Shopian Encounter: શોપિયાં એન્કાઉન્ટર, સુરક્ષા દળોએ લશ્કર-એ-તૈયબાના ટોચના કમાન્ડર ઝાકિર ગનાઈને ઠાર કર્યો

Shopian Encounter: શોપિયાંમાં આતંકવાદ વિરોધી સફળ ઓપરેશન

ઉલ્લેખનીય છે કે, જમ્મુ-કાશ્મીરના શોપિયાં જિલ્લામાં છેલ્લા ચાર દિવસથી સુરક્ષા દળોનું અભિયાન ચાલુ હતું. શનિવારે સીસીટીવી ફૂટેજમાં બે આતંકવાદીઓ જોવા મળ્યા હતા, ત્યારબાદ સુરક્ષા દળોએ તુરંત કાર્યવાહી શરૂ કરી હતી. મીમંદર વિસ્તારના ગીચ બગીચાઓને સુરક્ષા દળોએ ચારે બાજુથી ઘેરી લીધા હતા. અંતે બુધવારે ચાનપોરા ગામમાંથી લશ્કરના ટોચના કમાન્ડર ઝાકિર ગનાઈનો મૃતદેહ હથિયારો સાથે મળી આવ્યો હતો.

Shopian Encounter: આતંકવાદીઓની ઓળખ અને પૃષ્ઠભૂમિ

મળતી માહિતી મુજબ, સુરક્ષા એજન્સીઓએ માર્યા ગયેલા આતંકવાદીઓની ઓળખ ઝાકિર અને લતીફ તરીકે કરી હતી. આ બંને આતંકવાદીઓ દક્ષિણ કાશ્મીરના કુલગામ જિલ્લાના વતની હતા. ઝાકિર વર્ષ 2024 થી પ્રતિબંધિત સંગઠન લશ્કર-એ-તૈયબા સાથે સક્રિય રીતે જોડાયેલો હતો. લતીફ છેલ્લા એક વર્ષથી આ સંગઠનમાં સામેલ થયો હતો. સુરક્ષા દળોએ ઓપરેશન દરમિયાન ભારે ગોળીબારનો સામનો કરીને આ આતંકવાદીઓને ઘેરી લીધા હતા.

સેના અને સુરક્ષા દળોની ચોકસાઈ

ઘર્ષણની શરૂઆત ત્યારે થઈ જ્યારે આતંકવાદીઓએ સેનાની ટીમ પર અચાનક ગોળીબાર કર્યો હતો. સુરક્ષા દળોએ જવાબી કાર્યવાહી કરીને આ વિસ્તારમાં આતંકવાદીઓને ફસાવી દીધા હતા. સેના, જમ્મુ-કાશ્મીર પોલીસ અને સીઆરપીએફએ ઓપરેશનને અંજામ આપવા માટે રાત-દિવસ એક કર્યા હતા. બગીચાઓની અંદર છુપાયેલા આતંકવાદીઓ બહાર નીકળી શકે નહીં તેવી રીતે સમગ્ર વિસ્તારને સીલ કરી દેવામાં આવ્યો હતો.

દક્ષિણ કાશ્મીરમાં શાંતિની દિશામાં પગલું

ઝાકિર ગનાઈનું માર્યા જવું એ સુરક્ષા એજન્સીઓ માટે મોટી સિદ્ધિ છે. આ કાર્યવાહી બાદ આસપાસના વિસ્તારોમાં હજુ પણ સર્ચ ઓપરેશન ચાલુ રાખવામાં આવ્યું છે. સુરક્ષા દળોએ સ્પષ્ટ કર્યું છે કે કાશ્મીરમાં આતંકવાદને જડમૂળથી નાબૂદ કરવા માટે આ પ્રકારના અભિયાન ચાલુ રહેશે. સમગ્ર વિસ્તારમાં હવે શાંતિ અને સુરક્ષાનું વાતાવરણ જાળવવા માટે વધારાનો બંદોબસ્ત પણ કરવામાં આવ્યો છે.

આ પણ વાંચો---- Kishanganj Murder Case : પત્નીએ જ પ્રેમી સાથે મળીને પતિની કરી ક્રૂર હત્યા, 36 કલાકમાં જ ખુલ્યુ રહસ્ય