Tahawwur Rana: ભારત આવ્યા પછી તહવ્વુર રાણાની પહેલી તસવીર, NIA દ્વારા ધરપકડ

• આંતરરાષ્ટ્રીય એરપોર્ટ (IGIA) પરથી ધરપકડ કરી
• તહવ્વુર રાણાની પહેલી તસવીર સામે  આવી
• સરકારી  વકીલ તહવ્વુર રાણા કેસ લડશે

Tahawwur Rana ; રાષ્ટ્રીય તપાસ એજન્સી (NIA) એ ગુરુવારે સાંજે 26/11 ના મુંબઈ આતંકવાદી હુમલાના મુખ્ય કાવતરાખોર તહવ્વુર હુસૈન રાણાની દિલ્હીના ઈન્દિરા ગાંધી આંતરરાષ્ટ્રીય એરપોર્ટ (IGIA) પરથી ધરપકડ કરી હતી. યુનાઇટેડ સ્ટેટ્સથી રાણાના સફળ પ્રત્યાર્પણ પછી આ ધરપકડ કરવામાં આવી છે.

દિલ્હી લીગલ સર્વિસીસના એડવોકેટ પિયુષ સચદેવા કોર્ટમાં તહવ્વુર રાણાનું પ્રતિનિધિત્વ કરશે. તે પટિયાલા હાઉસ કોર્ટ પહોંચી ગયો છે. તહવ્વુર રાણા વતી પીયૂષ સચદેવ કોર્ટમાં દલીલો રજૂ કરશે. દિલ્હી રાજ્ય કાનૂની સેવા સત્તામંડળે પિયુષ સચદેવાને તહવ્વુર રાણાના વકીલ તરીકે નિયુક્ત કર્યા છે. આ પછી આગળની કાર્યવાહી કરવામાં આવશે કે રાણાનું શું થશે?

આતંકવાદી તહવ્વુર રાણા શારીરિક રીતે હાજર થશે

પાલમ એરપોર્ટ પર ડોકટરો દ્વારા તબીબી તપાસ બાદ, રાષ્ટ્રીય તપાસ એજન્સી (NIA) ની ટીમ તહવ્વુર રાણાને પટિયાલા હાઉસ કોર્ટમાં લઈ જશે. રાણાને કોર્ટમાં શારીરિક રીતે રજૂ કરવામાં આવે તેવી શક્યતા છે. સરકારી વકીલ ખાસ NIA કોર્ટમાં પહોંચી ગયા છે. સ્પેશિયલ NIA જજ ચંદર જીત સિંહ આ કેસની સુનાવણી કરશે.

કોર્ટ કેમ્પસમાં સુરક્ષા વ્યવસ્થા વધારી દેવામાં આવી છે.

પટિયાલા હાઉસ કોર્ટ કેમ્પસમાં સુરક્ષા વ્યવસ્થા વધારી દેવામાં આવી છે. બેરિકેડ લગાવવામાં આવ્યા છે અને મોટી સંખ્યામાં પોલીસકર્મીઓ હાજર છે. ઉપરાંત, ડોગ સ્ક્વોડની ટીમ NIA હેડક્વાર્ટરની બહાર પહોંચી ગઈ છે અને તપાસ કરી રહી છે. NIA અધિકારીઓ DIG જયા રાય, NIA SP પ્રભાત કુમાર અને NIA IG આશિષ બત્રા ટીમનું નેતૃત્વ કરશે જે તહવ્વુર રાણાને એરપોર્ટથી કોર્ટ અને પછી કોર્ટથી NIA હેડક્વાર્ટર લઈ જશે.