• વિંગ કમાન્ડર વ્યોમિકા સિંહ અંગે ટિપ્પણીથી વિવાદ
• સમાજવાદી પાર્ટી નેતા રામગોપાલ પર ભાજપના પ્રહાર
• કોંગ્રેસે કહ્યું ભાજપના મંત્રી વિજય શાહ સામે FIR કરો
• રામગોપાલ યાદવ સામે ફરિયાદ નોંધાવોઃ સુરેન્દ્ર રાજપૂત
• સમાજવાદી પાર્ટીએ કહ્યું ભાજપ રાજનીતિ કરી રહ્યું છે

સમાજવાદી પાર્ટી (SP)ના વરિષ્ઠ નેતા અને સાંસદ રામગોપાલ યાદવે વિંગ કમાન્ડર વ્યોમિકા સિંહની જાતિ અંગે ટિપ્પણી કરી, જેના કારણે રાજકીય વિવાદ ભભૂકી ઉઠ્યો છે. યાદવે મુરાદાબાદમાં એક કાર્યક્રમ દરમિયાન મધ્યપ્રદેશના ભાજપ મંત્રી વિજય શાહ દ્વારા કર્નલ સોફિયા કુરેશી પર કરવામાં આવેલી વિવાદાસ્પદ ટિપ્પણીનો ઉલ્લેખ કર્યો. તેમણે આરોપ લગાવ્યો કે શાહે કુરેશીને તેમના ધર્મના આધારે નિશાન બનાવ્યા, જ્યારે વ્યોમિકા સિંહને રાજપૂત સમજીને ટિપ્પણીથી બચાવ્યા. યાદવે દાવો કર્યો કે જો શાહને ખબર હોત કે વ્યોમિકા સિંહ હરિયાણાના જાટવ સમુદાયના છે અને એર માર્શલ એ.કે. ભારતી પૂર્ણિયાના યાદવ છે, તો તેઓએ આ બંને અધિકારીઓ પર પણ દુર્વ્યવહાર કર્યો હોત. આ નિવેદનથી ભાજપ અને સપા વચ્ચે રાજકીય ટકરાવ તીવ્ર બન્યો છે.

યોગી આદિત્યનાથની આકરી ટીકા

ઉત્તર પ્રદેશના મુખ્યમંત્રી યોગી આદિત્યનાથે રામગોપાલ યાદવના નિવેદનને ભારતીય સેનાના સન્માન અને રાષ્ટ્રીય ગૌરવ સામે અપમાન ગણાવ્યું. X પર એક પોસ્ટમાં તેમણે જણાવ્યું કે સેનાનો ગણવેશ જાતિ કે ધર્મના ચશ્માથી ન જોવો જોઈએ. તેમણે યાદવની આ ટિપ્પણીને સપાની સંકુચિત અને જાતિવાદી માનસિકતાનું પ્રતીક ગણાવી, જે તુષ્ટિકરણ અને વોટબેંકની રાજનીતિ માટે દેશભક્તિને વિભાજિત કરે છે. આદિત્યનાથે ચેતવણી આપી કે જનતા આવી વિકૃત વિચારસરણીનો જવાબ આપશે. તેમણે ભારપૂર્વક જણાવ્યું કે ભારતીય સેનાનો દરેક સૈનિક રાષ્ટ્રધર્મનું પાલન કરે છે, નહીં કે કોઈ જાતિ કે ધર્મનું પ્રતિનિધિત્વ.

सेना की वर्दी 'जातिवादी चश्मे' से नहीं देखी जाती है। भारतीय सेना का प्रत्येक सैनिक 'राष्ट्रधर्म' निभाता है, न कि किसी जाति या मजहब का प्रतिनिधि होता है।

समाजवादी पार्टी के राष्ट्रीय महासचिव द्वारा एक वीरांगना बेटी को जाति की परिधि में बांधना न केवल उनकी पार्टी की संकुचित सोच का…

