Sonia Gandhi on Khamenei: ખામેનીના મોત પર PM મોદીના મૌન પર સોનિયા ગાંધીએ કર્યા આકરા પ્રહાર

Sonia Gandhi on Khamenei: સોનિયા ગાંધીનો લેખ અને સરકાર પર પ્રહાર

એક અગ્રણી અંગ્રેજી અખબારમાં પ્રકાશિત લેખમાં સોનિયા ગાંધીએ જણાવ્યું હતું કે, જ્યારે વિશ્વના એક મોટા નેતાની હત્યા કરવામાં આવે ત્યારે ભારત જેવો દેશ મૌન રહે તે આંતરરાષ્ટ્રીય કાયદાનું (International Law) અપમાન છે. તેમણે લખ્યું, "ચાલુ વાટાઘાટો દરમિયાન રાજ્યના વડાની હત્યા સમકાલીન આંતરરાષ્ટ્રીય સંબંધોમાં ઊંડો ઘા છે. ભારતનું મૌન તટસ્થ વલણ નથી પણ તેની નૈતિક જવાબદારીનું ઉલ્લંઘન છે."

“When the targeted killing of a foreign leader draws no clear defence of sovereignty or international law from our country, and impartiality is abandoned, it raises serious doubts about the direction and credibility of our foreign policy. Silence, in this instance, is not… pic.twitter.com/LJECs5jPHR

— Rahul Gandhi (@RahulGandhi) March 3, 2026

સંસદમાં ચર્ચાની માંગ

સોનિયા ગાંધીએ માંગ કરી છે કે જ્યારે બજેટ સત્રના (Budget Session) બીજા ભાગ માટે સંસદ ફરી શરૂ થાય, ત્યારે આ વૈશ્વિક અસ્થિરતા અને સરકારના "ખલેલ પહોંચાડતા મૌન" પર ખુલ્લી અને નિષ્પક્ષ ચર્ચા થવી જોઈએ. તેમણે આક્ષેપ કર્યો હતો કે પીએમ મોદીએ (PM Modi) માત્ર યુએઈ (UAE) પર ઈરાનના વળતા હુમલાની નિંદા કરી, પરંતુ તે પહેલાની ગંભીર ઘટનાઓને નજરઅંદાજ કરી છે.

રાહુલ ગાંધીએ પણ સરકારને આડે હાથ લીધી

લોકસભામાં વિપક્ષના નેતા રાહુલ ગાંધીએ (Rahul Gandhi) પણ સોનિયા ગાંધીના લેખને સમર્થન આપતા સોશિયલ મીડિયા પ્લેટફોર્મ X પર લખ્યું કે, "મૌન એ તટસ્થતા નથી." તેમણે ભારપૂર્વક જણાવ્યું કે જ્યારે ભારત સાર્વભૌમત્વ (Sovereignty) કે આંતરરાષ્ટ્રીય કાયદાનો બચાવ કરવામાં નિષ્ફળ જાય છે, ત્યારે તે વિશ્વને ખોટો સંદેશ આપે છે. ભારતે હંમેશા શાંતિ અને નૈતિક શક્તિ માટે ઉભા રહેવું જોઈએ.

આ પણ વાંચો:  India Canada Strategic Partnership : પીએમ મોદીનો માસ્ટરસ્ટ્રોક, કેનેડા સાથે પરમાણુ કરાર અને 2030 સુધીમાં કરોડોનો વ્યાપાર