હરિયાણા ચૂંટણીમાં 25 લાખ નકલી મતો દ્વારા 'વૉટ ચોરી'નો રાહુલ ગાંધીનો દાવો

• હરિયાણા ચૂંટણીમાં 25 લાખ નકલી મતો દ્વારા 'વૉટ ચોરી'નો રાહુલનો દાવો (Rahul Haryana Fake Voters)
• બ્રાઝિલિયન મોડેલના ફોટોનો ઉપયોગ કરીને 22 વખત ડુપ્લિકેટ વોટિંગ
• હરિયાણામાં દર 8માંથી 1 મતદાર નકલી: 12.5% વોટ ફ્રોડ
• 'H' ફાઈલ્સ દ્વારા ચૂંટણી પંચ પર સવાલ: જીત હારમાં ફેરવાઈ
• ડબલ વોટિંગ અને પોસ્ટલ બેલેટની ગેરરીતિઓના 100% પુરાવા રજૂ કર્યા

Rahul Haryana Fake Voters : લોકસભામાં વિપક્ષના નેતા અને કોંગ્રેસના સાંસદ રાહુલ ગાંધીએ આજે ઓલ ઈન્ડિયા કોંગ્રેસ કમિટી (AICC)ના મુખ્યાલય ખાતે આયોજિત પત્રકાર પરિષદમાં ચૂંટણી પંચ (EC) પર ફરી એકવાર ગંભીર આક્ષેપો કર્યા હતા. તેમણે બ્રાઝિલની એક મોડેલનો ફોટોગ્રાફ બતાવીને દાવો કર્યો કે આ તસવીરનો ઉપયોગ કરીને કોઈકવાર 'સ્વીટી' તો કોઈકવાર 'સીમા'ના નામથી હરિયાણામાં 22 વાર મતદાન કરવામાં આવ્યું. રાહુલ ગાંધીના કહેવા મુજબ, આ મોડેલની તસવીરના આધારે નકલી મતદારો બનાવવામાં આવ્યા હતા.

ચૂંટણીમાં 'વૉટ ચોરી'નો આક્ષેપ – Congress allegations Election Commission

કોંગ્રેસ સાંસદે આંકડાકીય વિગતો આપતા કહ્યું કે, હરિયાણાના માત્ર બે બૂથ પર જ એક ફોટોનો 223 વખત ઉપયોગ થયો છે. તેમણે જણાવ્યું કે દરેક મતદાર યાદીમાં નામ અને ઉંમર અલગ-અલગ છે. તેમણે ચોંકાવનારો દાવો કર્યો કે હરિયાણામાં દર 8માંથી 1 મતદાર નકલી છે.

#WATCH | Delhi: When asked if the Opposition would unitedly launch a movement or move the Supreme Court against SIR, Lok Sabha LoP Rahul Gandhi says, "Every single party understands this. There is nothing hidden here. The fundamental question of an election is the integrity of a… pic.twitter.com/YTnuYoFo8x

— ANI (@ANI) November 5, 2025

રાહુલ ગાંધીએ આક્ષેપ કર્યો કે ગત વર્ષે ઓક્ટોબર 2024માં થયેલી હરિયાણા વિધાનસભા ચૂંટણીમાં 25 લાખ નકલી મતો દ્વારા 'વૉટ ચોરી' કરવામાં આવી છે. તેમણે આ સંદર્ભમાં હરિયાણાના મુખ્યમંત્રી નાયબ સિંહ સૈનીનો એક વીડિયો પણ બતાવ્યો, જેમાં સૈની સરકાર બનાવવા માટેની 'વ્યવસ્થા' હોવાની વાત કરી રહ્યા હતા. રાહુલ ગાંધીએ દાવો કર્યો કે હરિયાણામાં પાંચ જુદી-જુદી પદ્ધતિઓ દ્વારા કુલ 25,41,144 નકલી મતદાતાઓ દ્વારા 'વૉટ ચોરી' કરાઈ. ઉલ્લેખનીય છે કે 90 બેઠકો ધરાવતી હરિયાણા વિધાનસભા ચૂંટણીમાં ભાજપે 48 બેઠકો જીતીને સતત સત્તા જાળવી રાખી હતી, જ્યારે કોંગ્રેસને 37 બેઠકો મળી હતી.

