2030 સુધીમાં ભારતની IT ઈન્ડસ્ટ્રીને AI ખતમ કરી દેશે?: TCS ના CEO આપ્યો જવાબ
. AI ના કારણે આઈટી સેક્ટર ખતમ નહીં થાય, પરંતુ તેની ડિમાન્ડ અને કાર્યક્ષમતામાં વધારો થશે
. રેવન્યૂમાં સામાન્ય ઘટાડા છતાં TCS એ વર્ષ દરમિયાન 40.7 અબજ ડોલરના રેકોર્ડ કોન્ટ્રેક્ટ્સ કર્યા છે
. કંપનીઓ AI અને ક્લાઉડ જેવા સાધનોનો ઉપયોગ કરીને પોતાની જૂની સિસ્ટમને અપડેટ કરવા માટે તૈયાર છે
Indian IT Industry AI: ભારતીય IT ઈન્ડસ્ટ્રીને લઈને અવાર-નવાર કહેવાય છે કે દરેક દશકમાં તેનો અંત નજીક છે. પરંતુ હકીકત તેનાથી વિપરીત છે. AI ને કારણે આ ચર્ચા વધુ સામાન્ય છે. ટીસીએસના સીઈઓ કૃતિવાસને ( TCS CEO K. Krithivasan) કહ્યુ છે કે ભારતીય આઈટી સેક્ટર પોતાની મજબૂતાઈ અને સ્કિલના દમ પર દરેક પડકારની સમક્ષ ઉભરીને સામે આવે છે. તેમણે સ્પષ્ટ કર્યું છે કે આ સેક્ટરની શક્તિ માત્ર ઓછી પડતર નથી, પરંતુ ઉચ્ચ સ્તરની વિશેષજ્ઞતા અને ઘેરા સ્કિલ સેટ (Expertise and Skill sets) છે.
2030 સુધીમાં ખાત્માની વાતો પાયાવિહોણી
અંગ્રેજી અખબારને આપેલા ઈન્ટરવ્યૂમાં તેમણે કહ્યુ છે કે તાજેતરમાં આ દાવો કરાયો હતો કે 2030 સુધી આઈટી સર્વિસિઝ ઈન્ડસ્ટ્રી સમાપ્ત થઈ શકે છે. તેનાથી ઉલટ કંપનીઓને AI નો પુરો ફાયદો ઉઠાવવા માટે ટીસીએસ જેવી કંપનીઓની જરૂરતમાં વધારો થશે. એટલે કે AI ખતરો નથી, પરંતુ એક મોટો અવસર (AI as an Opportunity) બનીને ઉભરી રહ્યું છે.
IT કંપનીઓ માટે મોટી તક છે AI
ટીસીએફના ચીફ ઓપરેટિંગ ઓફિસર આરતી સુબ્રમણિયને (COO Aarti Subramanian) કહ્યું છે કે AI ટેક્નોલોજી ઝડપથી આગળ વધી રહી છે, પરંતુ કંપનીઓમાં તેનો ઉપયોગ હજી એટલી ઝડપથી થઈ શકતો નથી. આ અંતર આઈટી કંપનીઓ માટે મોટો અવસર બની રહ્યું છે. તેમણે એમ પણ કહ્યુ કે ક્લાઉડ જેવા એડવાન્સ AI ટૂલ્સ પરંપરાગત આઈટી સર્વિસિઝને પડકારી જરૂર શકે છે, પરંતુ ટીસીએસ તેને નવા મોકાની જેમ જોવે છે.
આરબી સુબ્રમણિયન પ્રમાણે, કંપનીઓ પાસે AI દ્વારા પોતાની જૂની સિસ્ટમ અને ટેક્નોલોજી ડેબ્ટને ઓછું કરવાનો અનોખો મોકો છે. તેનાથી ન માત્ર ઓપરેશન સારા થશે, પરંતુ બિઝનેસની ગતિ પણ ઝડપી બનશે.
