• Suprime court એ સેનાને લઇને આપ્યો મોટો ચુકાદો
• સેનાની લિંગ ભેદભાવ નીતિ રદ કરી
• સેનાની  JAG શાખામાં મહિલાઓની સંખ્યા મર્યાદિત કરવાની નીતિને રદ કરી દીધી

સુપ્રીમ કોર્ટે આર્મીના JAG શાખાને લઇને એક મોટો આદેશ આપ્યો છે. સુપ્રીમ કોર્ટે આર્મીની જજ એડવોકેટ જનરલ (JAG) શાખામાં મહિલાઓની સંખ્યા મર્યાદિત કરવાની નીતિને રદ કરી દીધી. કોર્ટે યોગ્યતાના આધારે ભરતી કરવાનો આદેશ આપ્યો છે. લિંગ તટસ્થતાનો સાચો અર્થ એ છે કે બધા લાયક ઉમેદવારોની પસંદગી થવી જોઈએ, કોઇપણ લિંગનો કેમ ના હોય.

Suprime court એ સેનાની લિંગ ભેદભાવ નીતિ રદ કરી

નોંધનીય છે કે ન્યાયાધીશ દીપાંકર દત્તા અને મનમોહનની બેન્ચે જણાવ્યું હતું કે એકવાર સેનાએ મહિલાઓને આર્મી એક્ટ, 1950 ની કલમ 12 હેઠળ શાખામાં જોડાવાની મંજૂરી આપી દીધી હોય, તો તે એક્ઝિક્યુટિવ પોલિસી દ્વારા તેમની સંખ્યા પર વધારાના નિયંત્રણો લાદી શકતી નથી. જો મહિલા ઉમેદવારો JAG પ્રવેશ પરીક્ષામાં પુરુષો કરતાં વધુ મેરિટોરીયસ હોય, તો તેમને મેરિટના આધારે તક આપવી જોઈએ. સારા પ્રદર્શન છતાં તેમને 50 ટકા બેઠકો સુધી મર્યાદિત રાખવાની જોગવાઈ સમાનતાના અધિકારનું ઉલ્લંઘન છે. તે ભરતીની આડમાં પુરુષ ઉમેદવારો માટે અનામત પ્રદાન કરે છે.

આ મામલે બેન્ચે કહ્યું કે હાલના કેસમાં, અરજદારે પ્રતિવાદી નંબર 3 (પુરુષ અધિકારી) ના 433 ગુણની સામે 447 ગુણ મેળવ્યા છે. તેથી, ભારત સરકાર અને સેનાને ભારતીય સેનાના JAG વિભાગમાં કમિશન માટે આગામી ઉપલબ્ધ તાલીમ અભ્યાસક્રમમાં અરજદાર નંબર 1 નો સમાવેશ કરવાનો નિર્દેશ આપવામાં આવે છે. કોર્ટે ભારત સરકાર અને ભારતીય સેનાને JAG માં એવી રીતે ભરતી કરવાનો નિર્દેશ આપ્યો છે કે કોઈપણ લિંગ માટે બેઠકોનું વિભાજન ન થાય. જો બધી મહિલા ઉમેદવારો લાયક હોય, તો તે બધાની પસંદગી થવી જોઈએ.

Suprime court એ આદેશ આપતા કહ્યું પરીક્ષાની મેરિટ યાદી જાહેર કરો

કોર્ટના આદેશમાં એમ પણ કહેવામાં આવ્યું છે કે JAG માં એક સામાન્ય મેરિટ યાદી પ્રકાશિત કરવામાં આવશે જેમાં બધા ઉમેદવારોના ગુણ જાહેર કરવામાં આવશે. બેન્ચે કહ્યું કે ભલે પુરુષો અને સ્ત્રીઓ JAG પ્રક્રિયા હેઠળ અલગ અલગ પોસ્ટ માટે અરજી કરે છે, પસંદગીના માપદંડ અને પરીક્ષાના માપદંડ સમાન છે. લિંગ તટસ્થતા અને 2023 ની નીતિનો સાચો અર્થ એ છે કે ભારત સરકાર સૌથી લાયક ઉમેદવારોની ભરતી કરશે, બધા ઉમેદવારો લિંગના ભેદભાવ વિના, કારણ કે આ શાખાની પ્રાથમિક ભૂમિકા કાનૂની સલાહ આપવાની છે. ભૂતકાળમાં મહિલાઓની નોંધણી ન થવા બદલ વળતર આપવા માટે, ભારત સરકાર મહિલા ઉમેદવારોને ઓછામાં ઓછી 50 ટકા ખાલી જગ્યાઓ ફાળવશે.

આ પણ વાંચો:   PM મોદી અને ઝેલેન્સકીની ફોન પર ચર્ચા, સપ્ટેમ્બરમાં યુએનજીએમાં થશે મુલાકાત