Meerut : એક બીજાને મળવા તડપી રહ્યા છે સાહિલ અને મુસ્કાન, અધિકારીઓએ માંગણી ન સ્વીકારી

• સાહિલ અને મુસ્કાન જેલમાં એકબીજાને મળવા તડપી રહ્યા છે
• જેલ મેન્યુઅલ મુજબ આ શક્ય નથી
• બંનેએ અલગ-અલગ બેરેકમાં જ રહેવુ પડશે

Meerut News: સૌરભ મર્ડર કેસમાં સાહિલ અને મુસ્કાન બંને હાલ જેલમાં બંધ છે. જેલમાં બંને એકબીજાને મળવા તડપી રહ્યા છે, પરંતુ જેલ પ્રશાસને સ્પષ્ટ કર્યું છે કે નિયમો મુજબ આ શક્ય નથી. જેલ અધિકારીઓનું કહેવું છે કે જેલના નિયમોને ધ્યાનમાં રાખીને જ કોઈપણ કેદીની માંગણી પર વિચાર કરવામાં આવે છે. હાલ પૂરતું, મુસ્કાન અને સાહિલને અલગ બેરેકમાં રહેવું પડશે અને સજા ભોગવવી પડશે.

એક જ બેરેકમાં રહેવાની વિનંતી કરી

મેરઠના મર્ડર કેસે દેશમાં સૌ કઈને ચોંકાવી દીધા છે. આરોપી મુસ્કાને તેના પ્રેમી સાથે મળીને તેના પતિ સૌરભની બેરહેમીથી હત્યા કરી હતી, આ મર્ડરના કેસમાં મુસ્કાન અને તેનો પ્રેમી સાહિલ હાલ મેરઠ જિલ્લા જેલમાં બંધ છે. જોકે, બંનેને અલગ-અલગ બેરેકમાં રાખવામાં આવ્યા છે, જેના કારણે તેઓ એકબીજાને મળી શકતા નથી. એવું કહેવામાં આવી રહ્યું છે કે બંનેએ જેલ પ્રશાસનને એક જ બેરેકમાં રહેવાની વિનંતી કરી હતી, પરંતુ જેલ મેન્યુઅલ મુજબ આ શક્ય નથી. જેથી, જેલ પ્રશાસને બંનેને અલગ-અલગ બેરેકમાં રાખ્યા છે. જેલ અધિકારીઓનું કહેવું છે કે જેલના નિયમો અનુસાર, કોઈપણ કેદીની માંગણી પર વિચાર કરવામાં આવે છે. મુસ્કાન અને સાહિલને અલગ બેરેકમાં જ રહેવું પડશે અને સજા ભોગવવી પડશે.

જેલ પ્રશાસને બંનેને કામ સોંપ્યા

જેલમાં દરેક કેદીઓને અલગ અલગ કામ સોંપવામાં આવે છે. મેરઠ જિલ્લા જેલ પ્રશાસને જેલના નિયમો અનુસાર મુસ્કાન અને સાહિલને પણ કામ સોંપી દીધુ છે. બંનેએ પોતાની રુચિ મુજબ જેલની અંદર કામ કરવાની ઇચ્છા પણ વ્યક્ત કરી હતી, જેને જેલ પ્રશાસને સ્વીકારી લીધી છે. મુસ્કાને સીવણ અને ભરતકામ શીખવાની માંગ કરી, જ્યારે સાહિલે ખેતી કરવાની ઇચ્છા વ્યક્ત કરી. જેલ પ્રશાસનના જણાવ્યા અનુસાર, બંનેને તેમની રુચિ અનુસાર કામમાં લગાવવામાં આવશે.

