ જ રસ છે કારણ કે અહીં પૈસા પાણીની જેમ ખર્ચવામાં આવે છે.

રાધિકાની સુંદરતાથી બોલીવુડ અભિનેત્રી પણ મુકાઇ પાછળ 

ગયા વર્ષે જ્યારે આ લવ બર્ડ્સની સગાઈ થઈ હતી, ત્યારે તમામ લાઈમલાઈટ તેમના પર હતી.

ફિલ્મ સ્ટાર્સ ઉપરાંત લોકો રાધિકાની સુંદરતાના ગુણગાન ગાતા જોવા મળ્યા હતા. અચાનક રાધિકા મર્ચન્ટ આકર્ષણનું કેન્દ્ર બની ગઈ હતી અને ચાહકો તેના પહેલા બોલિવૂડની મોટી સુંદરીઓને પણ ભૂલી ગયા હતા. આવી સ્થિતિમાં હવે દરેક તેને દુલ્હન બનતા જોવા માટે બેતાબ છે.

આ પણ વાંચો -- INDI ગઠબંધનની યોજાઈ વર્ચ્યુઅલ બેઠક, લેવાયો સૌથી મોટો નિર્ણય