Meerut માં ચોંકાવનારો કિસ્સો: યુવકનો દાવો, ભાઈ-ભાભીએ છેતરી 25 વર્ષ મોટી વિધવા સાથે કરાવ્યા લગ્ન

• મેરઠની આશ્ચર્યજનક ઘટના
• ભાભીએ દિયરને છેતર્યો
• 25 વર્ષ મોટી વિધવા સાથે કરાવ્યા લગ્ન

A strange case in Meerut: યુવાન અઝીમે તેના ભાઈ અને ભાભી પર તેના કરતા 25 વર્ષ મોટી મહિલા સાથે લગ્ન કરવા દબાણ કરવાનો અને ધમકી આપવાનો આરોપ લગાવ્યો. એસએસપીને મળ્યા અને ન્યાય માટે અપીલ કરી, પોલીસ તપાસમાં લાગી ગઈ છે.

આ દિવસોમાં ઉત્તર પ્રદેશમાં વિચિત્ર કિસ્સાઓ પ્રકાશમાં આવી રહ્યા છે. આ સંબંધમાં તાજેતરનો કિસ્સો મેરઠથી પ્રકાશમાં આવ્યો છે. અહીં બ્રહ્મપુરી પોલીસ સ્ટેશન વિસ્તારમાં, એક યુવકે પોતાની ભાભી અને ભાઈ પર ગંભીર આરોપો લગાવીને ન્યાયની માંગણી કરી છે. યુવકે આરોપ લગાવ્યો કે તેના ભાઈ અને ભાભીએ તેને 25 વર્ષ મોટી વિધવા મહિલા સાથે લગ્ન કરાવવા માટે છેતરપિંડી કરી હતી અને જો તે વિરોધ કરશે તો તેને બળાત્કારના કેસમાં ફસાવી દેવાની ધમકી આપી હતી. બુધવારે, યુવક એસએસપીને મળવા અને મદદ માંગવા ગયો. પોલીસે હવે આ મામલાની તપાસ શરૂ કરી છે.

હવે જાણો આખો મામલો

ખરેખર, આ મામલો મેરઠના બ્રહ્મપુરી પોલીસ સ્ટેશન વિસ્તારનો છે, જ્યાં તારાપુરીનો રહેવાસી અઝીમ નામનો યુવક બુધવારે મેરઠ એસએસપી ઓફિસ પહોંચ્યો અને અરજી સબમિટ કરી. અઝીમ કહે છે કે તેના માતા-પિતાનું અવસાન થઈ ગયું છે અને તે તેના મોટા ભાઈ નદીમ અને ભાભી શૈદા સાથે તેના પૈતૃક ઘરમાં રહે છે.

અઝીમે અરજીમાં શું કહ્યું?

અરજીમાં, અઝીમે આરોપ લગાવ્યો હતો કે 31 માર્ચ, 2025 ના રોજ, ઈદના દિવસે, તેની ભાભી શૈદાએ તેને એવુ કહી ફઝલપુર બોલાવ્યો કે તેના લગ્ન ભાભીની મોટી વિધવા બહેન તાહિરાની પુત્રી મંતશા સાથે કરાવવાના છે. અઝીમે ભાભી પર વિશ્વાસ કરી લીધો ભાભીએ તેને છોકરી પણ બતાવી, ત્યારબાદ તે લગ્ન માટે સંમત થઈ ગયો અને તે જ સાંજે લગ્ન નક્કી થયા.

આ પણ વાંચો :  દિલ્હીના શક્તિ વિહારમાં 4 માળની ઇમારત ધરાશાયી, બે ડઝન લોકો ફસાયા હોવાની આશંકા

અઝીમને પણ માર મારવામાં આવ્યો

જ્યારે મૌલાનાએ ફઝલપુરની મોટી મસ્જિદમાં નિકાહ પઢવાનું શરૂ કર્યું, ત્યારે અઝીમને ખબર પડી કે તેના લગ્ન મંતશા સાથે નહીં પણ ભાભીની વિધવા માતા તાહિરા સાથે થઈ રહ્યા છે, જે તેના કરતા 25 વર્ષ મોટી છે. જ્યારે અઝીમે વિરોધ કર્યો, ત્યારે તેના ભાઈ નદીમ, ભાભી શૈદા અને પરિવારના અન્ય સભ્યોએ તેને માર માર્યો અને ધમકી આપી કે જો તે કોઈને ફરિયાદ કરશે તો તેને ખોટા બળાત્કારના કેસમાં ફસાવી દેવામાં આવશે.

મને સતત હેરાન કરવામાં આવી રહ્યો છે: અઝીમ

યુવકે આરોપ લગાવ્યો કે ત્યારથી તેને સતત હેરાન કરવામાં આવી રહ્યો હતો અને તે માનસિક રીતે ખુબ જ પરેશાન છે. અઝીમ કહે છે કે તેને ન્યાય મળવો જોઈએ અને ગુનેગારો સામે કડક કાર્યવાહી થવી જોઈએ. મામલાની ગંભીરતાને ધ્યાનમાં રાખીને, ઉચ્ચ અધિકારીઓએ સંબંધિત પોલીસ સ્ટેશનને તપાસ કરીને કાર્યવાહી કરવાનો નિર્દેશ આપ્યો છે.

આ પણ વાંચો :  Delhi Rain :દિલ્હીમાં ભારે પવન સાથે ધોધમાર વરસાદ!