Republic Day 2026 : દેશ 26 જાન્યુઆરી 2026ના રોજ પોતાનો 77મો પ્રજાસત્તાક દિવસ ઉજવવા જઈ રહ્યો છે. આ વર્ષની પરેડમાં એક ખાસ આકર્ષણ હશે રાષ્ટ્રીય ગીત 'વંદે માતરમ'ની નવી ધૂન. આ ગૌરવશાળી ધૂનને ઓસ્કર વિજેતા સંગીતકાર એમ.એમ. કીરાવાણી-M. M. Keeravani એ તૈયાર કરી છે.

Republic Day 2026-'વંદે માતરમ' ના 150 વર્ષ અને કીરાવાણીનું યોગદાન

રાષ્ટ્રીય ગીત 'વંદે માતરમ'-'Vande Mataram ના 150 વર્ષ પૂર્ણ થવા જઈ રહ્યા છે. આ ઐતિહાસિક અવસર પર સંસ્કૃતિ મંત્રાલય દ્વારા એમ.એમ. કીરાવાણીને પ્રજાસત્તાક દિવસની પરેડ માટે વિશેષ સંગીત રચના કરવાની જવાબદારી સોંપવામાં આવી છે.

કીરાવાણીએ સોશિયલ મીડિયા પ્લેટફોર્મ 'X' પર આ અંગે ખુશી વ્યક્ત કરતા લખ્યું હતું કે:

"પ્રિય સાથીઓ, વંદે માતરમ! ગીત 'વંદે માતરમ'ની 150મી વર્ષગાંઠના શુભ અવસરે, સંસ્કૃતિ મંત્રાલય અંતર્ગત 26 જાન્યુઆરીની પરેડ માટે સંગીત રચવાનું સૌભાગ્ય મને મળ્યું છે. આ ભવ્ય પ્રસ્તુતિ દેશભરના 2500 કલાકારો દ્વારા રજૂ કરવામાં આવશે. ચાલો, સાથે મળીને વંદે માતરમનો ઉત્સવ ઉજવીએ."

Republic Day 2026 -કોણ છે એમ.એમ. કીરાવાણી?

એમ.એમ. કીરાવાણી એવા સંગીતકારોમાંના એક છે જેમણે ભારતીય સંગીતને વૈશ્વિક સ્તરે ખ્યાતિ અપાવી છે. તેમનું પૂરું નામ કોદુરી મારા કથમની કીરાવાણી છે. તેઓ માત્ર સંગીતકાર જ નહીં, પણ એક કુશળ ગાયક અને ગીતકાર પણ છે.

તેમણે મુખ્યત્વે તેલુગુ સિનેમામાં કામ કર્યું છે, પરંતુ હિન્દી (જ્યાં તેઓ એમ.એમ. કરીમ તરીકે ઓળખાય છે), તમિલ, કન્નડ અને મલયાલમ ફિલ્મોમાં પણ અદભૂત સંગીત આપ્યું છે.

સન્માન અને સિદ્ધિઓ: પદ્મશ્રીથી ઓસ્કર સુધી

કીરાવાણીની કારકિર્દી અનેક આંતરરાષ્ટ્રીય પુરસ્કારોથી ભરેલી છે:

• ઓસ્કર અને ગોલ્ડન ગ્લોબ: ફિલ્મ 'RRR' ના ગીત 'નાટુ નાટુ' માટે તેમને ઓસ્કર અને ગોલ્ડન ગ્લોબ એવોર્ડ મળ્યો હતો.

• પદ્મશ્રી: ભારત સરકારે વર્ષ 2023 માં તેમને દેશના ચોથા સર્વોચ્ચ નાગરિક સન્માન 'પદ્મશ્રી' થી નવાજ્યા હતા.

• તેમને આ સિવાય ક્રિટિક્સ ચોઈસ એવોર્ડ, અનેક ફિલ્મફેર અને નંદી એવોર્ડ્સ પણ મળ્યા છે.

પારિવારિક પૃષ્ઠભૂમિ અને પ્રારંભિક જીવન

તેમનો જન્મ 4 જુલાઈ 1961ના રોજ આંધ્રપ્રદેશના કોવ્વુરમાં થયો હતો. સંગીત તેમને વારસામાં મળ્યું છે, કારણ કે તેમના પિતા કોડ્ડુરી શિવ શક્તિ દત્તા એક જાણીતા ગીતકાર અને પટકથા લેખક હતા. પ્રખ્યાત દિગ્દર્શક એસ.એસ. રાજામૌલી અને સંગીતકાર એમ.એમ. શ્રીલેખા તેમના પિતરાઈ ભાઈ-બહેન છે.

સંઘર્ષ અને બોલિવૂડમાં સફળતા

કીરાવાણીએ 1987માં સહાયક સંગીત નિર્દેશક તરીકે કારકિર્દીની શરૂઆત કરી હતી. જોકે, તેમને ખરી સફળતા 1991માં રામ ગોપાલ વર્માની ફિલ્મ 'ક્ષણ ક્ષણમ' થી મળી.

બોલિવૂડમાં તેમણે 1994માં ફિલ્મ 'ક્રિમિનલ' થી ડેબ્યૂ કર્યું હતું. હિન્દી સિનેમામાં તેમણે 'જખ્મ', 'સાયા', 'સુર', 'જિસ્મ' અને 'પહેલી' જેવી ફિલ્મોમાં અમર સંગીત આપ્યું છે. તેમના લોકપ્રિય ગીતોમાં નીચેનાનો સમાવેશ થાય છે:

• ગલી મેં આજે ચાંદ નિકલા

• જાદુ હૈ નશા હૈ

• આવારાપન બંજારાપન

આ પણ વાંચો : Jagannath Temple Bomb Threat : પુરીમાં વિશ્વપ્રસિદ્ધ શ્રી જગન્નાથ મંદિરને બોમ્બથી ઉડાવી દેવાની મળી ધમકી