Operation Sindoor ને કેન્દ્ર સરકાર ઈન્ટરનેશનલ લેવલ પર લઈ જશે, જાણો આખો પ્લાન

• ભારત આંતરરાષ્ટ્રીય મંચ પર રજૂ કરવાનો પ્રયાસ
• સર્વપક્ષીય પ્રતિનિધિમંડળની રચના કરવામાં આવી
• આતંકવાદને સહન કરશે નહીં : રવિશંકર પ્રસાદ

All Party Delegation: કેન્દ્ર સરકાર પહેલગામ આતંકવાદી હુમલાનો બદલો લેવા અને પાકિસ્તાન અને આતંકવાદને યોગ્ય જવાબ આપવા માટે ભારત દ્વારા શરૂ કરાયેલ OPERATION SINDOOR ને આંતરરાષ્ટ્રીય મંચ પર રજૂ કરવાનો પ્રયાસ કરી રહી છે. આ માટે એક સર્વપક્ષીય પ્રતિનિધિમંડળની રચના કરવામાં આવી છે. સર્વપક્ષીય પ્રતિનિધિમંડળ (All Party Delegation)સંયુક્ત રાષ્ટ્ર સુરક્ષા પરિષદ સહિત ઘણા મહત્વપૂર્ણ ભાગીદાર દેશોની મુલાકાત લેશે.

સર્વપક્ષીય પ્રતિનિધિમંડળનું નેતૃત્વ કરશે

સર્વપક્ષીય પ્રતિનિધિમંડળનું નેતૃત્વ ભાજપના સાંસદ રવિશંકર પ્રસાદ,કોંગ્રેસના સાંસદ શશિ થરૂર,જેડીયુના કાર્યકારી અધ્યક્ષ અને સાંસદ સંજય ઝા,શિવસેના સાંસદ શ્રીકાંત શિંદે,એનસીપી સાંસદ સુપ્રિયા સુલે,ડીએમકે સાંસદ કનિમોઝી,બીજેપી સાંસદ બૈજનાથ પાંડા કરશે.

#WATCH | Patna: BJP MP Ravi Shankar Prasad says, "...Why is it that wherever there is any global terrorism, some needle of suspicion is there in Pakistan...We will convey India's concerns..." https://t.co/tMEcdQNiK1 pic.twitter.com/iUrWwqumBB

— ANI (@ANI) May 17, 2025

આ પણ  વાંચો -Delhi MCD : AAPને વધુ એક ઝટકો, 15 કાઉન્સિલરોએ જુદા પડી 'ઇન્દ્રપ્રસ્થ વિકાસ પાર્ટી'ની કરી જાહેરાત

આતંકવાદને સહન કરશે નહીં : રવિશંકર પ્રસાદ

રવિશંકર પ્રસાદે (MP Ravishankar Prasad)કેન્દ્ર સરકારના આ નિર્ણય પર કહ્યું કે PM મોદીની વિચારસરણી ખૂબ મોટી છે.ભારતે દુનિયાને સંદેશ આપ્યો છે કે તે આતંકવાદને સહન કરશે નહીં. જો પાકિસ્તાન તેની ધરતી પરથી આતંકવાદીઓને અહીં મોકલશે તો કડક કાર્યવાહી કરવામાં આવશે. PM મોદીનો સંદેશ એ છે કે પાણી અને લોહી એકસાથે વહેશે નહીં,વેપાર અને વાતચીત એકસાથે નહીં થાય.આતંકવાદ એક મોટી સમસ્યા છે જે વિશ્વને પરેશાન કરી રહી છે.કુલ સાત પ્રતિનિધિમંડળોની રચના કરવામાં આવી છે. અમે બીજા દેશોના પ્રવાસે જઈ રહ્યા છીએ. મારા નેતૃત્વ હેઠળ એક પ્રતિનિધિમંડળની રચના કરવામાં આવી છે. હું PM મોદીનો આભાર માનું છું. મને જાણ કરવામાં આવી છે કે મારે સાઉદી અરેબિયા,કુવૈત,બહેરીન,અલ્જીરિયા જવું પડશે.મારો પ્રવાસ 10 દિવસનો છે. વિપક્ષી નેતા પણ સર્વપક્ષીય પ્રતિનિધિમંડળનું નેતૃત્વ કરી રહ્યા છે. શશિ થરૂર કનિમોઈનું નેતૃત્વ કરી રહ્યા છે.PM મોદીનો વિચાર એ છે કે આખા દેશે એક અવાજમાં બોલવું જોઈએ.

આ પણ  વાંચો -Haryana : YouTuber મહિલા પર પાકિસ્તાન માટે જાસૂસીનો આરોપ, પોલીસે કરી ધરપકડ

પ્રતિનિધિમંડળ 23 મે ના રોજ રવાના થઈ શકે છે

સાંસદોનો આ વિદેશ પ્રવાસ 10 દિવસનો રહેશે. આ પ્રતિનિધિમંડળ 23 મેના રોજ રવાના થઈ શકે છે. આ પ્રતિનિધિમંડળ યુએસ, યુકે, યુએઈ, દક્ષિણ આફ્રિકા અને જાપાન સહિત ઘણા દેશોની રાજધાનીની મુલાકાત લઈ શકે છે. સરકારની આ રાજદ્વારી પહેલનું સંકલન સંસદીય બાબતોના પ્રધાન કિરેન રિજિજુ દ્વારા કરવામાં આવી રહ્યું છે. જો કે, આ પ્રતિનિધિમંડળ અંગે સરકારે હજુ સુધી સત્તાવાર જાહેરાત કરી નથી. સૂત્રોનું કહેવું છે કે, સરકાર આતંકવાદ પર પાકિસ્તાનને સંપૂર્ણ રીતે બેનકાબ કરવા માટે જરૂરી દસ્તાવેજો અને રિપોર્ટ તૈયાર કરી રહી છે.