India-US Bilateral Talks : ટ્રમ્પના 'ટેરિફ વોર' વચ્ચે વિદેશ મંત્રી એસ. જયશંકરની મહત્વપૂર્ણ એમેરિકાની મુલાકાત
- વિદેશ મંત્રી એસ. જયશંકર ત્રણ દિવસની અમેરિકાની મુલાકાતે રવાના (India-US Bilateral Talks0
- યુએસ સેક્રેટરી ઓફ સ્ટેટ માર્કો રુબિયો સાથે યોજાશે દ્વિપક્ષીય બેઠક
- મહત્વપૂર્ણ ખનિજ પુરવઠા અને સ્વચ્છ ઉર્જા મુદ્દે મંત્રી સ્તરીય મંથન
- ટ્રમ્પ સરકારે લાદેલા 50% ટેરિફ અને ડ્યુટી મુદ્દે ચર્ચાની શક્યતા
ભારત અને અમેરિકા વચ્ચેના વ્યાપારી અને રાજદ્વારી તણાવ વચ્ચે વિદેશ મંત્રી એસ. જયશંકર (S. Jaishankar) સોમવારથી ત્રણ દિવસીય અમેરિકાની સત્તાવાર મુલાકાતે રવાના થયા છે. આ મુલાકાત બંને વ્યૂહાત્મક ભાગીદારો વચ્ચે તાજેતરમાં સર્જાયેલી ખેંચતાણને ઓછી કરવા માટે અત્યંત નિર્ણાયક માનવામાં આવી રહી છે.
India-US Bilateral Talks : મહત્વપૂર્ણ ખનિજ બેઠકમાં સહભાગી
મુલાકાત દરમિયાન, એસ. જયશંકર અમેરિકાની અધ્યક્ષતામાં યોજાનારી મંત્રી સ્તરની બેઠક (Ministerial Meeting) માં હાજરી આપશે. આ બેઠક ખાસ કરીને મહત્વપૂર્ણ ખનિજ પુરવઠા શૃંખલા (Critical Mineral Supply Chains) પર કેન્દ્રિત હશે. આ મિશનનો મુખ્ય ઉદ્દેશ્ય સપ્લાય ચેઇનની મજબૂતી, સ્વચ્છ ઉર્જા સંક્રમણ અને વ્યૂહાત્મક સંસાધનોમાં પરસ્પર સહયોગ વધારવાનો છે.
EAM Jaishankar to attend Critical Minerals Ministerial in US from February 2-4
Read @ANI Story I https://t.co/9csxTCfl0o#EAMJaishankar #UnitedStates #CriticalMineralsMinisterial pic.twitter.com/2eaTBemLUf
— ANI Digital (@ani_digital) February 2, 2026
માર્કો રુબિયો સાથે દ્વિપક્ષીય વાટાઘાટો
ભારતીય વિદેશ મંત્રી યુએસ સેક્રેટરી ઓફ સ્ટેટ માર્કો રુબિયો (Marco Rubio) અને ટ્રમ્પ વહીવટીતંત્રના વરિષ્ઠ અધિકારીઓ સાથે વન-ટુ-વન બેઠક કરશે. વિદેશ મંત્રાલય (Ministry of External Affairs - MEA) ના જણાવ્યા અનુસાર, આ બેઠકોમાં ભારત અને અમેરિકાના દ્વિપક્ષીય સંબંધોના તમામ પાસાઓ પર ચર્ચા કરવામાં આવશે.
ટેરિફ અને ઇમિગ્રેશન મુદ્દે સર્જાયેલો તણાવ
નોંધનીય છે કે, રાષ્ટ્રપતિ ડોનાલ્ડ ટ્રમ્પ (Donald Trump) દ્વારા ભારતીય સામાન પર 50% સુધીના ટેરિફ (Import Tariff) લાદ્યા બાદ બંને દેશોના સંબંધોમાં ખટાશ આવી છે. રશિયા પાસેથી ક્રૂડ ઓઇલ (Russian Crude Oil) ખરીદવા બદલ પણ ભારતે વધારાની ડ્યુટીનો સામનો કરવો પડ્યો છે. આ સિવાય, અમેરિકાની નવી ઇમિગ્રેશન નીતિ (Immigration Policy) અને ભારત-પાકિસ્તાન મુદ્દે ટ્રમ્પના નિવેદનોએ પણ તણાવમાં વધારો કર્યો છે. આ મુલાકાત આ તમામ વિવાદિત મુદ્દાઓ પર 'આઈસ બ્રેકર' સાબિત થઈ શકે છે.
આ પણ વાંચો: Mamata Banerjee Cec : મમતા બેનર્જીનો ગંભીર આરોપ, ચૂંટણી પંચ ભાજપના ઈશારે કામ કરે છે!