• રાજસ્થાનના ભીલવાડામાં આંધી-તોફાનનો કહેર
• તેજ આંધીમાં ઉડ્યો ભીલવાડાનો ટોલ પ્લાઝા
• જિવાલિયા ટોલ નાકા પરનો શેડ હવામાં ઉડ્યો
• વાનમાં સવાર એક વ્યક્તિને દુર્ઘટનામાં ઈજાઓ
• આંધીના કારણે ટોલ પ્લાઝા પર અફરાતફરી મચી

Rajasthan Toll Plaza Viral Video : રાજસ્થાનના ભીલવાડા જિલ્લામાં 28 મે 2025ના રોજ સાંજના સમયે અચાનક આવેલા તોફાને ભારે તબાહી મચાવી હતી. દિવસભરની ગરમી અને ઉકળાટ બાદ આવેલા આ વાવાઝોડાએ બ્યાવર-ભીલવાડા રાષ્ટ્રીય ધોરીમાર્ગ (NH-158) પર આવેલા જિવાલિયા ટોલ નાકા પર ભારે નુકસાન પહોંચાડ્યું. ભારે પવનના ઝપાટે ટોલ પ્લાઝા પરનું લોખંડનું શેડ ઉખડીને હવામાં ઉડી ગયું, જેના કારણે ટોલ ચૂકવવા માટે કતારમાં ઊભેલા વાહનોને નુકસાન થયું અને એક વ્યક્તિ ઘાયલ થયો. આ ઘટનાએ ટોલ પ્લાઝા પર અફરાતફરીનો માહોલ સર્જ્યો, પરંતુ ગનીમત રહી કે કોઈ જાનહાનિ થઈ નહીં.

અડધો ડઝન વાહનોના કાચ તૂટી ગયા

નૌતાપામાં ગરમીનો કહેર ચાલુ છે. દિવસભર ભેજ અને તીવ્ર ગરમીને કારણે સામાન્ય જનજીવન પ્રભાવિત થતું જોવા મળી રહ્યું છે. રાજસ્થાનના ભીલવાડા જિલ્લામાં બુધવારે તીવ્ર ભેજ અને ગરમી બાદ સાંજે હવામાનમાં અચાનક પલટો આવ્યો. ભીલવાડા જિલ્લાના આસિંદ વિસ્તારમાં જોરદાર વાવાઝોડા સાથે ભારે વરસાદ પડ્યો, જેના કારણે બ્યાવર-ભીલવાડા રાષ્ટ્રીય ધોરીમાર્ગ પર જીવલિયા ગામ નજીક ટોલ પ્લાઝા ઉપરનો શેડ ઉડી ગયો. જણાવી દઇએ કે, બુધવારે સાંજે ભીલવાડા જિલ્લાના આસિંદ, મંડલમાં ભીલવાડા જિલ્લા મુખ્યાલય સહિતના વિસ્તારોમાં ભારે વરસાદ પડ્યો. મંડલ અને આસિંદ વિસ્તારોમાં વરસાદ સાથે ભારે પવન ફૂંકાતા બ્યાવર ભીલવાડા રાષ્ટ્રીય ધોરીમાર્ગ પર જીવલિયા ગામ નજીક આવેલા ટોલ ટેક્સનો શેડ ઉડી ગયો. આ શેડ અચાનક ઉડી જવાથી ત્યાં ઉભેલા લોકો ગભરાઈ ગયા. ભારે પવનને કારણે, શેડ હાઇવે પરથી નીચે પડી ગયો, જેના કારણે કોઈ જાનહાનિ થઈ નથી, પરંતુ કેટલીક જગ્યાએ લગભગ અડધો ડઝન વાહનોના કાચ તૂટવાની ઘટના ચોક્કસ નોંધાઈ છે.

હવામાન વિભાગે લોકોને સાવધાની રાખવાની સૂચના આપી છે

આ સમય દરમિયાન, રાજસ્થાનના બાકીના ભાગોમાં તીવ્ર ગરમીનો સમયગાળો ચાલુ રહ્યો. હવામાન વિભાગના જણાવ્યા અનુસાર, રાજ્યમાં તીવ્ર ગરમીનો સમયગાળો ચાલુ રહેશે, જોકે કેટલાક ભાગોમાં તોફાન, વાદળોના ગર્જના જેવી પ્રવૃત્તિઓ પણ થઈ શકે છે. નૌતાપા વિસ્તારમાં છેલ્લા ઘણા દિવસોથી તાપમાન અને ભેજમાં વધારો જોવા મળી રહ્યો હતો. આવી સ્થિતિમાં, આજે સાંજે હવામાનમાં આવેલા આ ફેરફારથી લોકોને મોટી રાહત મળી. જોકે, હવામાન વિભાગે ભવિષ્યમાં ભારે પવન અને વરસાદ અંગે સતર્ક રહેવાની સલાહ આપી છે જેથી કોઈપણ અનિચ્છનીય ઘટના ટાળી શકાય.

આ પણ વાંચો :  રાજસ્થાનમાં સરકારી કર્મચારી નીકળ્યો ISI નો જાસૂસ!