હરિયાણામાં 8માંથી 1 મતદાર નકલી – રાહુલ – Fake voter list India

હરિયાણા ચૂંટણીમાં ગેરરીતિઓના દાવા સાથે રાહુલ ગાંધીએ કહ્યું કે કોંગ્રેસની જીતને ભાજપની જીતમાં ફેરવવાનું ષડયંત્ર રચાયું હતું. તેમણે ચૂંટણી પંચ અને દેશની લોકતાંત્રિક પ્રક્રિયા પર સવાલો ઉઠાવીને કહ્યું કે 'જનરેશન ઝેડ' (Generation Z) નું ભવિષ્ય 'બર્બાદ' કરવામાં આવી રહ્યું છે.

રાહુલ ગાંધીએ સ્પષ્ટપણે કહ્યું, "હરિયાણામાં કોઈ ચૂંટણી થઈ જ નથી, માત્ર વૉટ ચોરી થઈ છે. અમારી પાસે સ્પષ્ટ પુરાવા છે કે 25 લાખ મતદાતાઓ કાં તો નકલી છે, કાં તો ડુપ્લિકેટ છે અથવા કોઈ વ્યક્તિ દ્વારા મતદાન કરાવવા માટે બનાવવામાં આવ્યા છે... હરિયાણામાં દર 8માંથી 1 મતદાર નકલી છે, જે 12.5% છે... કોંગ્રેસ 22,000 મતોથી ચૂંટણી હારી ગઈ. આ મહિલા કોણ છે? તે હરિયાણામાં 10 અલગ-અલગ બૂથ પર 22 વખત મતદાન કરે છે. તેના અનેક નામ છે... આનો અર્થ છે કે આ એક કેન્દ્રીકૃત પ્રક્રિયા છે... આ મહિલા એક બ્રાઝિલિયન મોડેલ છે. આ એક સ્ટોક ફોટો છે અને તે હરિયાણાના આવા 25 લાખ રેકોર્ડ્સમાંથી માત્ર એક છે."

#WATCH | Delhi: Lok Sabha LoP Rahul Gandhi says, "...Congress lost the election by 22,000 votes...Who is this lady?...She votes 22 times in Haryana, in 10 different booths in Haryana. She has multiple names...That means this is a centralised operation...The lady is a Brazilian… pic.twitter.com/nWWXBPiKxC

— ANI (@ANI) November 5, 2025

‘H’ ફાઈલ્સનો દાવો – Naib Singh Saini statement

વિપક્ષના નેતા રાહુલ ગાંધીએ કહ્યું કે તેમની પાસે 'H' ફાઈલ્સ છે, જે દર્શાવે છે કે કેવી રીતે એક આખા રાજ્યને 'ચોરી' લેવામાં આવ્યું. તેમણે કહ્યું, "અમને શંકા હતી કે આ માત્ર એક મતવિસ્તારમાં નહીં, પરંતુ રાજ્ય સ્તરે અને રાષ્ટ્રીય સ્તરે થઈ રહ્યું છે. અમને હરિયાણામાં અમારા ઉમેદવારો તરફથી ઘણી ફરિયાદો મળી હતી કે કંઈક ગડબડ છે. અમારી બધી આગાહીઓ ખોટી પડી. અમે મધ્યપ્રદેશ, છત્તીસગઢ, મહારાષ્ટ્રમાં આવું અનુભવ્યું હતું, પરંતુ અમે હરિયાણા પર ધ્યાન કેન્દ્રિત કરીને વિગતવાર તપાસ કરવાનું નક્કી કર્યું."

