Rajouri News : ઓપરેશન શેરુવાલી દરમિયાન 30 મીટર ઊંડી ખાઈમાં પડતા લેફ્ટનન્ટનું નિધન

Rajouri News : ઓપરેશન શેરુવાલી દરમિયાન બન્યો અકસ્માત

આ અધિકારી રાજૌરીના ડોરીમલ અને ગંભીર મુગલાન પટ્ટામાં છેલ્લા 15 દિવસથી ચાલી રહેલા 'ઓપરેશન શેરુવાલી' (Operation Sheruwali) નો ભાગ હતા. સુરક્ષા દળોને રાજૌરીના જંગલોમાં આતંકવાદીઓ છુપાયા હોવાના ચોક્કસ ઇનપુટ્સ મળ્યા હતા, જેના પગલે સેના, પોલીસ અને અર્ધલશ્કરી દળો દ્વારા સંયુક્ત સર્ચ ઓપરેશન હાથ ધરવામાં આવ્યું હતું. શનિવારે સાંજે ઓપરેશન દરમિયાન લેફ્ટનન્ટનું સંતુલન બગડતા તેઓ ખાઈમાં ગબડી પડ્યા હતા. સાથી સૈનિકોએ તાત્કાલિક બચાવ કામગીરી હાથ ધરી હતી, પરંતુ ગંભીર ઈજાઓને કારણે તેમનું કરુણ મૃત્યુ થયું હતું.

સર્ચ ઓપરેશન યથાવત

શહીદ અધિકારીનો મૃતદેહ સુરક્ષિત રીતે બહાર કાઢવામાં આવ્યો છે. જમ્મુમાં સૈન્ય સન્માન સાથે અંતિમ સંસ્કાર યોજાશે. બીજી તરફ, સેનાએ રાજૌરીના જંગલોમાં આતંકવાદીઓની શોધખોળ વધુ તેજ બનાવી છે. દુર્ગમ ભૌગોલિક પરિસ્થિતિઓ વચ્ચે પણ ડ્રોન (Drone Surveillance) અને અદ્યતન ટેકનોલોજીની મદદથી આતંકવાદીઓને શોધી કાઢવા માટે વધારાના સૈનિકો તૈનાત કરવામાં આવ્યા છે.

આ પણ વાંચો : Youtuber Rachna Gurjar ના ઘરે ચોરી, સોનું-રોકડ સાથે એનર્જી ડ્રિંકની પેટી પણ ના છોડી !