આ પણ વાંચો :  Jharkhand ના સાહિબગંજમાં બે માલગાડીઓ વચ્ચે ટક્કર, 3 લોકોના મોત , 4 ઘાયલ

મુસ્કાને સીવણ શીખવાની ઇચ્છા વ્યક્ત કરી

મુસ્કાને જેલ પ્રશાસન સમક્ષ સીવણ અને ભરતકામ શીખવાની ઇચ્છા વ્યક્ત કરી હતી. વહીવટીતંત્રે તેણીને આ માટે તાલીમ આપવાની પરવાનગી આપી દીધી છે. તેણીને જેલમાં જ સીવણની સંપૂર્ણ તાલીમ આપવામાં આવશે જેથી તે આ કૌશલ્યમાં નિપુણ બની શકે. તાલીમ પૂર્ણ કર્યા પછી, મુસ્કાન વિવિધ કપડાં સીવી શકશે, જે ભવિષ્યમાં તેને રોજગારની તકો આપી શકે છે.

સાહિલે ખેતી કરવાની ઇચ્છા વ્યક્ત કરી

સાહિલે ખેતી કરવાની ઇચ્છા વ્યક્ત કરી હતી, જેને વહીવટીતંત્રે સ્વીકારી લીધી છે. હવે તેને શાકભાજી અને ફળો ઉગાડવાની તાલીમ આપવામાં આવશે. તે જેલ પરિસરની અંદર આવેલા ખેતરોમાં કામ કરશે અને તેના દ્વારા ઉગાડવામાં આવતી શાકભાજીનો ઉપયોગ જેલના અન્ય કેદીઓના ખોરાક માટે કરવામાં આવશે. બદલામાં, તેને દરરોજ 50 રૂપિયાનું વેતન મળશે.

આ પણ વાંચો :  નવા નાણાકીય વર્ષના પ્રથમ દિવસે જ રાહત, LPG સિલિન્ડરના ભાવમાં થયો ઘટાડો

બંને 1 એપ્રિલથી કામ શરૂ કરશે

મેરઠ જિલ્લા જેલના સિનિયર જેલ અધિક્ષક, વિરેશે રાજ શર્માએ જણાવ્યું કે જેલના નિયમો મુજબ, કોઈપણ કેદીને જેલમાં 10 દિવસ પૂર્ણ થયા પછી કામ ફાળવવામાં આવે છે. મુસ્કાન અને સાહિલ બંને હવે 1 એપ્રિલથી કામ શરૂ કરશે. આ પ્રક્રિયા જેલ સુધારણા પ્રણાલીનો એક ભાગ છે, જેનો ઉદ્દેશ્ય કેદીઓને કૌશલ્ય પ્રદાન કરવાનો અને તેમને વ્યસ્ત રાખવાનો છે.

જેલમાં કેદીઓને વિવિધ પ્રકારના કામો આપવામાં આવે છે. જેમ કે સીવણ, સુથારીકામ, મૂર્તિકામ વગેરે. આ એવા કામો છે જેમાં કૌશલ્યની જરૂર હોય છે. જ્યારે અમુક કામો કોઈપણ તાલીમ વિના કરી શકાય છે, જેમ કે સફાઈ, ખેતી વગેરે. જેલમાં કેદીઓને નવા કૌશલ્યોની તાલીમ આપવામાં આવે છે જેથી તેઓ ભવિષ્યમાં આત્મનિર્ભર બની શકે.

સાહિલને ખેતીકામ પર મૂકવામાં આવ્યો છે, જેને જેલના નિયમો હેઠળ "બિન-કુશળ કામદાર" ગણવામાં આવે છે. બદલામાં, તેને દરરોજ 50 રૂપિયાનું વેતન મળશે. જો તે ખેતી કરી શકતો નથી, તો તેને બીજા કોઈ કામમાં રાખવામાં આવશે. બીજી બાજુ, મુસ્કાને સીવણ અને ભરતકામ શીખવાનું પસંદ કર્યું છે. આ તાલીમ કાર્યની શ્રેણીમાં આવતું હોવાથી, તેને તેના માટે કોઈ વેતન મળશે નહીં. જોકે, એકવાર તે સીવણકામમાં સંપૂર્ણપણે નિપુણ થઈ જાય અને કપડાં સીવવાનું શરૂ કરી દે, પછી તેનો પગાર ચૂકવવાની વ્યવસ્થા કરી શકાય છે.

આ પણ વાંચો :  દેશભરમાં આજથી થઈ શકે છે મોટા ફેરફાર ! જાણો તમારા ખિસ્સા પર કેટલી પડશે અસર