#WATCH | Delhi: Lok Sabha LoP Rahul Gandhi says, "...Thousands of BJP voters, BJP leaders are voting in Uttar Pradesh and voting in Haryana. This is Dalchand, BJP Sarpanch, sitting with Minister Laxmi Narayan...That's his voter ID in UP, and that's his voter ID in Haryana.… pic.twitter.com/lzL8iCeSGu

— ANI (@ANI) November 5, 2025

રાહુલ ગાંધીએ દાવા સાથે કહ્યું કે હજારો ભાજપના મતદારો, ભાજપના નેતાઓ ઉત્તર પ્રદેશ અને હરિયાણામાં મતદાન કરી રહ્યા છે. તેમણે એક ઉદાહરણ આપતા કહ્યું, "આ દાલચંદ છે, ભાજપના સરપંચ, જે મંત્રી લક્ષ્મી નારાયણ સાથે બેઠા છે... આ તેમનું ઉત્તર પ્રદેશનું મતદાર ઓળખ કાર્ડ છે, અને આ હરિયાણાનું છે. આ જ વ્યક્તિનો દીકરો યશવીર પણ હરિયાણા અને ઉત્તર પ્રદેશમાં ભાજપને મત આપે છે... તો, તમારી પાસે એક ભાજપના નેતા છે જે ઉત્તર પ્રદેશ અને હરિયાણા બંનેમાં મતદાન કરી રહ્યા છે."

100% પુરાવા સાથે આક્ષેપો: રાહુલ – Rahul Gandhi press conference

રાહુલ ગાંધીએ આરોપ લગાવ્યો કે હરિયાણામાં હજારો મતો નકલી મતદારોએ આપ્યા છે. તેમણે કહ્યું, "હું ઈચ્છું છું કે ભારતના યુવાનો, જનરેશન Z આને સારી રીતે સમજી લે, કારણ કે આ તમારા ભવિષ્યનો સવાલ છે... હું ચૂંટણી પંચ અને ભારતની લોકતાંત્રિક પ્રક્રિયા પર સવાલ ઉઠાવી રહ્યો છું, તેથી હું આ 100% પુરાવા સાથે કરી રહ્યો છું. અમને સંપૂર્ણ ખાતરી છે કે કોંગ્રેસની જંગી જીતને હારમાં ફેરવવાની યોજના બનાવવામાં આવી હતી... કૃપા કરીને તેમના (મુખ્યમંત્રી નાયબ સૈની)ના ચહેરા પરની મુસ્કાન અને તે 'વ્યવસ્થા' પર ધ્યાન આપો જેની તેઓ વાત કરી રહ્યા છે."

#WATCH | Delhi: Lok Sabha LoP Rahul Gandhi says, "Why is EC not removing duplicates? Because if they remove duplicates, there will be fair elections. If they ensure that there is one entry, one picture, there's a fair election. And EC doesn't want fair elections." pic.twitter.com/EHCwos5Xrc

— ANI (@ANI) November 5, 2025

રાહુલ ગાંધીએ દાવો કર્યો કે ચૂંટણીના બે દિવસ પછી બધા કહી રહ્યા હતા કે કોંગ્રેસ ભારે જીત મેળવી રહી છે. તેમણે ઉમેર્યું, "બધા (એક્ઝિટ) પોલ હરિયાણામાં કોંગ્રેસની જીત તરફ ઈશારો કરી રહ્યા હતા... બીજી વાત જે અમારા માટે આશ્ચર્યજનક હતી, તે એ હતી કે હરિયાણાના ચૂંટણી ઇતિહાસમાં પ્રથમ વખત, પોસ્ટલ બેલેટ વાસ્તવિક મતદાનથી અલગ હતા... હરિયાણામાં આવું પહેલા ક્યારેય બન્યું ન હતું. જ્યારે મેં પહેલીવાર આ માહિતી જોઈ, જે તમે જોવા જઈ રહ્યા છો, ત્યારે મને વિશ્વાસ ન આવ્યો. હું આઘાતમાં હતો... મેં ટીમને ઘણી વખત ક્રોસ-ચેક કરવા કહ્યું..."

આ પણ વાંચો : મિર્ઝાપુર: દેવ દીવાળી માટે જતી 8 મહિલા શ્રદ્ધાળુઓ ટ્રેનની અડફેટમાં મોત