આ પણ વાંચો: Extra Marital Affair: લગ્ન બાહ્ય સંબંધ માટે Gleeden App પર 40 લાખ ભારતીયો!, NHRC એ નોટિસ મોકલી
વૈશ્વિક અનિશ્ચિતતા વચ્ચે પણ મજબૂત ભરોસો
ટીસીએસના નેતૃત્વ આગામી નાણાંકીય વર્ષ 2027ને લઈને ઘણું આશાવાદી છે. ગ્લોબલ જિયો-પોલિટિકલ ટેન્શન, ખાસ કરીને પશ્ચિમ એશિયાની સ્થિતિ છતાં કંપનીને પોતાના પ્રદર્શન પર ભરોસો છે. કંપનીનું માનવું છે કે આગામી સમયમાં ગ્રોથના નવા અવસરો સામે આવશે.
રેવન્યૂમાં ઘટાડો, પરંતુ આશા યથાવત
જો કે તાજેતરમાં કંપનીની વાર્ષિક રેવન્યૂમાં 2.4 ટકાનો ઘટાડો નોંધાયો છે, જે 2004માં લિસ્ટિંગ બાદ પહેલીવાર થયો છે. ગત ત્રણ વર્ષોથી ટેકમાં ખર્ચ અને વૈશ્વિક અનિશ્ચિતતાઓની અસર આઈટી સેક્ટર પર પડી છે. તેના કારણે કંપનીઓ ઓછી પડતરમાં વધારે કામ માંગી રહી છે, જેનાથી રેવન્યૂ પર દબાણ વધ્યું છે.
ઘટાડા બાદ ફરીથી દેખાયો ગ્રોથનો ટ્રેન્ડ
બીજી તરફ કૃતિવાસને કહ્યુ છે કે ઘટાડો મુખ્યત્વે એક મોટા ટ્રાન્સફોર્મેશન પ્રોજેક્ટના સમાપ્ત હોવાને કારણે આવ્યો હતો. તેના પછી કંપનીએ સતત ત્રણ માસમાં ગ્રોથ નોંધાવ્યો છે. તેનાથી સ્પષ્ટ છે કે કંપની હવે ફરીથી મજબૂતાઈના માર્ગ પર પાછી ફરી રહી છે.
આ પણ વાંચો: AI ગ્લોબલ હબ બનશે ભારત, 16 CEO સાથે બેઠક બાદ OpenAI ના CEO ઑલ્ટમેને કરી પ્રશંસા
રેકોર્ડ ડીલ્સ અને મજબૂત ઓર્ડર બુક
ટીસીએસએ તાજેતરમાં પોતાના ઈતિહાસની સૌથી મોટી ટોટલ કોન્ટ્રેક્ટ વેલ્યૂ (TCV) પ્રાપ્ત કરી છે. કંપનીએ માર્ચ ત્રિમાસિક સમયગાળામાં ત્રણ મોટા સોદા અને આખા વર્ષમાં પાંચ મોટી ડીલ્સ કરી. નાણાંકીય વર્ષ 2026માં કંપનીનો TCV 40.7 અબજ ડોલર રહ્યો, જ્યારે ચોથા ત્રિમાસિક સમયગાળામાં તે 12 અબજ ડોલર રહ્યો. આ આંકડો દર્શાવે છે કે કંપનીની ઓર્ડર બુક મજબૂત બનેલી છે.
ગ્રાહકોનો ભરોસો વધ્યો, રોકાણમાં તેજી
કંપની મુજબ, હવે ગ્રાહકો પોતાના પ્રોજેક્ટ્સમાં રોકાણને લઈને વધારે આત્મવિશ્વાસ દેખાડી રહ્યા છે. નિર્ણય લેવાનીપ્રક્રિયા પણ ઝડપી થઈ રહી છે, જેનાથી આગામી સમયમાં આઈટી સેક્ટરમાં તેજી જોવા મળવાની શક્યતા છે.
આ પણ વાંચો: AI vs. Humanity: બેંગલુરુમાં IT યુગલના આપઘાતે AI ક્રાંતિની કાળી બાજુ ઉઘાડી કરી