ભારત-બાંગ્લાદેશ બોર્ડર પર વધ્યો તણાવ, કેમ બંને દેશોની સેનાઓ સામસામે આવી?

• BGB અને BSF વચ્ચે ફરી એકવાર તણાવ વધી ગયો
• BSF એ 14 લોકોને નો-મેન્સ લેન્ડમાં ધકેલી દેવાનો પ્રયાસ કર્યો
• BGB એ શાંતિ જાળવવા માટે ફ્લેગ મીટિંગની ઓફર કરી

BSF vs BGB: ભારત-બાંગ્લાદેશ સરહદ પર ફરી એકવાર પરિસ્થિતિ તણાવપૂર્ણ બની ગઈ છે. તાજેતરની ઘટના આજ (મંગળવાર) સવારની છે જ્યારે ભારતીય સરહદ સુરક્ષા દળ (BSF) અને બાંગ્લાદેશ સરહદ ગાર્ડ (BGB) કથિત રીતે આસામ-બાંગ્લાદેશ સરહદ પરના બે અલગ અલગ વિસ્તારોમાં - કુરિગ્રામમાં બોરાઈબારી અને આસામમાં માંકાચરમાં સામસામે આવી ગયા હતા.

સરહદ પર તણાવ

મંગળવારે વહેલી સવારે બાંગ્લાદેશના કુરીગ્રામ જિલ્લાના રૌમારી ઉપજિલ્લામાં બોરાઈબારી સરહદ પર તણાવ ત્યારે વધ્યો જ્યારે BSF એ કથિત રીતે 14 લોકોને નો-મેન્સ લેન્ડમાં ધકેલી દેવાનો પ્રયાસ કર્યો હતો. સ્થાનિક લોકો અને મીડિયા રિપોર્ટ્સ અનુસાર, આ ઘટના બોર્ડર પિલર નંબર 1067 પાસે બની હતી. કહેવામાં આવી રહ્યું છે કે BSF સૈનિકોએ 9 પુરુષો અને 5 મહિલાઓને બાંગ્લાદેશ મોકલવાનો પ્રયાસ કર્યો હતો.

કોણ છે આ 14 લોકો?

કેટલાક પ્રત્યક્ષદર્શીઓનો દાવો છે કે આ દરમિયાન BSF તરફથી ચાર રાઉન્ડ ફાયરિંગ પણ થયું હતું. જોકે, BGB એ આ દાવાને સંપૂર્ણપણે નકારી કાઢ્યો અને કહ્યું કે તેઓ ઘટનાસ્થળે પહોંચ્યા અને શાંતિપૂર્ણ રીતે પરિસ્થિતિને સંભાળી લીધી. સરહદ પાર કરવાનો પ્રયાસ કરતા પકડાયેલા લોકો હજુ પણ નો-મેન્સ-લેન્ડમાં ફસાયેલા છે. શરૂઆતની માહિતી મુજબ, તે બધા ભારતના બાંદરબન જિલ્લાના રહેવાસી હોઈ શકે છે, પરંતુ બાંગ્લાદેશે હજુ સુધી તેમની નાગરિકતાની પુષ્ટિ કરી નથી.

BGBની જમાલપુર બટાલિયન-35ના આસિસ્ટન્ટ ડાયરેક્ટર શમસુલ હકે કહ્યું કે પરિસ્થિતિ કાબૂમાં છે અને ફાયરિંગના અહેવાલો માત્ર અફવા છે. તેમણે કહ્યું કે BGB એ શાંતિ જાળવવા માટે ફ્લેગ મીટિંગની ઓફર કરી છે, પરંતુ સમાચાર લખાય ત્યાં સુધી, BSF તરફથી કોઈ સત્તાવાર પ્રતિભાવ મળ્યો નથી.

આ પણ વાંચો :  Divorce માટે આવેલા દંપતીને સુપ્રીમ કોર્ટની સલાહ, કહ્યું- ડિનર ડેટ પર જાઓ, અમે વ્યવસ્થા કરીશું...

માનકાચર બોર્ડર પર પણ ફાયરિંગ

અહીં આસામના માનકાચર સેક્ટરની ઠાકુરનબારી બોર્ડરથી પણ આવા જ સમાચાર આવ્યા છે. અહેવાલો અનુસાર, જ્યારે BGBએ અહીં પણ કથિત પુશ-ઇનને રોકવાનો પ્રયાસ કર્યો ત્યારે BSFએ ઝીરો લાઇન પર ચાર રાઉન્ડ ફાયરિંગ કર્યું. થોડા સમય માટે અહીં પણ સ્થિતિ ખૂબ જ તંગ બની ગઈ હતી.

સ્થિતિ કાબૂમાં છે, પરંતુ વાતાવરણ હજુ ગરમ

હાલમાં સુરક્ષા એજન્સીઓએ કહ્યું છે કે ઘટનાના બંને સ્થળો પર સ્થિતિ નિયંત્રણમાં છે, પરંતુ તણાવ સંપૂર્ણપણે સમાપ્ત થયો નથી. BSF અને BGBના વરિષ્ઠ અધિકારીઓ સ્થળ પર હાજર છે અને પરિસ્થિતિ પર ચાંપતી નજર રાખી રહ્યા છે. પરંતુ આ ઘટનાએ ફરી એક વખત બતાવ્યું કે ભારત-બાંગ્લાદેશ સરહદ કેટલી નાજુક અને સંવેદનશીલ છે.

આ પણ વાંચો :  AI ટેક્નોલોજીથી હવે મિનિટોમાં થશે સ્વાસ્થ્ય તપાસ!