— Yogi Adityanath (@myogiadityanath) May 15, 2025

રામગોપાલ યાદવનો બચાવ

યાદવે પોતાના નિવેદનનો બચાવ કરતા દાવો કર્યો કે, તેમની ટિપ્પણીનો હેતુ જાતિ અને ધર્મના આધારે ભેદભાવની માનસિકતાને ઉજાગર કરવાનો હતો. ઇન્સ્ટાગ્રામ પોસ્ટમાં તેમણે આદિત્યનાથ પર આરોપ લગાવ્યો કે તેમણે સંપૂર્ણ નિવેદન સાંભળ્યા વિના રાજકીય લાભ માટે આ મુદ્દાનો દુરુપયોગ કર્યો. યાદવે ઉત્તર પ્રદેશમાં ધર્મ, જાતિ અને વર્ગના આધારે ખોટા કેસ, એન્કાઉન્ટર, મિલકત જપ્તી અને મહિલાઓ પર અત્યાચારનો આરોપ લગાવ્યો. તેમણે કહ્યું કે તેમનું નિવેદન ભાજપની ભેદભાવપૂર્ણ નીતિઓ સામે વિરોધ દર્શાવવા માટે હતું.

उत्तर भारत के कुछ राज्यों में विशेषकर उत्तर प्रदेश में जहाँ धर्म, जाति और वर्ग देखकर लोगों पर फ़र्ज़ी मुकदमे लगाये जा रहे हों, जाति धर्म के आधार पर एनकाउंटर किये जा रहे हों, जाति धर्म के आधार पर गैंगस्टर लगा कर संपत्ति जब्त की जा रही हो, जाति धर्म और वर्ग देखकर महिलाओं पर…

— Prof. Ram Gopal Yadav (@proframgopalya1) May 16, 2025

ભાજપ અને કોંગ્રેસની પ્રતિક્રિયા

ભાજપે યાદવના નિવેદનને રાષ્ટ્રવિરોધી અને સેનાનું અપમાન કરનારું ગણાવ્યું. ભાજપ નેતા કિરણ ચૌધરીએ કહ્યું કે, આવી ટિપ્પણીઓ રાષ્ટ્રહિતની વિરુદ્ધ છે. બીજી તરફ, કોંગ્રેસે વિજય શાહ સામે કડક કાર્યવાહીની માગ કરી, જેમણે કર્નલ સોફિયા કુરેશીને “આતંકવાદીઓની બહેન” કહીને વિવાદ ઉભો કર્યો હતો. મધ્યપ્રદેશ હાઈકોર્ટે શાહ સામે FIR નોંધવાનો આદેશ આપ્યો છે, જેની સામે શાહે સુપ્રીમ કોર્ટમાં અરજી કરી છે. કોંગ્રેસ નેતા જીતુ પટવારીએ ભાજપ પર ધર્મ અને જાતિના આધારે ધ્રુવીકરણનો આરોપ લગાવ્યો.

સપાનો આક્ષેપ: ભાજપની વિભાજનકારી રાજનીતિ

સમાજવાદી પાર્ટીએ ભાજપ પર વિભાજનકારી રાજનીતિનો આરોપ લગાવ્યો છે. યાદવે ઓપરેશન સિંદૂરના નામે ભાજપ દ્વારા યોજાતી તિરંગા યાત્રાને ચૂંટણીલક્ષી ગણાવી. તેમણે પ્રશ્ન ઉઠાવ્યો કે શું સીમા પર લડનારા સૈનિકો ભાજપના સભ્યો છે? તેમણે ભાજપ પર સેનાની સિદ્ધિઓને બદલે પોતાની રાજકીય ઉપલબ્ધિઓને પ્રકાશિત કરવાનો આરોપ લગાવ્યો. સપાના અન્ય નેતાઓએ પણ શાહની ટિપ્પણીનો વિરોધ કર્યો અને ભાજપને માફી માગવાની માગ કરી.

અન્ય પક્ષોની પ્રતિક્રિયા

બહુજન સમાજ પાર્ટી (BSP)ના નેતા માયાવતીએ યાદવ અને શાહ બંનેની ટિપ્પણીઓને શરમજનક અને નિંદનીય ગણાવી. તેમણે કહ્યું કે, સેનાને જાતિ અને ધર્મના આધારે વિભાજિત કરવું અનુચિત છે. માયાવતીએ ઓપરેશન સિંદૂરની સફળતા પર રાષ્ટ્રીય ગૌરવ વ્યક્ત કર્યું અને આવા વિવાદોને રાષ્ટ્રહિત સામે નુકસાનકારક ગણાવ્યા.

આ પણ વાંચો :   ભાજપ નેતાની ગંદી હરકત કેમેરામાં કેદ, વીડિયો વાયરલ થતા કહ્યું- આ હું નથી..